Russia Ukraine Crisis: ఉక్రెయిన్‌లో భారత విద్యార్థి మృతి- భారత విదేశాంగ శాఖ ప్రకటన

ఉక్రెయిన్‌లో జరుగుతోన్న దాడులలో భారత విద్యార్థి మృతి చెందాడు.

ఉక్రెయిన్‌లో భారత విద్యార్థి మృతి- భారత విదేశాంగ శాఖ ప్రకటన

ఉక్రెయిన్‌పై రష్యా చేస్తోన్న భీకర దాడుల్లో భారత విద్యార్థి మృతి చెందాడు. కర్ణాటకకు చెందిన నవీన్ అనే విద్యార్థి ఈ దాడుల్లో మృతి చెందినట్లు భారత విదేశాంగ శాఖ వెల్లడించింది.

" బాధాతప్త హృదయాలతో ఈ విషయాన్ని ప్రకటిస్తున్నాం. ఖార్కివ్‌లో జరిగిన కాల్పుల్లో ఓ భారత విద్యార్థి ప్రాణాలు కోల్పోయాడు. అతని కుటుంబ సభ్యులకు విదేశాంగ శాఖ విషయాన్ని తెలియజేసింది. అతని కుటుంబానికి మా సంతాపం వ్యక్తం చేస్తున్నాం.                                               "

-    అరిందమ్ బగిచీ, భారత విదేశాంగ శాఖ ప్రతినిధి

With profound sorrow we confirm that an Indian student lost his life in shelling in Kharkiv this morning. The Ministry is in touch with his family.

We convey our deepest condolences to the family.

— Arindam Bagchi (@MEAIndia) March 1, 2022

ఖార్కివ్ నగరంలో ఈ రోజు రష్యా సైన్యం భీకర దాడులతో విరుచుకుపడింది. నిత్యావసరాల కోసం దుకాణానికి వెళ్లిన సమయంలో సైనిక దళాల షెల్లింగ్​లో నవీన్ ప్రాణాలు కోల్పోయాడు. మృతుడి కుటుంబానికి ప్రధాని నరేంద్ర మోదీ, కర్ణాటక సీఎం బసవరాజ్ బొమ్మై, భారత విదేశాంగ శాఖ సంతాపం తెలిపింది.

కీవ్‌ నగరమే టార్గెట్

Russia invasion convoy masses near Ukraine capital.

Fears are growing that the invading forces are set to launch devastating assaults aimed at taking control of Kyiv and other major citieshttps://t.co/g2kI8ZhYT5 pic.twitter.com/z54CPgAg4I

— AFP News Agency (@AFP) March 1, 2022

ఉక్రెయిన్ రాజధాని కీవ్​ లక్ష్యంగా రష్యా సేనలు వేగంగా కదులుతున్నాయి. ఓ భారీ సాయుధ కాన్వాయ్‌ కీవ్ వైపు వెళ్తోన్న ఉపగ్రహ చిత్రాలు ఈరోజు సోషల్ మీడియాలో కనిపించాయి. దీని పొడవు 65 కి.మీలు ఉన్నట్లు తెలుస్తోంది. మరోవైపు ఉక్రెయిన్‌ నగరాల్లో ఈ ఉదయం నుంచి ఎయిర్‌ సైరన్ల మోతలు వినిపిస్తున్నాయి. 

మరోవైపు ఖార్కివ్ నగరంలో రష్యా సైనికులు కాల్పుల మోత మోగిస్తున్నారు. ఈ కాల్పుల్లోనే నవీన్ మృతి చెందినట్లు తెలుస్తోంది.