PM Modi on Ukraine Crisis: రష్యా- ఉక్రెయిన్ యుద్ధంలో విజేతలు ఉండరు: ప్రధాని మోదీ

PM Modi on Ukraine Crisis: రష్యా- ఉక్రెయిన్ యుద్ధంలో విజేతలు ఎవరూ ఉండరని ప్రధాని నరేంద్ర మోదీ అన్నారు.

రష్యా- ఉక్రెయిన్ యుద్ధంలో విజేతలు ఉండరు: మోదీ

PM Modi on Ukraine Crisis:  రష్యా- ఉక్రెయిన్‌ యుద్ధంపై ప్రధాని నరేంద్ర మోదీ కీలక వ్యాఖ్యలు చేశారు. ఈ యుద్ధంలో విజేతలు ఎవరూ ఉండరని, అందరూ నష్టపోతారని మోదీ అన్నారు. భారత్ మాత్రం శాంతి పక్షానే నిలుస్తుందని పునరుద్ఘాటించారు.

" రష్యా- ఉక్రెయిన్ యుద్ధంలో ఏ ఒక్కరూ విజేతలు కారు. ఉక్రెయిన్ సంక్షోభం కారణంగా చమురు ధరలు ఆకాశాన్ని అంటుతున్నాయి. ఆహార ధాన్యాలు, ఎరువుల కొరత కారణంగా ప్రపంచమంతా ఇబ్బందులు ఎదుర్కొంటుంది. ఈ ప్రభావం అభివృద్ధి చెందుతున్న, పేద దేశాలపై అధికంగా ఉంటుంది. ఏది ఏమైనా భారత్ మాత్రం శాంతి పక్షమే.                                             "

-ప్రధాని నరేంద్ర మోదీ

Discussions continue between PM @narendramodi and Chancellor Scholz in Berlin. Both leaders are reviewing the full range of bilateral ties between India and Germany, including giving an impetus to trade as well as cultural linkages. @Bundeskanzler pic.twitter.com/Wj3M8mVQjr

— PMO India (@PMOIndia) May 2, 2022

మూడు రోజుల ఐరోపా పర్యటనలో భాగంగా ప్రధాని నరేంద్ర మోదీ సోమవారం ఉదయం జర్మనీ చేరుకున్నారు. రాజధాని బెర్లిన్​లో ఆ దేశ ఛాన్సలర్​ ఒలాఫ్​ స్కోల్జ్​తో భేటీ అయ్యారు. వాణిజ్యానికి ప్రోత్సాహకాలతో పాటు ద్వైపాక్షిక సంబంధాలపై చర్చించారు. 6వ ఇండియా- జర్మనీ గవర్నమెంటల్​ కన్సల్టేషన్స్​ (ఐజీసీ)లో ఒలాఫ్​ స్కోల్జ్​తో కలిసి మోదీ పాల్గొన్నారు. ప్రధానితో పాటు విదేశాంగ మంత్రి ఎస్ జైశంకర్, జాతీయ భద్రతా సలహాదారు అజిత్ డోభాల్ కూడా ఉన్నారు.

ఘన స్వాగతం

Earlier today, the Prime Minister landed in Berlin. The Indian community in Germany gave a warm welcome to him. pic.twitter.com/XXh40V8nON

— PMO India (@PMOIndia) May 2, 2022

బ్రాండ‌న్‌బ‌ర్గ్ విమానాశ్ర‌యంలో ఆయ‌న‌కు ఘ‌న స్వాగ‌తం ల‌భించింది. ఆ సమయంలో భార‌తీయ సంత‌తికి చెందిన ప్ర‌జ‌లు ప్ర‌ధాని మోదీతో ముచ్చ‌టించారు. వందేమాత‌రం, భార‌త్ మాతాకీ జై అంటూ నినాదాలు చేశారు

.ఆ తర్వాత అక్కడికి వచ్చిన చిన్నారులతో ప్రధాని నరేంద్ర మోదీ ముచ్చటించారు. ఓ బాలిక ప్ర‌ధానికి చిత్ర‌ప‌టాన్ని బ‌హూక‌రించింది. ప్ర‌ధాని త‌నకు ఆద‌ర్శ‌మ‌ని తెలిపింది. మరో చిన్నారి మోదీకి దేభ‌క్తి పాట‌ను పాడి వినిపించాడు. మాతృభూమి గురించి ఆ చిన్నారి పాట పాడుతుంటే ప్ర‌ధాని మోదీ చిటికెలు వేశారు. అద్భుతంగా పాడావంటూ ఆ బాలుడ్ని మోదీ మెచ్చుకున్నారు.