Mamata Banerjee Sharad Pawar Meeting: 'దేశంలో యూపీఏ ఎక్కడుంది? ప్రత్యామ్నాయ శక్తి రావాల్సిందే'

దేశంలో నియంతృత్వ పాలనను ఎదుర్కొనేందుకు ప్రత్యామ్నాయ శక్తి రావాలని బంగాల్ సీఎం మమతా బెనర్జీ అన్నారు.

'దేశంలో యూపీఏ ఎక్కడుంది? ప్రత్యామ్నాయ శక్తి రావాల్సిందే'

2024 పార్లమెంటు ఎన్నికలే లక్ష్యంగా బంగాల్ సీఎం మమతా బెనర్జీ వ్యూహాలు రచిస్తున్నారు. భాజపా నేతృత్వంలోని ఎన్‌డీఏను ఎదుర్కొనేందుకు ప్రత్యామ్నాయ శక్తిని తయారుచేసేందుకు విశ్వప్రయత్నాలు చేస్తున్నారు. 2014కు ముందు వరుసగా రెండుసార్లు అధికారంలో  ఉన్న యూపీఏ ప్రస్తుతం మనుగడలో లేదన్నారు దీదీ. ఎన్‌సీపీ అధినేత శరద్ పవార్‌తో భేటీ తర్వాత మమతా కీలక వ్యాఖ్యలు చేశారు.

A firm alternative course should be made as nobody's fighting against ongoing fascism. Sharad Ji is the seniormost leader & I came to discuss our political parties. I agree with whatever Sharad Ji said. There is no UPA: WB CM Mamata Banerjee after meeting NCP Chief Sharad Pawar pic.twitter.com/P2GdlA9JlA

— ANI (@ANI) December 1, 2021

" ప్రస్తుతం దేశంలో నియంతృత్వం కొనసాగుతోంది. దీనిపై ఎవరూ పోరాడటం లేదు. ఈ నేపథ్యంలో బలమైన ప్రత్యామ్నాయానికి ఆవశ్యకత ఏర్పడింది. శరద్ పవార్ చాలా సీనియర్ నాయకుడు. రాజకీయ పార్టీల విషయమై మాట్లాడేందుకు నేను వచ్చా. శరద్ పవార్ చెప్పిన దానితో నేను ఏకీభవిస్తున్నా.                                                   "

-మమతా బెనర్జీ, బంగాల్ ముఖ్యమంత్రి

పవార్ ఏమన్నారంటే?

Be it Congress or any other party, the thing is that those who are against BJP, if they'll come together, they're welcome: NCP Chief Sharad Pawar when asked if Congress will be a part of it, amid talks of a "strong alternative" in his meeting with WB CM-TMC chief Mamata Banerjee pic.twitter.com/LVfAGJ2UEr

— ANI (@ANI) December 1, 2021

మమతా బెనర్జీతో భేటీని శరద్ పవార్ కీలకమైన సమావేశంగా పేర్కొన్నారు. భాజపాను ఎదుర్కొనేందుకు భావసారుప్యత కలిగిన పార్టీలు కలిసిరావాలని కోరారు.

" సంజయ్ రౌత్, ఆదిత్యా ఠాక్రే ఇదివరకే మమతా బెనర్జీని కలిశారు. ఈరోజు నేను, నా సహచరులు ఆమెతో సుదీర్ఘంగా చర్చలు జరిపాం. ప్రస్తుత నాయకత్వానికి బలమైన ప్రత్యామ్నాయాన్ని ప్రజల ముందు ఉంచాలని మమతా బెనర్జీ అన్నారు. భాజపాకు వ్యతిరేకంగా పోరాడే ఏ పార్టీనైనా ముందుకొస్తే.. స్వాగతిస్తాం. అది కాంగ్రెస్ పార్టీకీ వర్తిస్తుంది. ప్రత్యామ్నాయ నాయకత్వాన్ని అందించాల్సిన బాధ్యత మాపై ఉంది. మేం ఆలోచించేది ఈ ఒక్కరోజు కోసం కాదు. రాబోయే ఎన్నికల కోసం. దానికి ఏర్పాట్లు చేయాల్సి ఉంటుంది.                       "

-శరద్ పవార్, ఎన్​సీపీ చీఫ్

పీఎం పీఠం..

బంగాల్‌లో హ్యాట్రిక్ విజ‌యం సాధించిన మ‌మ‌తాబెన‌ర్జీ ఫుల్ జోష్‌లో ఉన్నారు. ఈసారి టార్గెట్ 2024 అంటూ సంకేతాలు ఇస్తున్నారు. బంగాల్ లో ఓటర్లు ఇచ్చిన జోష్‌తో దిల్లీ కోటలను బద్దలు కొట్టేందుకు పావులు కదుపుతున్నారు. మోదీని గద్దె దింపడమే లక్ష్యంగా వ్యూహాలు రచిస్తున్నారు.

ప్రస్తుతం దేశంలో భాజపాను ఎదుర్కొని ముఖ్యంగా మోదీ-షా ద్వయాన్ని తట్టుకొని నిలబడగలిగే శక్తి ఏ పార్టీకి లేదన్నది విశ్లేషకుల మాట. అయితే కాంగ్రెస్‌కు ఆ శక్తి ఉన్నా ప్రస్తుతం ఆ పార్టీ పరిస్థితి ఎలా ఉందనే విషయం ప్రత్యేకంగా చెప్పనక్కర్లేదు. ఇదే సమయంలో దీదీపై దేశవ్యాప్త ప్రజాదరణ ఉందని, మోదీని ఎదుర్కొనే సత్తా ఆమెకే ఉందని దాదాపు అన్ని విపక్ష పార్టీలు అంగీకరిస్తున్నాయి. తాజాగా జరిగిన బంగాల్ అసెంబ్లీ ఎన్నికల్లో ఆమె చూపిన తెగువే ఇందుకు సాక్ష్యం.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి