అయోధ్య రామ మందిర ప్రాణ ప్రతిష్టలో బాలీవుడ్ సెలబ్రిటీలు

అయోధ్యలో జరిగిన రామ మందిర ప్రాణ ప్రతిష్ట వేడుకలకు అనేక మంది బాలీవుడ్ ప్రముఖులు చేరుకున్నారు.

అయోధ్య రామ మందిరం ప్రారంభోత్సవానికి బాలీవుడ్ సెలబ్రిటీలు హాజరయ్యారు. (Image: X/Twitter)

అయోధ్యలో సోమవారం రామ మందిర ప్రాణ ప్రతిష్ట వేడుకలు ఘనంగా జరిగాయి. ఈ వేడుకలకు అనేక మంది బాలీవుడ్ సెలబ్రిటీలు హాజరయ్యారు. వీరిలో రణ్‌బీర్ కపూర్, ఆలియా భట్, విక్కీ కౌశల్, కత్రినా కైఫ్ తదితరులు ఉన్నారు.

వీరితో పాటు ఆయుష్మాన్ ఖురానా, రాజ్ కుమార్ హిరానీ, మాధురీ దీక్షిత్ వంటి సెలబ్రిటీలు కూడా ఉన్నారు.

వీరందరూ ముంబై నుంచి ఒకేసారి బయలుదేరారు. అక్కడి నుంచి విమానం ద్వారా అయోధ్యకు చేరుకున్నారు.

విక్కీ కౌశల్, కత్రినా కైఫ్ జంట సంప్రదాయ దుస్తుల్లో చూడముచ్చటగా ఉన్నారు.

సూపర్ స్టార్ రజినీకాంత్, మాాస్టర్ బ్లాస్టర్ సచిన్ టెండూల్కర్, ముకేష్ అంబానీ కూడా ఈ వేడుకల్లో పాల్గొన్నారు.

సూపర్ స్టార్ రజనీకాంత్, బాలీవుడ్ నటుడు అనుపమ్ ఖేర్ ఇద్దరూ కలిసి ఫొటోలు దిగారు. వాటిని అనుపమ్ ఖేర్ తన సోషల్ మీడియా ఖాతాల్లో పోస్ట్ చేశారు.

ఇటీవలే రామాయణం ఆధారంగా ‘ఆదిపురుష్’ తీసి విమర్శల పాలైన బాలీవుడ్ దర్శకుడు ఓం రౌత్ కూడా ఈ వేడుకల్లో పాల్గొన్నారు.