Nagaland firing incident Update: నాగాలాండ్‌లో ఆ చట్టాన్ని వెనక్కి తీసుకోండి: కేంద్ర హోంశాఖను కోరిన సీఎం

నాగాలాండ్ కాల్పుల్లో మృతి చెందిన కుటుంబాలకు పరిహారం ప్రకటించాయి కేంద్ర, రాష్ట్ర ప్రభుత్వాలు.

నాగాలాండ్‌లో ఆ చట్టాన్ని వెనక్కి తీసుకోవాలని కోరిని సీఎం

నాగాలాండ్‌లో సాయుధ బలగాల ప్రత్యేక అధికారాల (ఏఎఫ్ఎస్‌పీఏ) చట్టాన్ని వెనక్కి తీసుకోవాలని ఆ రాష్ట్ర ముఖ్యమంత్రి నీఫియు రియో.. కేంద్రాన్ని కోరారు. ఈ చట్టం వల్ల దేశ ఖ్యాతి మంటగలుస్తుందన్నారు.

I've spoken to Union Home Minister, he is taking the matter very seriously. We've given financial assistance to affected families. We're asking Central govt to remove AFSPA from Nagaland.This law has blackened the image of our country: Nagaland CM Neiphiu Rio on civilian killings pic.twitter.com/cAFJsExvqE

— ANI (@ANI) December 6, 2021

" నాగాలాండ్ కాల్పుల ఘటనపై కేంద్ర హోంమంత్రితో నేను మాట్లాడాను. బాధిత కుటుంబాలకు ఆర్థిక సాయం ఇస్తున్నాం. ఏఎఫ్‌ఎస్‌పీఏ చట్టాన్ని నాగాలాండ్‌ నుంచి వెనక్కి తీసుకోవాలని మేం కోరుతున్నాం. ఈ చట్టం కారణంగా భారత ఖ్యాతి మసకబారుతోంది.                                                     "

-నీఫియు రియో, నాగాలాండ్ సీఎం 

రూ.16 లక్షలు..

నాగాలాండ్‌ బలగాల కాల్పుల్లో మృతి చెందిన కుటుంబాలకు పరిహారం ప్రకటించాయి కేంద్ర, రాష్ట్ర ప్రభుత్వాలు. మృతుల కుటంబాలకు రూ.11 లక్షల చొప్పున ఇచ్చేందుకు కేంద్ర ప్రభుత్వం నిర్ణయించింది. నాగాలాండ్ ప్రభుత్వం ఒక్కొక్కరికి రూ.5 లక్షలు ఇవ్వనుంది. ఈ మేరకు నాగాలాండ్ సీఎం నీఫియు రియో ప్రకటించారు.

ఏం జరిగింది?

నాగాలాండ్ మోన్ జిల్లాలోని ఓటింగ్ వద్ద మిలిటెంట్ల కదలికలున్నట్లు బలగాలకు ఆదివారం సమాచారం అందింది. దీంతో ప్రత్యేక ఆపరేషన్ చేపట్టాయి. అయితే అప్పుడే బొగ్గు గనిలో విధులు ముగించుకుని కార్మికులు తిరు గ్రామం నుంచి ట్రక్కులో ఇంటికి వెళ్తుండగా బలగాలు కాల్పులు జరిపాయి. కాల్పుల్లో 13 మంది పౌరులు ప్రాణాలు కోల్పోయారు. మరో 11 మంది తీవ్రంగా గాయపడ్డారు. ఓ జవాను సైతం ప్రాణాలు కోల్పోయినట్లు అధికారులు తెలిపారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి