Railway Reservations : రైలు ప్రయాణికులకు భారీ షాక్ - టిక్కెట్ రిజర్వేషన్ల గడువుపై రైల్వే శాఖ సంచలన నిర్ణయం

Trains : రైలు రిజర్వేషన్ గడువును రెండు నెలలకే పరిమితం చేస్తూ రైల్వే శాఖ నిర్ణయం తీసుకుంది. ఇప్పటి వరకూ ఈ గడువు నాలుగు నెలలు ఉంది.

రైల్వే రిజర్వేషన్ గడువు తగ్గింపు

Railway reservation period limiting to two months : దూర ప్రయాణాలకు టిక్కెట్లు దొరుకుతాయో లేదో అని మందస్తుగా ప్లానింగ్ చేసుకుని టిక్కెట్లు బుక్ చేసుకునే వారికి రైల్వే శాఖ భారీ షాక్ ఇచ్చింది. ఇప్పటి వరకూ నాలుగు నెలల వరకూ ముందస్తుగా టిక్కెట్లు బుక్ చేసుకునే సదుపాయం ఉంది. కానీ ఇప్పుడు దాన్ని రెండు నెలలకే పరిమితం చేస్తున్నారు. అంటే ఇక నుంచి అరవై రోజుల ముందుగా మాత్రమే రైళ్లలో టిక్కెట్లు బుక్ చేసుకోవచ్చు. నవంబర్ ఒకటో తేదీ నుంచి ఈ నిబంధన అమల్లోకి వస్తుంది.

వేసవి సెలవులు, తీర్థయాత్రలకు వెళ్లేవారు, ప్లానింగ్ ప్రకారం టూర్లు చేసే వారు ముందస్తుగా టిక్కెట్లు బుక్ చేసుకుంటూ ఉంటారు. ఈ కారణంగా పండుగ సమయాల్లో టిక్కెట్లు ఎప్పుడు రిలీజ్ చేస్తారో అప్పుడు అయిపోతూంటాయి. ఉదాహరణకు సంక్రాంతి పండుగకు ఫుల్ రష్ ఉంటుందని అనుకుంటే.. అప్పటి టిక్కెట్లు నాలుగు నెలల ముందుగానే అందుబాటులోకి వస్తాయి. అలా నాలుగు నెలల ముందటే అందరూ బుక్ చేసుకుంటారు. ప్రస్తుతం సంక్రాంతికి రైళ్లు అన్నీ ఫుల్ బిజీగా ఉన్నాయి. ప్రత్యేక రైళ్లు వేస్తే తప్ప రద్దీ తట్టుకోలేని పరిస్థితి ఉంది.   

Indian Railways has shortened the Advance Reservation Period (ARP) from 120 to 60 days, effective from November 1. This change won’t affect foreign passengers or certain trains like the Gomti Express and Taj Express, which already have reduced ARP pic.twitter.com/uGxZ0ES5kf

— IANS (@ians_india) October 17, 2024

అయితే ఆరు నెలల ముందుగా బుక్ చేసినా ఇదే రష్ ఉంటుంది. రెండు నెలల ముందుగా టిక్కెట్లు రిలీజ్ చేసిన ఇదే రష్ ఉంటుంది. పెద్దగా తేడా ఉండదు. మరి రైల్వేశాఖ ఈ నిర్ణయం ఎందుకు తీసుకున్నదన్నది మాత్రం సస్పెన్స్ గా మారింది. ఈ నిర్ణయంపై రైల్వే ప్రయాణికులు భిన్నాభిప్రాయాలు వ్యక్తం చేస్తున్నారు. టిక్కెట్ల బ్లాక్ మార్కెటింగ్ చేయకుండా.. ఏజెంట్లను నియంత్రించడానికి ఇది  బాగా ఉపయోగపడుతుందని అంచనా వేస్తున్నారు. కొంత మంది మాత్రం.. ఇలా చేయడం వల్ల ముందస్తుగా టూర్లు ప్లాన్ చేసుకోవాలనుకునేవారి ఇబ్బందేనని అంటున్నారు.                             

ఈ నిర్ణయం  నవంబర్ ఒకటో తేదీ నుంచి అమల్లోకి వస్తుంది. అంటే అప్పటి వరకూ బుక్ చేసుకున్న టిక్కెట్లు చెల్లుతాయి. అలాగే నవంబర్ ఒకటే తేదీ వరకూ 120 రోజుల బుకింగ్ పిరియడ్ అందుబాటులో ఉంటుంది. అంటే అప్పటి వరకూ 120 రోజుల వరకూ ప్రయాణాలుంటే ముందస్తు బుకింగ్‌లు చేసుకోవచ్చు.