TamilNadu Cabinet Expansion: తమిళనాడు ప్రభుత్వంలోకి కాంగ్రెస్ - ఇద్దరికీ మంత్రులుగా చాన్స్ - గురువారమే విజయ్ కేబినెట్ విస్తరణ
TamilNadu New Ministers List: విజయ్ మంత్రివర్గాన్ని విస్తరిస్తున్నారు. మరో పధ్నాలుగు మందిని తన టీమ్ లో చేర్చుకుంటున్నారు. వీరిలో ఇద్దరు కాంగ్రెస్ ఎమ్మెల్యేలు.
TamilNadu Cabinet Expansion 14 New Ministers: తమిళనాడు రాజకీయాల్లో సంచలనం సృష్టించిన విజయ్ ఇప్పుడు పరిపాలనపై పట్టు బిగించేందుకు సిద్ధమయ్యారు. మే 10న ముఖ్యమంత్రిగా ప్రమాణ స్వీకారం చేసిన విజయ్, కేవలం 9 మంది మంత్రులతో చిన్న కేబినెట్ను ఏర్పాటు చేశారు. గురువారం ఉదయం రాజ్భవన్లో పూర్తి స్థాయిలో మంత్రివర్గాన్ని విస్తరిస్తున్నారు. ప్రస్తుతం ముఖ్యమంత్రి విజయ్ వద్దే హోం, పోలీస్ సహా దాదాపు 20 కీలక శాఖలు ఉన్నాయి. మే 21 ఉదయం గవర్నర్ రాజేంద్ర అర్లేకర్ సమక్షంలో కొత్త మంత్రులు ప్రమాణ స్వీకారం చేయనున్నారు.
ఎంత మంది మంత్రులు రాబోతున్నారు?
తాజా సమాచారం ప్రకారం, ఈ విస్తరణలో సుమారు 14 మంది కొత్త మంత్రులను కేబినెట్లోకి తీసుకునే అవకాశం ఉంది. ఇందులో 12 మంది టీవీకే నుంచి ఉండగా, మిత్రధర్మాన్ని పాటిస్తూ కాంగ్రెస్కు 2 మంత్రి పదవులు కేటాయించినట్లు తెలుస్తోంది. ప్రస్తుతం కేబినెట్లో సీఎం సహా కేవలం 10 మంది మాత్రమే ఉన్నారు. రేపటి విస్తరణతో ఈ సంఖ్య 24కు చేరనుంది. కాంగ్రెస్ తరపున ఇద్దరు మంత్రులుగా ప్రమాణం చేస్తున్నారని కేసీ వేణుగోపాల్ ప్రకటించారు.
రెబల్స్కు చెక్.. మిత్రులకే ప్రాధాన్యత!
అన్నాడీఎంకే నుంచి తిరుగుబాటు చేసిన ఎమ్మెల్యేలకు మంత్రి పదవులు దక్కుతాయని గతంలో ప్రచారం జరిగినప్పటికీ, విజయ్ వారిని పూర్తిగా పక్కన పెట్టారు. కాంగ్రెస్, వీసీకే, లెఫ్ట్ పార్టీల వంటి మిత్రపక్షాల నుంచి వచ్చిన ఒత్తిడితో, కేవలం నమ్మకస్తులకు, సెక్యులర్ కూటమిలోని మిత్రులకే చోటు కల్పించాలని విజయ్ నిర్ణయించుకున్నారు. సామాజిక సమీకరణాలను బట్టి మహిళలకు, దళిత వర్గాలకు కూడా ఈ విడతలో ప్రాధాన్యత లభించనుంది. మంత్రివర్గం అసంపూర్తిగా ఉంటే పాలన కష్టమవుతుందని భావించి, విజయ్ ఈ దిశగా వేగంగా అడుగులు వేశారు. కేరళ పర్యటనలో ఉన్న గవర్నర్ అర్లేకర్ చెన్నైకి చేరుకున్నారు. రాజ్భవన్లో సరళంగా జరిగే ఈ కార్యక్రమంలో కొత్త మంత్రులు బాధ్యతలు స్వీకరిస్తారు.
Hon’ble INC President Sh. Mallikarjun @kharge ji has approved the induction of INC MLAs Adv. Rajesh Kumar and Thiru P. Vishwanathan into the Tamil Nadu cabinet led by CM Thiru Vijay, and they will be taking oath as Ministers tomorrow.
— K C Venugopal (@kcvenugopalmp) May 20, 2026
This is a historic occasion for us, as the…
కీలక నేతలకు చోటు?
టీవీకేలో కీలక పాత్ర పోషిస్తున్న బుస్సీ ఆనంద్, ఆధవ్ అర్జున వంటి వారు ఇప్పటికే మంత్రులుగా ఉండగా, మాజీ అన్నాడీఎంకే సీనియర్లు గతంలోనే టీవీకేలో చేరిన వారు మరియు , యువ నేతలకు అవకాశం దక్కే ఛాన్స్ ఉంది.
Before You Go
MahuaMoitra: మహువా మొయిత్రాకు షాక్.. చోర్ అంటూ నినాదాలు|
టాప్ హెడ్ లైన్స్
ట్రెండింగ్ వార్తలు
