Watch Video: మమతాకి మరోసారి తప్పిన ప్రమాదం,హెలికాప్టర్‌ ఎక్కుతూ కాలు జారి పడిపోయిన దీదీ

Watch Video: బెంగాల్ ముఖ్యమంత్రి మమతా బెనర్జీ హెలికాప్టర్ ఎక్కే క్రమంలో కాలు జారి కింద పడిపోయారు.

బెంగాల్ ముఖ్యమంత్రి మమతా బెనర్జీ హెలికాప్టర్ ఎక్కే క్రమంలో కాలు జారి కింద పడిపోయారు.

Bengal CM Mamata Injured: పశ్చిమ బెంగాల్ ముఖ్యమంత్రి మమతా బెనర్జీ మరోసారి గాయపడ్డారు. దుర్గాపూర్‌లో హెలికాప్టర్ ఎక్కుతున్న సమయంలో ఆమె ఉన్నట్టుండి అదుపు తప్పి కింద పడిపోయారు. హెలికాప్టర్ మెట్లు ఎక్కి లోపలికి వెళ్లిన ఆమె...సీట్‌లో కూర్చునే క్రమంలోనే పట్టుతప్పి పడిపోయారు. అయితే..ఈ ఘటనలో ఆమెకి తీవ్ర గాయమేమీ అవ్వలేదని, ఆ తరవాత ఎన్నికల ప్రచారాన్ని కొనసాగించారని తెలుస్తోంది. 

#WATCH | West Bengal CM Mamata Banerjee slipped and fell while taking a seat after boarding her helicopter in Durgapur, Paschim Bardhaman today. She reportedly suffered a minor injury and was helped by her security personnel. She continued with her onward travel to Asansol. pic.twitter.com/UCt3dBmpTQ

— ANI (@ANI) April 27, 2024

ఏం జరిగింది..?

లోక్‌సభ ఎన్నికల ప్రచారంలో భాగంగా మమతా బెనర్జీ దుర్గానగర్‌కి వెళ్లారు. అక్కడ సభ ముగిసిన తరవాత అక్కడి నుంచి మరో చోటకు వెళ్లాల్సి ఉంది. హెలికాప్టర్‌ అప్పటికే సిద్ధంగా ఉంది. వేగంగా నడుచుకుంటూ వచ్చిన దీదీ మెట్లు ఎక్కారు. లోపలి వరకూ బాగానే వెళ్లారు. అయితే..అక్కడ కుర్చీలో కూర్చునే సమయంలోనే ఈ ప్రమాదం జరిగింది. ఒక్కసారిగా ఆమె తూలిపోయి కింద పడిపోయారు. వెంటనే అప్రమత్తమైన భద్రతా సిబ్బంది ఆమెని పైకి లేపారు. ఈ ఘటనలో ఆమెకి స్వల్ప గాయం అయినట్టుగా సమాచారం. ఆ తరవాత ఆమె షెడ్యూల్ ప్రకారం అసన్సోల్‌లోని సభకు హాజరయ్యేందుకు వెళ్లారు. ఇటీవలే ఆమె గాయపడి కోలుకున్నారు. కోల్‌కత్తాలోని ఆమె ఇంట్లోనే జారి పడిపోయారు. ఈ ప్రమాదంలో ఆమె తలకి తీవ్ర గాయమైంది. రక్తం కారుతున్న ఫొటోలు, వీడియోలు అప్పట్లో వైరల్ అయ్యాయి. వెంటనే హాస్పిటల్‌కి తరలించి చికిత్స అందించారు. అంతకు ముందు 2023 జూన్‌లోనూ దీదీకి ఇలాంటి చేదు అనుభవమే ఎదురైంది. వాతావరణం అనుకూలంగా లేని కారణంగా హెలికాప్టర్‌ని ఎమర్జెన్సీ ల్యాండింగ్ చేయాల్సి వచ్చింది. అది ల్యాండ్ అయిన సమయంలోనే ఆమె కాలికి గాయమైంది.