Bill Gates Corona Positive: బిల్‌గేట్స్‌కు కరోనా పాజిటివ్- వార్నింగ్ ఇచ్చిన కొన్ని రోజులకే!

Bill Gates Corona Positive: బిల్‌గేట్స్‌కు కరోనా పాజిటివ్‌గా తేలింది. తనకు స్వల్ప లక్షణాలున్నాయని ఆయన ట్వీట్ చేశారు.

బిల్‌గేట్స్‌కు కరోనా పాజిటివ్- వార్నింగ్ ఇచ్చిన కొన్ని రోజులకే!

Bill Gates Corona Positive: మైక్రోసాఫ్ట్ వ్యవస్థాపకుడు బిల్ గేట్స్ (Bill Gates) కరోనా బారిన పడ్డారు. తనకు తేలికపాటి కరోనా లక్షణాలున్నాయని ఆయన ట్విట్టర్‌లో తెలిపారు. సంపూర్ణ ఆరోగ్యవంతుడిగా మారేవరకు తాను ఐసోలేషన్‌లోనే ఉంటానని ట్వీట్‌ చేశారు. 

I've tested positive for COVID. I'm experiencing mild symptoms and am following the experts' advice by isolating until I'm healthy again.

— Bill Gates (@BillGates) May 10, 2022

" నాకు కరోనా సోకింది. స్వల్ప లక్షణాలు ఉన్నాయి. వైద్యుల సలహాల మేరకు తిరిగి ఆరోగ్యవంతుడ్ని అయ్యే వరకు ఐసోలేషన్‌లో ఉంటాను.                                                                   "

-బిల్‌గేట్స్, మైక్రోసాఫ్ట్ వ్యవస్థాపకుడు 

సాయం

కరోనా వైరస్‌ను కట్టడి చేసేందుకు బిల్‌ మిలిందా గేట్స్‌ ఫౌండేషన్‌ పలు పేద దేశాలకు వ్యాక్సిన్లు, ఔషధాలను అందజేసింది. అదేవిధంగా యాంటీవైరల్ జనరిక్‌ కరోనా పిల్స్‌ను సరఫరా చేసేందుకు తన ఫౌండేషన్ తరపున 120 మిలియన్ల డాలర్లను బిల్‌గేట్స్‌ వెచ్చించారు.

వార్నింగ్

కొవిడ్ మహమ్మారిపై బిల్‌గేట్స్‌ ఇటీవల హెచ్చరించారు. కరోనా ముప్పు ఇంకా తొలగిపోలేదన్నారు. మ‌రింత ప్రాణాంత‌కమైన‌, శ‌ర‌వేగంగా వ్యాపించే సామ‌ర్థ్యం గ‌ల‌ కొవిడ్ వేరియంట్ దూసుకొస్తున్న‌ద‌ని బిల్‌గేట్స్ అన్నారు. కరోనాపై ప్రపంచాన్ని హెచ్చరించిన కొన్ని రోజులకే ఆయనకు కొవిడ్ సోకింది.

" కరోనా ముప్పు ఇంకా పోలేదు. మరింత శక్తిమంతమైన వేరియంట్ దూసుకొస్తుంది. దాని క‌ట్ట‌డికి అంత‌ర్జాతీయంగా ఆంక్ష‌లు పెంచాల్సిన అవ‌స‌రం ఉంది. ఆ కొవిడ్ వేరియంట్ ఐదు శాతాని కంటే ఎక్కువ ముప్ప‌ు. కొవిడ్ మ‌హ‌మ్మారి వ‌ల్ల పుట్టుకొస్తున్న వేరియంట్ మ‌రింత ప్ర‌మాద‌క‌ర‌మైంది, వేగంగా వ్యాపించ‌గ‌ల సామ‌ర్థ్యం క‌లిగి ఉంటుంది.                                                                 "

-బిల్‌గేట్స్‌