Tamil Nadu Road Accident: ఇలా కూడా యాక్సిడెంట్ అవుతుందా?- అమాంతం ఎగిరి పడిన బైకర్!
Tamil Nadu Road Accident: తమిళనాడులో జరిగిన ఓ రోడ్డు ప్రమాదం వీడియో సోషల్ మీడియాలో వైరల్ అవుతోంది.
Tamil Nadu Road Accident: రోడ్డు ప్రమాదాలకు సంబంధించిన సీసీటీవీ ఫుటేజీలు సోషల్ మీడియాలో వైరల్ అవుతుంటాయి. తమిళనాడులో తాజాగా ఓ భయానక యాక్సిడెంట్ జరిగింది. ఇందుకు సంబంధించిన వీడియో తెగ వైరల్ అవుతోంది.
ఇదీ జరిగింది
తూత్తుకుడిలో ఈ రోడ్డు ప్రమాదం జరిదింది. వేగంగా వెళ్తున్న ఓ ట్రక్కు నుంచి వేలాడుతున్న తాడు.. అటుగా వెళ్తున్న బైకర్ మెడకు చుట్టుకుంది. దీంతో అతను అమాంతం గాల్లో ఎగిరి రోడ్డుపై పడ్డాడు. ఇది గమనించిన స్థానికులు.. అతనికి సాయమందించారు. అదృష్టవశాత్తు బాధితుడు స్వల్ప గాయాలతో బయటపడ్డాడు.
லாரியில் இருந்து விழுந்த பாசக்கயிறு.. கழுத்தில் மாட்டி தூக்கி வீசப்பட்ட வாலிபர்!!#thoothukudi #accident pic.twitter.com/6MRkUjlFHA
— A1 (@Rukmang30340218) December 15, 2022
ఈ ప్రమాదానికి ట్రక్కు డ్రైవర్ నిర్లక్ష్యమే కారణం. లోడుపై నుంచి తాడు వేలాడుతున్నా.. దాన్ని పట్టించుకోకుండా డ్రైవర్ అలాగే వాహనాన్ని వేగంగా డ్రైవ్ చేస్తున్నాడు. ఈ సమయంలో ఎదురుగా వచ్చిన బైకర్ మెడకు అది చుట్టుకోవడంతో ప్రమాదం జరిగింది. పోలీసులు ఈ ఘటనపై కేసు నమోదు చేసుకుని దర్యాప్తు చేపట్టారు.
టాప్ హెడ్ లైన్స్
ట్రెండింగ్ వార్తలు
