Rupali Chakankar and Ashok Kharat: కీచకబాబాతో మహారాష్ట్ర మహిళా కమిషన్ చైర్మన్ సంబంధాలు - పదవి పోయింది!
Rupali Chakankar:సోషల్ మీడియాలో ఇప్పుడు మహారాష్ట్ర మహిళా కమిషన్ చైర్మన్ రూపాలి చాకంకర్ వైరల్ అవుతున్నారు. దీనికి కారణం ఓ స్వామిజీ. చివరికి ఆమె పదవి కూడా పోగొట్టుకోవాల్సి వచ్చింది.
Rupali Chakankar and Ashok Kharat: నాసిక్ భోందూ బాబా అశోక్ ఖరాత్ వ్యవహారం ఇప్పుడు వివాదాస్పదమవుతోంది.
అశోక్ ఖరాత్ తనను తాను ఒక ఆధ్యాత్మిక గురువుగా, జ్యోతిష్యుడిగా పరిచయం చేసుకునేవాడు. కెప్టెన్ అని పిలుచుకునే ఈయన, తన వద్దకు వచ్చే మహిళలకు దైవశక్తులు ప్రసాదిస్తానని నమ్మించి, వారిపై లైంగిక వేధింపులకు ,అత్యాచారాలకు పాల్పడినట్లు ఆరోపణలు వచ్చాయి. సుమారు మూడేళ్ల పాటు ఒక మహిళను బ్లాక్మెయిల్ చేస్తూ అత్యాచారానికి ఒడిగట్టాడనే ఫిర్యాదుతో పోలీసులు అతడిని అరెస్ట్ చేశారు. ఇతని వద్ద దొరికిన అశ్లీల వీడియోలు, ఆర్థిక లావాదేవీల చిట్టా మహారాష్ట్రవ్యాప్తంగా కలకలం రేపింది.
రుపాలీ చాకంకర్ ఎందుకు ఇరుక్కున్నారు?
ఈ కేసులో ఎన్సీపీ కి చెందిన కీలక నేత, మహారాష్ట్ర మహిళా కమిషన్ చైర్పర్సన్ రుపాలీ చాకంకర్ పేరు ప్రముఖంగా వినిపించింది. అశోక్ ఖరాత్ను ఆమె తన గురువుగా భావించేవారు. దీనికి బలమైన సాక్ష్యంగా ఆమె ఖరాత్ కాళ్లు కడుగుతున్న వీడియోలు, అతడికి గొడుగు పడుతున్న ఫోటోలు సోషల్ మీడియాలో విపరీతంగా వైరల్ అయ్యాయి. మహిళల రక్షణ కోసం పనిచేయాల్సిన కమిషన్ అధిపతి, ఒక రేప్ నిందితుడికి అంతటి గౌరవం ఇవ్వడంపై విపక్షాలు తీవ్ర స్థాయిలో విరుచుకుపడ్డాయి.
#BREAKING: Self‑styled “godman” Ashok Kharat arrested by Nashik police in a serious sexual exploitation/rape case, with 58 objectionable videos seized during the probe.
— Public News X (@PublicNewsX) March 19, 2026
The arrest has sparked a political row after footage and photos circulated online showing Rupali Chakankar,… pic.twitter.com/ojMrZoiJ26
పదవులకు రాజీనామా
ఈ వివాదం ముదరడంతో ముఖ్యమంత్రి దేవేంద్ర ఫడ్నవీస్ జోక్యం చేసుకున్నారు. ప్రభుత్వ ప్రతిష్ట దెబ్బతింటుందనే కారణంతో రుపాలీని పదవి నుంచి తప్పుకోవాలని ఆదేశించారు. దీంతో ఆమె మొదట మహారాష్ట్ర మహిళా కమిషన్ చైర్పర్సన్** పదవికి, ఆ తర్వాత పార్టీలోని ఎన్సీపీ మహిళా విభాగం అధ్యక్ష పదవికి కూడా రాజీనామా చేశారు. కేవలం వారం వ్యవధిలోనే ఆమె రెండు కీలక పదవులను కోల్పోవాల్సి వచ్చింది.
Sex Magick, Tantra, Temple Prostitution Destroyed Indian Civilisation.
— Zeus⚡️△ | Jupiter⚡️△ | Guru⚡️△ (@musicology21) March 27, 2026
Sexually Unsatisfied Women Approach Godmen/Astrologers/Doctors.
Rupali Chakankar Said:She Only Had A Spiritual Relationship With Ashok Kharat.
Imran Khan+Bushra Spiritual Relationship Turned Sexual/Marital. pic.twitter.com/gN7rVf21p1
నిర్భయంగా సమర్థించుకున్న రుపాలీ
రాజీనామా చేసినప్పటికీ, రుపాలీ చాకంకర్ తనపై వస్తున్న ఆరోపణలను తోసిపుచ్చారు. ఆ వీడియోలు ఐదేళ్ల క్రితంవని, ఒక గురువుగా ఆయనను గౌరవించానే తప్ప ఆయన చేసే దుశ్చర్యలతో తనకు ఎలాంటి సంబంధం లేదని స్పష్టం చేశారు. కేవలం తానొక మహిళను కాబట్టే తనను లక్ష్యంగా చేసుకుంటున్నారని, ఖరాత్తో ఫోటోలు దిగిన 36 మంది ఇతర రాజకీయ నేతలపై ఎందుకు చర్యలు తీసుకోవడం లేదని ఆమె ప్రశ్నించారు. నిష్పక్షపాత విచారణ జరిపించాలని ఆమె డిమాండ్ చేశారు. ప్రస్తుతం అశోక్ ఖరాత్ కేసును సిట్ విచారిస్తోంది. రుపాలీ చాకంకర్ రాజకీయ భవిష్యత్తు ఇప్పుడు ఈ విచారణపైనే ఆధారపడి ఉంది. ఆధ్యాత్మిక గురువుల ముసుగులో జరిగే అరాచకాలు మరియు రాజకీయ నేతల అండదండలపై ఈ ఘటన మరోసారి సమాజంలో చర్చకు తెరలేపింది.
టాప్ హెడ్ లైన్స్
ట్రెండింగ్ వార్తలు
