UK Ministers Resign: యూకే ప్రధాని బోరిస్‌ జాన్సన్‌కు షాక్- ఇద్దరు సీనియర్ మంత్రులు రాజీనామా!

UK Ministers Resign: బ్రిటన్‌లో రాజకీయ సంక్షోభం తలెత్తింది. బోరిస్ జాన్సన్ నేతృత్వంలోని సర్కార్ నుంచి ఇద్దరు సీనియర్ మంత్రులు తప్పుకున్నారు.

(Image Source: PTI)

UK Ministers Resign: బ్రిటన్‌ ప్రధాని బోరిస్‌ జాన్సన్‌కు మరో షాక్ తగిలింది. ఆయన ప్రభుత్వంలోని ఇద్దరు సీనియర్ మంత్రులు మంగళవారం రాజీనామా చేశారు. భారత మూలాలున్న రిషి సునక్‌తో పాటు పాక్ మూలాలున్న ఆరోగ్య మంత్రి సాజిద్ జావిద్.. తమ మంత్రిత్వశాఖలకు రాజీనామా చేశారు. రిషి.. ఆర్థిక మంత్రిగా, సాజిద్ ఆరోగ్య మంత్రిగా ఇప్పటివరకు పనిచేశారు. 

In what may be the final blow for British Prime Minister Boris Johnson’s premiership, finance Minister Rishi Sunak and health minister Sajid Javid announced their resignations https://t.co/rTLNf0qvFX pic.twitter.com/rFejw3JPxb

— Reuters (@Reuters) July 6, 2022

ఎందుకిలా?

పార్టీ గేట్‌ మొదలుకుని పలు ఆరోపణలు, సమస్యలతో జాన్సన్ ప్రభుత్వం ఉక్కిరిబిక్కిరి అవుతోంది. ఇలాంటి సమయంలో ఇద్దరు సీనియర్ మంత్రులు రాజీనామా చేయడం వల్ల ప్రభుత్వం కుప్పకూలే ప్రమాదం ఉందని జాన్సన్ సర్కార్ భయపడుతోంది. ప్రధాని నాయకత్వంపై నమ్మకం కోల్పోయామంటూ ఆయనకు రాసిన రాజీనామా లేఖల్లో మంత్రులిద్దరూ పేర్కొన్నారు.

The public rightly expect government to be conducted properly, competently and seriously.

I recognise this may be my last ministerial job, but I believe these standards are worth fighting for and that is why I am resigning.

My letter to the Prime Minister below. pic.twitter.com/vZ1APB1ik1

— Rishi Sunak (@RishiSunak) July 5, 2022

" కొంతకాలంగా ప్రధాని జాన్సన్‌ పనితీరు దారుణంగా ఉంది. ప్రభుత్వం సజావుగా, సమర్థంగా పని చేయాలని ప్రజలు ఆశిస్తారు. ఆ ప్రమాణాలు లోపించాయి అందుకే తప్పుకుంటున్నా. చాలా సందర్భాల్లో మీ వైఖరిని వ్యక్తిగతంగా ప్రశ్నించినా ప్రజాప్రయోజనాల దృష్ట్యా అందరి ముందూ మాత్రం సమర్థించాను. కానీ మౌలికంగా మనిద్దరివీ వేర్వేరు దారులు. ఇలా కలిసి కొనసాగలేమన్న నిర్ధారణకు వచ్చా.                                                                           "

- రిషి సునక్

జాన్సన్‌ నేతృత్వంలో పరిస్థితులు మెరుగు పడే అవకాశాలు ఏ మాత్రమూ లేవని అందుకే రాజీనామా చేస్తున్నట్లు సాజిద్ చెప్పారు.

పార్టీ కొంపముంచిందా?

కరోనా ఉధృతంగా ఉన్న రోజుల్లో అధికార నివాసంలో మందు పార్టీ చేసుకున్నారన్న ఆరోపణలపై జాన్సన్‌ ఇప్పటికే ఇబ్బందికర పరిస్థితులను ఎదుర్కోవాల్సి వచ్చింది. దీనిపై ఆయన ప్రజలకు క్షమాపణలు కూడా చెప్పారు. ఆ తర్వాత పార్టీలో కూడా ఆయనకు మద్దతు తగ్గిపోతూ వచ్చింది.