Delhi High Court: పర్సనాలిటీ రైట్స్ కోసం చలో ఢిల్లీ హైకోర్టు - సెలబ్రిటీలంతా ఆ కోర్టుకే ఎందుకెళ్తున్నారో తెలుసా?
Celebrities protect: దేశంలో సెలబ్రిటీలు తమ పర్సనాలిటీ రైట్స్ కోసం డిల్లీ హైకోర్టుకు వెళ్లి ఆదేశాలు తెచ్చుకుంటున్నారు. తమ రాష్ట్రాల్లో కోర్టులు ఉన్నా.. వీరంతా ఢిల్లీ హైకోర్టుకు వెళ్లడం ఆసక్తి రేపుతోంది
Delhi High Court is the go to forum to protect personality rights of celebrities: తన ఫోటోలు, వీడియోలు దుర్వినియోగం చేస్తున్నారని .. ఏఐ ఉపయోగించి తప్పుడు ప్రచారం చేస్తున్నారని ఏపీ డిప్యూటీ సీఎం పవన్ కల్యాణ్ ఢిల్లీ హైకోర్టులో పిటిషన్ దాఖలు చేశారు. పవన్ కల్యాణే కాదు.. భారతదేశంలో సెలబ్రిటీల పర్సనాలిటీ రైట్స్ రక్షణకు ఢిల్లీ హైకోర్టు మొదటి ఎంపికగా మారింది. బాలీవుడ్ స్టార్లు అమితాభ్ బచ్చన్, ఐశ్వర్య రాయ్ బచ్చన్, అభిషేక్ బచ్చన్, హృతిక్ రోషన్, కరణ్ జోహర్ వంటి ప్రముఖులు తమ చిత్రాలు, స్వరాలు, గుర్తింపు లక్షణాల అనధికారిక వాణిజ్య ఉపయోగానికి వ్యతిరేకంగా ఈ కోర్టులోనే పిటిషన్లు దాఖలు చేస్తున్నారు. AI డీప్ఫేక్లు, మోర్ఫింగ్లు, ఫేక్ సోషల్ మీడియా ఖాతాలు వంటి ఆధునిక సవాళ్లకు వేగవంతమైన నిషేధాజ్ఞలు జారీ చేయడంతో ఈ కోర్టు ప్రత్యేక స్థానాన్ని సంపాదించుకుంది.
పర్సనాలిటీ రైట్స్ అంటే ఒక వ్యక్తి తన పేరు, చిత్రం, స్వరం, సంతకం, గుర్తింపు లక్షణాలను అనధికారిక వాణిజ్య ఉపయోగానికి వ్యతిరేకించే హక్కు. భారతదేశంలో దీనికి ప్రత్యేక చట్టం ద్వారా రక్షణ లేదు. కానీ కాపీరైట్ చట్టం (1957), ట్రేడ్మార్క్స్ చట్టం (1999), ఐటీ చట్టం (2000) వంటి చట్టాలు, సుప్రీం కోర్టు-హైకోర్టు తీర్పుల ఆధారంగా అమలవుతుంది. ఐటీ చట్టం సెక్షన్ 66C (గుర్తింపు దొంగతనం), 66D (అపాహన్), 66E (గోప్యత ఉల్లంఘన) వంటివి డీప్ఫేక్లకు ఉపయోగపడతాయి. డిజిటల్ పర్సనల్ డేటా ప్రొటెక్షన్ (DPDP) చట్టం, 2023 ప్రకారం, అనధికారిక డేటా ఉపయోగానికి శిక్షలు విధించవచ్చు.
మద్రాస్ హైకోర్టు 2011లో రజనీకాంత్ కేసులో అనధికారిక వాణిజ్య ఉపయోగాన్ని నిషేధించింది. ఢిల్లీ హైకోర్టు 2023లో ఇలాంటి తీర్పే ఇచ్చింది. అయితే పేరడీలు, సెటైర్లకు మినహాయింపు ఇచ్చింది. మే 2024లో జాకీ ష్రాఫ్ కేసులో AI చాట్బాట్లు, ఈ-కామర్స్ ప్లాట్ఫారమ్లకు నిషేధం విధించింది. సెలబ్రిటీలకు ఢిల్లీ హైకోర్టు ఎంపిక కారణం ల్యాండ్మార్క్ తీర్పులుగా భావిస్తున్నారు. మద్రాస్ హైకోర్టుతో పాటు మొదటి IP డివిజన్ను ఏర్పాటు చేసి, వేగవంతమైన రిలీఫ్ ఇస్తుంది. ఇటీవలి AI సవాళ్లకు డిల్లీ హైకోర్టు త్వరగా స్పందించింది. సెప్టెంబర్ 9-10, 2025లో ఐశ్వర్య రాయ్, అభిషేక్ బచ్చన్లకు AI డీప్ఫేక్లకు నిషేధం. సెప్టెంబర్ 17న కరణ్ జోహర్కు మోర్ఫింగ్, డిజిటల్ మ్యానిప్యులేషన్కు ఆదేశాలు. సల్మాన్ ఖాన్, పవన్ కల్యాణ్ కేసుల్లో సోషల్ మీడియా ప్లాట్ఫారమ్లు కు మూడు రోజుల్లోపు యాక్షన్ తీసుకోమని ఆదేశించింది.
AI టెక్నాలజీతో డీప్ఫేక్లు, వాయిస్ క్లోనింగ్లు పెరగడంతో సెలబ్రిటీలు ఇబ్బంది పడుతున్నారు. బాంబే హైకోర్టు అరిజిత్ సింగ్ కేసులో AI వాయిస్ క్లోనింగ్కు నిషేధం విధించింది. ఢిల్లీ హైకోర్టు ఇంటర్మీడియరీ రూల్స్ ప్రకారం ఫేక్ కంటెంట్ను తక్షణం తొలగించమని ఆదేశిస్తోంది. షా రుఖ్ ఖాన్, ప్రియాంక చోప్రా, అజయ్ దేవ్గణ్ వంటివారు తమ పేర్లను ట్రేడ్మార్క్లుగా రిజిస్టర్ చేసుకున్నారు. ఢిల్లీ హైకోర్టు తీర్పులు ఆర్టికల్ 19(1)(a) (ఫ్రీ స్పీచ్)తో బ్యాలెన్స్ చేస్తూ, వాణిజ్య మోసాలకు మాత్రమే నిషేధం విధిస్తోంది.
టాప్ హెడ్ లైన్స్
ట్రెండింగ్ వార్తలు
