Tata Sierra Dealership: టాటా సియెరా డీలర్షిప్ ఎలా పొందాలి, ఆదాయం ఎన్ని విధాలుగా వస్తుందో తెలుసా
కొత్త టాటా సియెరా ద్వారా మీరు డీలర్గా మారే అవకాశం కల్పించింది సంస్థ. క్రెటా, కియా సెల్టోస్, మారుతి గ్రాండ్ విటారాకు గట్టి పోటీ ఇచ్చే టాటా సియెరా ద్వారా లాభాలు పొందవచ్చు.
టాటా మోటార్స్ కొత్త మిడ్-సైజ్ SUV టాటా సియెరా (Tata Sierra) విడుదలైన వెంటనే సంచలనం సృష్టించింది. మీరు కారు కొనడానికి ఆసక్తి కలిగి ఉన్నా లేదా ఆటోమొబైల్ పరిశ్రమలో పెట్టుబడి పెట్టాలని ఆలోచిస్తున్నారా, ఈ వార్త మీ కోసమే. టాటా సియెరా బుకింగ్స్ డిసెంబర్ 16న ప్రారంభం కావడం తెలిసిందే. టాటా కంపెనీ జనవరి 15, 2026 నుండి కారు డెలివరీలను ప్రారంభించనున్నట్లు ఇదివరకే ప్రకటించింది.
కొత్త సియెరా అతిపెద్ద ప్రత్యేకత దాని డిజైన్, ఫీచర్లు, ధర. ఇవి మార్కెట్లో ఉన్న ఇతర మిడ్-సైజ్ SUVలైన Hyundai Creta, కియా సెల్టోస్ (Kia Seltos), మారుతి గ్రాండ్ విటారా (Maruti Grand Vitara) వంటి వాటికి గట్టి పోటీనిస్తుంది. కాబట్టి, టాటా సియెరా డీలర్షిప్ ఎలా పొందవచ్చు, దాని ద్వారా ఎంత డబ్బు సంపాదించవచ్చో ఇక్కడ తెలుసుకోండి.
టాటా సియెరా ధర, వేరియంట్లు
టాటా సియెరా 5 సీటర్ SUV కారు. దీనిని పెట్రోల్, డీజిల్ ఇంజిన్ ఆప్షన్లలో మీరు కొనుగోలు చేయవచ్చు. పెట్రోల్ వేరియంట్ 6 స్పీడ్ MT (మాన్యువల్) ధర 11.49 లక్షల రూపాయలు కాగా, 7 స్పీడ్ DCA (డ్యూయల్ క్లచ్ ఆటో) ధర రూ.14.49 లక్షలు, 6 స్పీడ్ AT (ఆటోమేటిక్) ధర రూ.17.99 లక్షలు. డీజిల్ వేరియంట్ 6 స్పీడ్ MT ధర రూ.12.99 లక్షలు. 6 స్పీడ్ AT ధర 15.99 లక్షల రూపాయలు. టాప్ వేరియంట్ ధర రూ.21.49 లక్షలుగా ఉండవచ్చు. బుకింగ్ కోసం మీరు 21,000 రూపాయలు డిపాజిట్ చేయాలి. దీనిని మీరు సమీప డీలర్షిప్ లేదా టాటా మోటార్స్ వెబ్సైట్ ద్వారా ఆన్లైన్లో కూడా చేయవచ్చు.
టాటా సియెరా ప్రత్యేకతలు
టాటా సియెరా చూడటానికి బెస్ట్ లుక్, డ్రైవింగ్ ఎక్స్పీరియన్స్ అద్భుతంగా మార్చే అనేక అత్యాధునిక ఫీచర్లను కలిగి ఉంది. ఈ ఫీచర్లలో iRA కనెక్టెడ్ టెక్, స్మార్ట్, కనెక్టెడ్ డ్రైవింగ్, Snapdragon చిప్ 5G సపోర్ట్, OTA అప్డేట్స్, 12.3 అంగుళాల ప్యాసింజర్ డిస్ప్లే, 10.5 అంగుళాల టచ్స్క్రీన్, డిజిటల్ ఇన్స్ట్రుమెంట్ క్లస్టర్, 12 స్పీకర్ JBL సౌండ్ సిస్టమ్, HypAR హెడ్-అప్ డిస్ప్లే (AR టెక్నాలజీ), డ్యూయల్ జోన్ క్లైమేట్ కంట్రోల్, పనోరమిక్ సన్రూఫ్, మూడ్ లైటింగ్, వైర్లెస్ ఛార్జింగ్ (Wireless Charging), 360-డిగ్రీ కెమెరా ఉన్నాయి.
టాటా సియెరా డీలర్షిప్ ఎలా పొందాలి?
మీరు ఆటో వ్యాపారంలోకి అడుగుపెట్టాలనుకుంటే, టాటా సియెరా డీలర్షిప్ మీకు మంచి అవకాశం కావచ్చు. డీలర్షిప్ పొందే ప్రక్రియ సులభం. దీని కోసం టాటా మోటార్స్ వెబ్సైట్ లేదా సమీప రీజినల్ ఆఫీస్లో అప్లై చేసుకోవాలి. ఆ తర్వాత, ప్రధాన నగరాలు, పట్టణాలలో డీలర్షిప్ కోసం ప్రారంభ పెట్టుబడి లక్షల రూపాయలలో ఉంటుంది. డీలర్షిప్ నుండి ఆదాయం వస్తుంది. ఉదాహరణకు, కారు అమ్మకాలపై మార్జిన్, సర్వీస్, మెయింటెనెన్స్ ఫీజులు, యాక్సెసరీస్, బీమాపై కమీషన్ లభిస్తుంది. SUV డిమాండ్ భట్టి లాభం పెరుగుతుంది. టాటా సియెరా కారుతో ప్రారంభంలో సైతం మంచి లాభం పొందవచ్చు. టాప్ మోడల్స్ అమ్మకాల ద్వారా మంచి రాబడి, సర్వీస్, మెయింటెనెన్స్ నుండి ఆదాయం, యాక్సెసరీస్, ఇన్సూరెన్స్ అమ్మకాల ద్వారా అదనంగా సంపాదించవచ్చు.
టాప్ హెడ్ లైన్స్
ట్రెండింగ్ వార్తలు
