Prashant Kishor: కాంగ్రెస్‌పై పీకే కౌంటర్.. దేశంలో బంగాల్ తుపాను!

కాంగ్రెస్‌పై ప్రముఖ ఎన్నిక వ్యూహకర్త ప్రశాంత్ కిషోర్ సంచలన వ్యాఖ్యలు చేశారు. ఆ పార్టీకి నాయకత్వం వహించడం ఏ ఒక్కరికి దేవుడిచ్చిన హక్కు కాదన్నారు కిషోర్.

కాంగ్రెస్‌పై పీకే కౌంటర్.. థర్డ్ ఫ్రంట్ దిశగా దీదీ అడుగులు!

కాంగ్రెస్‌పై విమర్శలు వెల్లువెత్తుతున్నాయి. అసలు దేశంలో యూపీఏ ఏక్కడా లేదని బంగాల్ సీఎం మమతా బెనర్జీ విమర్శలు ఎక్కు పెట్టిన మరుసటి రోజే ప్రముఖ ఎన్నికల వ్యూహకర్త ప్రశాంత్ కిషోర్.. కాంగ్రెస్‌పై కౌంటర్లు వేశారు. గత 10 ఏళ్లలో కాంగ్రెస్ 90 శాతం ఎన్నికల్లో ఓటమిపాలైందని విమర్శించారు. కాంగ్రెస్‌లో చేరేందుకు నెల క్రితం వరకు రాహుల్ గాంధీతో చర్చలు జరిపిన పీకే.. ఇప్పుడు హస్తం పార్టీపై ఆగ్రహం వ్యక్తం చేశారు.

The IDEA and SPACE that #Congress represents is vital for a strong opposition. But Congress’ leadership is not the DIVINE RIGHT of an individual especially, when the party has lost more than 90% elections in last 10 years.

Let opposition leadership be decided Democratically.

— Prashant Kishor (@PrashantKishor) December 2, 2021

" బలమైన ప్రతిపక్షంగా కాంగ్రెస్‌ పాత్ర చాలా కీలకం. కానీ ఆ పార్టీకి నాయకత్వం వహించడం ఒక్కరికే దేవుడిచ్చిన హక్కు కాదు. గత 10 ఏళ్లలో కాంగ్రెస్ 90 శాతం ఎన్నికల్లో ఓటమి పాలైంది. ఇక విపక్షాలు తమ సారథిని ప్రజాస్వామ్యపరంగా ఎన్నుకోవాలి.                                               "

-ప్రశాంత్ కిషోర్, ప్రముఖ ఎన్నికల వ్యూహకర్త

రాహుల్‌పై..

పీకే పెట్టిన ట్వీట్‌ కచ్చితంగా రాహుల్ గాంధీని టార్గెట్ చేస్తున్నట్లే ఉందని విశ్లేషకులు అంటున్నారు. రాహుల్ గాంధీ నాయకత్వాన్ని ఇప్పటికే పార్టీ పెద్దలు సహా విపక్షాలు సవాల్ చేస్తున్నాయి. నిన్న మమతా బెనర్జీ కూడా రాహుల్ గాంధీపై విమర్శల దాడి చేశారు.

" ఓ వ్య‌క్తి ఏమీ చేయ‌కుండా.. ఎప్పుడూ విదేశాల్లో గ‌డుపుతుంటే, ఇక ఇక్క‌డి రాజ‌కీయాలు ఎవ‌రు చేస్తారు? రాజ‌కీయాల్లో ఉన్న‌వాళ్లు నిరంత‌రం ప్ర‌య‌త్నిస్తూనే ఉండాలి.                                          "

-మమతా బెనర్జీ, బంగాల్ సీఎం 

భాజపాను దీటుగా ఎదుర్కొనేందుకు కాంగ్రెస్ కాకుండా మరో ప్రత్యామ్నాయ శక్తి కావాలని దీదీ అంటున్నారు. పీకే చేసిన కామెంట్స్ కూడా దీదీకి మద్దతుగానే ఉన్నాయి. మరి తొందర్లో మరో కూటమి తెరపైకి వచ్చే అవకాశాలు ఎక్కువగానే కనిపిస్తున్నాయి. కాంగ్రెస్ లేకుండా ప్రాంతీయ పార్టీలతో థర్డ్ ఫ్రంట్ ఏర్పాటు చేయాలని దీదీ ఆలోచిస్తున్నట్లు సమాచారం. ఇందుకోసం దీదీ పలు పార్టీల అధినేతలతో వరుస భేటీలు అవుతున్నారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి