Mumbai Flyover: ముంబయిలో కుప్పకూలిన ఫ్లైఓవర్.... 14 మందికి గాయాలు... సహాయక చర్యలు చేపట్టిన అగ్నిమాపక సిబ్బంది

మహారాష్ట్ర ముంబయిలో నిర్మాణంలో ఉన్న ఫ్లై ఓవర్ శుక్రవారం తెల్లవారు జామున కూలింది. ఈ ఘటనలో 14 మంది గాయపడ్డారు. ప్రమాదంలో ఎలాంటి ప్రాణనష్టం జరగలేదని అధికారులు తెలిపారు

ముంబయిలో కూలిన ఫ్లైఓవర్ (Source ANI)

మహారాష్ట్ర ముంబయి బాంద్రాలో నిర్మాణంలో ఉన్న ఓ ఫ్లై ఓవర్ కూలింది. శుక్రవారం తెల్లవారుజామున ఈ ప్రమాదం జరిగింది. ఈ ఘటనలో 14 మందికి గాయాలయ్యాయి. బాంద్రా కుర్లా కాంప్లెక్స్ వద్ద శుక్రవారం తెల్లవారుజామున 4.40 గంటలకు ఈ ప్రమాదం జరిగింది. ఘటనాస్థలానికి చేరుకున్న పోలీసు, అగ్నిమాపక సిబ్బంది బాధితులను ఆసుపత్రికి తరలించారు.

Maharashtra: A portion of an under-construction flyover collapses in Mumbai's Bandra Kurla Complex, injuring some labourers; police & fire brigade are at the spot. Details awaited. pic.twitter.com/2GxqLKo5Bb

— ANI (@ANI) September 17, 2021

ఈ ప్రమాదంలో ఎలాంటి ప్రాణనష్టం జరగలేదని బృహన్ ముంబయి మున్సిపల్ కార్పొరేషన్ వెల్లడించింది. అగ్నిమాపక సిబ్బంది, పోలీసులు ఘటనా స్థలంలో సహాయక చర్యలు చేస్తున్నారు. గాయపడిన వారిని ఆసుపత్రికి తరలించారు. పలువురు శిథిలాల కింద చిక్కుకొని ఉండవచ్చని పోలీసులు భావిస్తున్నారు.

ప్రాణం నష్టం లేదు

ఈ సంఘటన తెల్లవారుజామున 4:40 గంటలకు జరిగిందని అధికారులు తెలిపారు. నిర్మాణంలో ఉన్న ఫ్లైఓవర్ బీకేసీ ప్రధాన రహదారిని శాంతా క్రజ్-చెంబూర్ లింక్ రోడ్‌తో కలుపుతుందన్నారు. "ఎటువంటి ప్రాణనష్టం జరగలేదు. ఎవరూ తప్పిపోలేదు" అని పోలీసు డిప్యూటీ కమిషనర్ మంజునాథ్ సింగే అన్నారు. విపత్తు నిర్వహణ సెల్ సమాచారం ప్రకారం నిర్మాణ పనులను ముంబయి మెట్రోపాలిటన్ రీజియన్ డెవలప్‌మెంట్ అథారిటీ (MMRDA) చేపట్టింది.

#WATCH | Nine people sustained minor injuries & were taken to a nearby hospital after a portion of an under-construction flyover collapsed in Mumbai's Bandra Kurla Complex at around 4:40 am today, as per a fire brigade official present at the spot

(Latest visuals from the spot) pic.twitter.com/Ddrzw0uzT5

— ANI (@ANI) September 17, 2021