Vladimir Putin India Visit: డిసెంబర్‌లో భారత పర్యటనకు పుతిన్.. మోదీతో కీలక చర్చ

రష్యా అధ్యక్షుడు వ్లాదిమిర్ పుతిన్ డిసెంబర్ 6న భారత పర్యటనకు రానున్నారు.

భారత పర్యటనకు పుతిన్

21వ భారత్-రష్యా వార్షిక సదస్సు కోసం రష్యా అధ్యక్షుడు వ్లాదిమిర్ పుతిన్ దిల్లీకి రానున్నారు. డిసెంబరు 6న పుతిన్.. భారత పర్యటనకు రానున్నారు. ప్రధాని నరేంద్ర మోదీతో కలిసి దిల్లీలో జరిగే సదస్సులో పుతిన్ పాల్గొంటారు. ఈ మేరకు విదేశాంగ శాఖ ప్రతినిధి అరిందమ్ బాగ్చి తెలిపారు.

Russian President Vladimir Putin will visit India on Dec 6, 2021. During the negotiations with PM Narendra Modi, it is planned to discuss further development of relations of the special and privileged strategic partnership between the two countries: Russian Embassy pic.twitter.com/0hO2FcY12L

— ANI (@ANI) November 26, 2021

2 ప్లస్​ 2 భేటీ..

భారత్​, రష్యా విదేశాంగ, రక్షణ మంత్రుల తొలి 2 ప్లస్ 2 సమావేశం డిసెంబరు 6న జరగనుందని అరిందమ్ బాగ్చి తెలిపారు.

" భారత్ తరఫున రక్షణ మంత్రి రాజ్​నాథ్​ సింగ్​, విదేశాంగ మంత్రి డాక్టర్ ఎస్ జైశంకర్​ ఈ భేటీకి హాజరుకానున్నారు. రష్యా తరఫున ఆ దేశ విదేశాంగ మంత్రి సెర్గెయ్​ లావ్​రోవ్​, రక్షణ శాఖ మంత్రి సెర్గెయ్​ షోయిగు పాల్గొంటారు.                                        "

-అరిందమ్ బాగ్చి, విదేశాంగ ప్రతినిధి

ద్వైపాక్షిక సంబంధాలపై..

ఈ వార్షిక సదస్సులో భాగంగా భారత్​, రష్యా ద్వైపాక్షిక సంబంధాలపై ఇరు దేశాల ప్రతినిధులు కీలక చర్చలు జరపనున్నారు. గతేడాది కరోనా కారణంగా ఈ సదస్సు వాయిదా పడింది. ఇప్పటివరకు ఇరు దేశాల మధ్య 20 సార్లు ఈ సదస్సు జరిగింది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి