Russia Ukraine War: వెనక్కి తగ్గిన పుతిన్- చర్చలు సఫలం, కీవ్ నుంచి బలగాల ఉపసంహరణ

రష్యా- ఉక్రెయిన్ మధ్య యుద్ధం ముగింపు దిశగా తొలి అడుగులు పడ్డాయి. టర్కీలో జరిగిన చర్చలు ఫలించాయి.

ఫలించిన రష్యా- ఉక్రెయిన్ చర్చలు

రష్యా-ఉక్రెయిన్​ మధ్య చర్చలు మొత్తానికి ఫలించాయి. యుద్ధం ముగింపు దిశగా అడుగులు వేసేలా రెండు దేశాల మధ్య కీలక ఏకాభిప్రాయం కుదిరింది. టర్కీలోని ఇస్తాంబుల్​లో జరిగిన చర్చలు ఫలప్రదంగా సాగినట్లు రష్యా రక్షణ శాఖ సహాయ మంత్రి అలెగ్జాండర్ ఫోమిన్ ప్రకటించారు. 

Russian negotiator says 'meaningful' talks held with Ukraine: AFP News Agency

— ANI (@ANI) March 29, 2022

Russia says to 'radically' reduce military activity near Kyiv, Chernigiv, reports AFP News Agency.

Kyiv negotiators call for 'international' accord to guarantee Ukrainian security, the agency further reports.

— ANI (@ANI) March 29, 2022

రాజధాని కీవ్ సహా మరో ప్రధాన నగరమైన చెర్నిహివ్​ నుంచి సైన్యం ఉపసంహరణకు రష్యా అంగీకరించింది. శాంతి చర్చలపై ఉక్రెయిన్​కు మరింత భరోసా కల్పించేందుకే ఈ నిర్ణయం తీసుకున్నామని పేర్కొంది. 

నెల రోజుల్లో

ఉక్రెయిన్‌పై రష్యా సైనిక చర్యలు మొదలుపెట్టి నెల రోజులు దాటిపోయాయి. ఈ నెల రోజుల్లో ఉక్రెయిన్‌పై రష్యా దళాలు వైమానిక దాడులు చేశాయి, ఎన్నో నగరాలను హస్తగతం చేసుకున్నాయి. యూరోప్.. దశాబ్దాలుగా చూడని హింసాత్మక ఘటనలను ఈ నెల రోజుల్లో చూసింది. రష్యా మొదలుపెట్టిన ఈ దాడి వల్ల మాస్కోకు, పశ్చిమ దేశాలకు మధ్య ఇక పూడ్చలేని దూరం ఏర్పడింది. ఈ ఒక్క యుద్ధంతో ప్రపంచవ్యాప్తంగా ఆర్థిక సంక్షోభం, ఆకలి చావులు మొదలయ్యే పరస్థితులు కనిపిస్తున్నాయి.

ఉక్రెయిన్ జవాబు

బలమైన రష్యా సైన్యాన్ని ఉక్రెయిన్ కూడా అంతే దీటుగా ఎదుర్కొంటోంది. డజనుకు పైగా ఉన్న మిత్రదేశాలు, అమెరికా కూడా ఉక్రెయిన్‌కు పరోక్షంగా సాయమందిస్తున్నాయి. అన్నింటిని మించి ఉక్రెయిన్ అధ్యక్షుడు వ్లొదిమిర్ జెలెన్‌స్కీ మాటలు ఆ దేశ సైన్యాన్ని అలుపెరగకుండా పోరేడేలా చేస్తున్నాయి.

ఈ యుద్ధం కారణంగా ఉక్రెయిన్ జనాభాలో పావు వంతు అంటే కోటి మంది ప్రజలు తమ ఇళ్లను వదిలి వలసవెళ్లిపోయినట్లు ఐక్యరాజ్య సమితి వెల్లడించింది. ఉక్రెయిన్ సరిహద్దు దేశాలైన పోలాండ్, మాల్డోవాకు కూడా చాలా మంది శరణార్థులుగా వెళ్లిపోయారు.

జెలెన్‌స్కీ హీరో

ఈ యుద్ధంతో ఐరోపా సహా ప్రపంచవ్యాప్తంగా జెలెన్‌స్కీ హీరో అయిపోయారు. రాజధాని కీవ్ నగరంలో రష్యా వైమానిక దాడులు చేస్తున్నప్పటికీ అక్కడి నుంచే జెలెన్‌స్కీ రోజూ వీడియోలు పెడుతున్నారు. మరోవైపు 23 ఏళ్లలో నిర్మించుకున్న పుతిన్ ఇమేజ్.. ఈ యుద్ధంతో కాస్త తగ్గింది.