Trump vs Elon Musk: 'మస్క్‌ను మోకాళ్లపై నిలబడి అడుక్కోమనాల్సింది' - ట్రంప్ కౌంటర్ మామూలుగా లేదు!

Trump vs Elon Musk: అమెరికా మాజీ అధ్యక్షుడు డొనాల్డ్ ట్రంప్ తాజాగా టెస్లా సీఈఓ మస్క్‌పై తీవ్ర విమర్శలు చేశారు.

'మస్క్‌ను మోకాళ్లపై నిలబడి అడుక్కోమనాల్సింది' - ట్రంప్ కౌంటర్ మామూలుగా లేదు!

Trump vs Elon Musk: టెస్లా సీఈఓ ఎలాన్‌ మస్క్‌కు అమెరికా మాజీ అధ్యక్షుడు డొనాల్డ్ ట్రంప్ తాజాగా స్ట్రాంగ్ కౌంటర్ ఇచ్చారు. ట్రంప్ ఇక రాజకీయాల నుంచి రిటైర్ కావాలని మస్క్ చేసిన వ్యాఖ్యలపై డొనాల్డ్.. తన సోషల్ మీడియా వేదిక ట్రూత్‌లో ఘాటుగా రిప్లై ఇచ్చారు. ఈ సందర్భంగా వైట్‌హౌస్‌లో వీరిద్దరూ దిగిన ఫొటోను కూడా ట్రంప్‌ షేర్‌ చేశారు. 

Oh, man, we're really going to do this. What happens the two most volatile social media accounts collide? pic.twitter.com/PK381Uab0H

— Ashlee Vance (@ashleevance) July 12, 2022

" నేను అధ్యక్షుడిగా శ్వేతసౌధంలో ఉన్నప్పుడు ఎలాన్‌ మస్క్‌ వచ్చి తన అనుబంధ ప్రాజెక్టులకు సాయం చేయాలని కోరారు. తన ఎలక్ట్రిక్ కార్లు ఎంతో దూరం వెళ్లకపోయినా, డ్రైవర్‌ రహిత కార్లు ప్రమాదాలకు గురవుతున్నా, వాటికి సాయం చేయమని అడిగారు. తాను ట్రంప్‌నకు, రిపబ్లికన్‌ పార్టీకి పెద్ద అభిమానినంటూ చెప్పారు. ఆ సమయంలో నేను అతడిని మోకాళ్లపై కూర్చుని అడుక్కోమని చెప్పాల్సింది. అలా చెప్పినా అతడు చేసేవాడే.                                                                               "

-    డొనాల్డ్ ట్రంప్, అమెరికా మాజీ అధ్యక్షుడు

మస్క్ రియాక్షన్

pic.twitter.com/fEyGfy1EaX

— Elon Musk (@elonmusk) July 12, 2022

అయితే ఈ కౌంటర్‌కు మస్క్ కూడా తనదైన శైలిలో స్పందించారు. ట్రంప్‌ పోస్ట్‌ను ఓ నెటిజన్‌ ట్విటర్‌లో షేర్‌ చేయగా దానికి మస్క్ స్పందిస్తూ కార్టూన్‌ క్యారెక్టర్‌ గ్రాండ్‌పా సిమ్సన్‌ అరుస్తున్నట్లుగా ఉన్న జిఫ్‌ ఇమేజ్‌ను పోస్ట్‌ చేస్తూ మాజీ అధ్యక్షుడికి వ్యంగ్యంగా కౌంటర్‌ ఇచ్చారు.