Uttar Pradesh News: ఉత్తర్‌ప్రదేశ్‌ ఓటర్ల జాబితాలో పాకిస్థాన్ మహిళ పేరు!

Uttar Pradesh News: ఉత్తర్‌ప్రదేశ్‌ ఓటర్ల జాబితాలో పాకిస్థాన్ మహిళ పేరు ఉండటం కలకలం రేపింది.

ఉత్తర్‌ప్రదేశ్‌ ఓటర్ల జాబితాలో పాకిస్థాన్ మహిళ పేరు! ( Image Source :Getty )

Uttar Pradesh News: ఉత్తర్‌ప్రదేశ్‌లో ఓటరు జాబితాలో పాకిస్థాన్ మహిళ పేరు ఉందన్నా వార్త సంచలనం రేపింది. మోరాదాబాద్‌లో జరిగిన ఈ ఘటన బయటకు రావడంతో వెంటనే అధికారులు  పాక్ మహిళ పేరును జాబితా నుంచి తొలగించారు.

ఇదీ జరిగింది

పాకిస్థాన్‌కు చెందిన సబా పర్వీన్ అనే మహిళకు 2005లో నదీమ్ అహ్మద్‌తో వివాహమైంది. ఆ తర్వాత ఆమె పక్బరా నగర్ పంచాయతీలో నివాసం ఉంటోంది. ఆమె ప్రస్తుతం దీర్ఘకాలిక వీసాపై ఈ ప్రాంతంలో నివాసం ఉంటోంది. 2017వ సంవత్సరంలో నగర పంచాయతీ ఎన్నికలు జరిగినప్పుడు సబా పర్వీన్ పేరు తొలిసారి ఓటరు జాబితాలో చేరిందని జిల్లా కలెక్టర్ శైలేంద్ర కుమార్ సింగ్ తెలిపారు.

" ఇటీవల ఓటరు జాబితాపై విచారణ చేపట్టాం. ఆ సమయంలోనే ఈ వ్యవహారం గురించి తెలిసింది. ఈ విషయం బయటకు వచ్చిన వెంటనే ఓటరు జాబితా నుంచి ఆమె పేరును అధికారులు తొలగించారు. ఇలాంటి ఘటన పునరావృతం కాకుండా ఉండేందుకు అధికారులు చర్యలు తీసుకున్నారు. ఈ వివాదంపై దర్యాప్తు కూడా సాగుతోంది. బాధ్యులపై చర్యలు తీసుకుంటాం.                                                                       "

-  శైలేంద్ర కుమార్ సింగ్, జిల్లా కలెక్టర్ 

ఓటర్ల జాబితా

India has 2.49 lakh voters aged above 100 years, 1.8 crore voters aged above 80 years: Chief Election Commissioner Rajiv Kumar

— Press Trust of India (@PTI_News) November 9, 2022

భారతదేశంలో 100 ఏళ్లు పైబడిన ఓటర్లు 2.49 లక్షల మంది ఉన్నట్లు ప్రధాన ఎన్నికల కమిషనర్ రాజీవ్ కుమార్ ఇటీవల వెల్లడించారు. 80 ఏళ్లు పైబడిన ఓటర్లు 1.8 కోట్ల మంది ఉన్నట్లు తెలిపారు.