Polio Case In USA: మళ్లీ పుట్టుకొచ్చిన పోలియో- దశాబ్దం తర్వాత అమెరికాలో మళ్లీ కలకలం!

Polio Case In USA: అమెరికాలో దశాబ్ద కాలం తర్వాత మళ్లీ పోలియో కేసు నమోదైంది.

మళ్లీ పుట్టుకొచ్చిన పోలియో- దశాబ్దం తర్వాత అమెరికాలో మళ్లీ కలకలం!

Source : Getty Images

Polio Case In USA: దాదాపు అంతరించి పోయిందనుకుంటున్న పోలియో మళ్లీ పుట్టుకొస్తుంది. అమెరికాలో దాదాపు దశాబ్ద కాలం తర్వాత పోలియో కలకలం సృష్టిస్తోంది. పదేళ్ల తర్వాత తొలి కేసు నమోదైనట్లు అమెరికా గురువారం ప్రకటించింది. తొలి కేసు నమోదవడంతో అధికారులతో పాటు ప్రజలు అప్రమత్తంగా ఉండాలని ప్రభుత్వం సూచించింది.

A case of polio has been identified outside New York City and confirmed by federal health officials, the New York State Health Department said, in what would be the nation's first known case of the disease in nearly 10 years https://t.co/0ZfNGIG8Gj pic.twitter.com/OHMYlY3qTG

— Reuters (@Reuters) July 22, 2022

వ్యాక్సిన్ ఏమైంది?

రాక్‌లాండ్‌ కౌంటీకి చెందిన ఓ వ్యక్తికి పోలియో పాజిటివ్‌గా తేలినట్లు న్యూయార్క్‌ ఆరోగ్య విభాగం గురువారం వెల్లడించింది. అమెరికాలో చివరి సారిగా 2013లో పోలియో కేసు నమోదైంది. నోటి ద్వారా పోలియే వ్యాక్సిన్‌ (ఓపీవీ) తీసుకున్న వ్యక్తి నుంచి ఈ వైరస్‌ సోకినట్లు నిపుణులు భావిస్తున్నారు. 2000 సంవత్సరంలోనే నోటి ద్వారా వేసే వ్యాక్సిన్‌కు అమెరికా స్వస్తి పలికింది.

" ఓపీవీ వ్యాక్సిన్ తీసుకున్న వ్యక్తి నుంచి ఈ వైరస్‌  వచ్చినట్లు తెలుస్తోంది. అధునాత వ్యాక్సిన్ల ద్వారా కొత్త రకాల వైరస్‌లు ఉద్భవించవు. వైరస్ వ్యాప్తిని గుర్తించాలని అధికారులను ఆదేశించాం. పోలియో టీకా తీసుకోని ప్రజలు వెంటనే తీసుకోవాలి.                              "

- న్యూయార్క్ ఆరోగ్య విభాగం.

వారిపైనే 

పోలియో అంతరించే స్థాయికి చేరుకుంది. ఈ వైరస్‌ ఎక్కువగా ఐదేళ్ల లోపు పిల్లలపైనే అధిక ప్రభావం చూపుతుంది. 1988 నుంచి కొత్త కేసులు 99 శాతం తగ్గాయి.  అప్పటి నుంచి 125 దేశాలను పోలియో రహిత దేశంగా ప్రకటించారు. అయితే తాజాగా అమెరికాలో పోలియో కేసు నమోదు కావడం ప్రపంచ దేశాలను ఆందోళనకు గురిచేస్తుంది.