UP Cabinet Minister Resigns: యూపీలో భాజపాకు షాక్.. అఖిలేశ్ ఫుల్ ఖుష్.. ఆ మంత్రి రాజీనామా!

ఉత్తర్‌ప్రదేశ్ అసెంబ్లీ ఎన్నికలకు కొద్ది వారాల ముందే మంత్రి స్వామి ప్రసాద్ మౌర్య తన పదవికి రాజీనామా చేశారు. అనంతరం ఎస్పీలో చేరారు.

ఎన్నికలకు ముందు అఖిలేశ్ యాదవ్ ఫుల్ ఖుష్

ఉత్తర్‌ప్రదేశ్ అసెంబ్లీ ఎన్నికలకు ముందు భాజపాకు షాక్ తగిలింది. రాష్ట్ర మంత్రి స్వామి ప్రసాద్ మౌర్య తన కేబినెట్ పదవికి రాజీనామా చేసి సమాజ్‌వాదీ పార్టీలో చేరారు. తన రాజీనామా లేఖను సోషల్ మీడియాలో పోస్ట్ చేశారు.

Koo App

माननीय राज्यपाल जी , राज भवन, लखनऊ,उत्तर प्रदेश। महोदय, माननीय मुख्यमंत्री योगी आदित्यनाथ जी के मंत्रिमंडल में श्रम एवं सेवायोजन व समन्वय मंत्री के रूप में विपरीत परिस्थितियों व विचारधारा में रहकर भी बहुत ही मनोयोग के साथ उत्तरदायित्व का निर्वहन किया है किंतु दलितों, पिछड़ों, किसानों बेरोजगार नौजवानों एवं छोटे- लघु एवं मध्यम श्रेणी के व्या

View attached media content

- Swami Prasad Maurya (@SwamiPMaurya) 11 Jan 2022

" దళితులు, వెనుకబడిన వర్గాలు, రైతులు, నిరుద్యోగ యువత, చిన్న వ్యాపారులను భాజపా ప్రభుత్వం నిర్లక్ష్యం చేస్తోంది. ఈ కారణంగానే నేను యోగి ఆదిత్యనాథ్ మంత్రి మండలికి రాజీనామా చేశాను.                                             "

- స్వామి ప్రసాద్ మౌర్య   

మరింత మంది..

తన రాజీనామా లేఖలో కూడా స్వామి ప్రసాద్ మౌర్య ఇదే కారణం చెప్పారు. అంతేకాంకుండా రానున్న రోజుల్లో మరింత మంది భాజపా ఎమ్మెల్యేలు రాజీనామా చేస్తారని జోస్యం చెప్పారు.

ఎస్పీలోకి చేరిక..

మౌర్య రాజీనామా చేసినట్లు ప్రకటించిన కాసేపటికే సమాజ్‌వాదీ పార్టీ అధినేత అఖిలేశ్ యాదవ్.. మౌర్యతో కలిసి ఉన్న ఫొటోను షేర్ చేస్తూ ఆయనను పార్టీలోకి స్వాగతిస్తున్నట్లు ట్వీట్ చేశారు.

" సామాజిక న్యాయం, సమానత్వం కోసం పాటుపడిన స్వామి ప్రసాద్ మౌర్యను సాదరంగా పార్టీలోకి ఆహ్వానిస్తున్నాను. మౌర్యతో పాటు ఆయన మద్దతుదారులకు కూడా నా స్వాగతం. రానున్న రోజుల్లో సామాజిక న్యాయంలో విప్లవం వస్తుంది. 2022లో మార్పు తథ్యం.                                                         "

-అఖిలేశ్ యాదవ్, సమాజ్‌వాదీ పార్టీ అధినేత

 

తొందరపాటు..

మౌర్య రాజీనామాపై ఉత్తర్‌ప్రదేశ్ డిప్యూటీ సీఎం కేశవ్ ప్రసాద్ మౌర్య స్పందించారు. తొందరపాటుతో తీసుకున్న నిర్ణయాలతో మొదటికే మోసం వస్తుందన్నారు.

" స్వామి ప్రసాద్ మౌర్య ఎందుకు పార్టీని వీడారో నాకు తెలియడం లేదు. కానీ నేను ఆయనకు చెప్పేది ఒక్కటే. పార్టీని వీడద్దు.. చర్చిద్దాం రండి. తొందరపాటు నిర్ణయాలు మంచివికావు.                                                           "

-కేశవ్ ప్రసాద్ మౌర్య, యూపీ డిప్యూటీ సీఎం

బీఎస్పీ నుంచి..

బహుజన్ సమాజ్ పార్టీ (బీఎస్పీ) సీనియర్ నేతల్లో ఒకరైన స్వామి ప్రసాద్ మౌర్య.. 2017 అసెంబ్లీ ఎన్నికలకు ముందే భాజపాలో చేరారు. భాజపా తరఫున ప్రదౌనా స్థానం నుంచి ఎమ్మెల్యేగా గెలిచారు. అనంతరం లేబర్ మినిస్టర్‌గా అవకాశం వచ్చింది. మరోవైపు ఆయన కుమార్తె సంఘమిత్ర మౌర్య బదౌన్ స్థానం నుంచి భాజపా ఎంపీగా ఉన్నారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి