Pig like calf: పంది రూపంలో పుట్టిన రెండు తలల దూడ

ఓ ఆవు పంది రూపంలో ఉన్న రెండు తలల దూడకు జన్మనిచ్చింది. ఈ ఘటన రష్యాలో చోటుచేసుకుంది.

Representational Image/Pixabay

బ్రహ్మంగారు చెప్పినట్లు ప్రపంచంలో ఏవేవో వింతలు చోటుచేసుకుంటున్నాయి. ఇప్పటికే కరోనా ప్రపంచాన్ని అతలాకుతలం చేసింది. ప్రజల ఆరోగ్యంతోనే కాకుండా ఆర్థికంగానూ కుంగదీసింది. కరోనా మాత్రమే కాకుండా ప్రపంచవ్యాప్తంగా చోటుచేసుకుంటున్న వింతలు, విశేషాలను కూడా మనం వింటున్నాం. వాటిలో ఇది కూడా ఒకటి. ఓ ఆవు.. రెండు తలల దూడకు జన్మనిచ్చింది. అయితే, ఈ రోజుల్లో జన్యు లోపం వల్ల ఇలాంటి జననాలు సహజమే. కానీ, ఆవుకు పుట్టిన ఆ దూడ పంది రూపంలో ఉండటమే ఆశ్చర్యపరుస్తోంది.  

ఖాకాసియాలోని మట్కెచిక్ గ్రామంలో జన్మించిన ఆవును పశు వైద్యులు పరిశీలించారు. ఈ వింత దూడ పుట్టిన వెంటనే దాని తల్లి జన్మించింది. విషాదం ఏమిటంటే.. వింత దూడకు జన్మనిచ్చిన ఆవు వెంటనే ప్రాణాలు కోల్పోయింది. కొద్ది నిమిషాల తర్వాత దూడ కూడా చనిపోయింది. ఈ ఘటనపై రిపబ్లిక్ ఆఫ్ ఖాకాసియా‌కు చెందిన వ్యవసాయ, ఆహార మంత్రిత్వ శాఖ వెటర్నరీ మెడిసిన్ విభాగం ఈ వార్తను దృవీకరించింది. 

ఆందోళన వద్దు: ‘‘జంతువుల్లో జన్యుపరమైన సమస్యలు ఏర్పడతాయి. జన్యువుల మ్యుటేషన్ ఇందుకు ప్రధాన కారణం. దీన్నే జన్యు మార్పు అని కూడా అంటారు. జంతువులలో బాహ్య, అంతర్గత ఉత్పరివర్తన వాతావరణం వల్ల ఇలాంటివి  ఏర్పడతాయి. ఉత్పరివర్తనలు (మ్యూటాజెనిక్ - Mutagenic Influences) జన్యువులో వారసత్వంగా వచ్చిన మార్పులు, క్రాస్ బ్రీడింగ్ సమయంలో మ్యూటాజెనిక్ సమస్యలు ఏర్పడినప్పుడు ఇలాంటివి చోటుచేసుకుంటాయి’’ అని నిపుణులు వెల్లడించారు.

Mutant two-headed calf born with pig-like body and double tongue baffles Russian farmer. #TwoHeadedCalf pic.twitter.com/FvXewfEHzS

— V for Viral (@VForViral1) October 27, 2021

ఇటీవల రాజస్థాన్‌లోని ధోల్‌పూర్ జిల్లా పురా సిక్రౌడా గ్రామంలో ఓ గేదె అరుదైన రెండు తలల దూడకు జన్మనిచ్చింది. దానికి రెండు తలలు, రెండు నోళ్లు, నాలుగు కళ్లు, నాలుగు చెవులు ఉన్నాయి. ప్రస్తుతం ఆ దూడ ఆరోగ్యంగానే ఉంది. అయితే, గ్రామస్థులు మాత్రం ఆ దూడను ప్రత్యేకంగా చూస్తున్నారు. దానికి పూజలు కూడా చేస్తున్నారు.  

 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channelసబ్‌స్క్రైబ్‌ చేయండి