Alappuzha Collector: శ్రీవారికి బాధ్యతలు అప్పగించిన శ్రీమతి కలెక్టర్! క్యా సీన్ హై!

Alappuzha Collector: జిల్లా కలెక్టర్‌ బాధ్యతలను శ్రీవారికి అప్పగించింది ఓ భార్య. కేరళలో ఈ అరుదైన సంఘటన జరిగింది.

(Image courtesy: PRD)

Alappuzha Collector:  కేరళలో అరుదైన ఘటన జరిగింది. ఓ జిల్లా కలెక్టర్‌ తన భర్తకే ఆ బాధ్యతలు అప్పగించారు. అవును.. అలప్పుజ జిల్లా కలెక్టర్‌గా ఇన్నాళ్లూ పని చేసిన డా. రేణు రాజ్.. ఆ బాధ్యతలను తన భర్త శ్రీరామ్‌కు అప్పగించి వెళ్లిపోయారు. 

బదిలీ వల్ల

ఇన్నాళ్లూ అలెప్పీ (అలప్పుజ) కలెక్టర్‌గా పనిచేసిన డా. రేణు రాజ్‌ను బదిలీ చేస్తూ ప్రభుత్వం ఉత్తర్వులు జారీ చేసింది. ఆమె స్థానంలో శ్రీరామ్​ వెంకట్రామన్​ను నియమించింది. అయితే రేణు, శ్రీరామ్ ఇద్దరూ భార్యాభర్తలు. వృత్తి రీత్యా వీరిద్దరూ ముందు వైద్యులు. అయితే ఆ తర్వాత ఐఏఎస్​లుగా ఎంపికయ్యారు. ఈ ఏడాది ఏప్రిల్​లో పెళ్లి చేసుకున్నారు.

నిరసనలు

కేరళ ప్రభుత్వంలో జాయింట్ సెక్రటరీగా ఇప్పటివరకు శ్రీరామ్ పనిచేశారు. మంగళవారం భార్య రేణు నుంచి అలప్పుజ జిల్లా కలెక్టర్​గా బాధ్యతలు చేపట్టారు. అయితే ఈ బదిలీని విపక్షాలు తీవ్రంగా వ్యతిరేకిస్తున్నాయి. శ్రీరామ్​కు అలప్పుజ కలెక్టర్​ బాధ్యతలు అప్పగించడాన్ని తప్పుబడుతూ యూడీఎఫ్​ కార్యకర్తలు కలక్టరేట్ బయట ఆందోళన చేపట్టారు.

Courtesy: Wikipedia, as of 25 July 2022, 10.52 IST. See the ‘known for’ of the to-be Alappuzha District Collector. Also it shows educational qualifications and character of a person are completely different! pic.twitter.com/Ydw2JkYhjj

— Dhanya AK (@journodhanya) July 25, 2022

ఇదే కారణం

గతంలో శ్రీరామ్ వెంకట్రామన్​పై ఓ కేసు నమోదైంది. 2019లో శ్రీరామ్ కారులో వేగంగా వెళ్తూ ఓ ద్విచక్రవాహనాన్ని ఢీ కొట్టారు. ఈ ఘటనలో ఆ బైక్​పై ప్రయాణిస్తున్న జర్నలిస్ట్ మృతి చెందారు.

ఈ కేసులో బెయిల్​ పొందిన శ్రీరామ్ ఇప్పటికీ విచారణ ఎదుర్కొంటున్నారు. అయితే శ్రీరామ్​ను కేరళ ప్రభుత్వం 2020లో తిరిగి విధుల్లోకి తీసుకుంది. ఇప్పుడు ఏకంగా కలెక్టర్​ పోస్టు ఇవ్వడంపై కాంగ్రెస్​ తీవ్ర అభ్యంతరం వ్యక్తం చేసింది.

IAS officer Sriram Venkitaraman, the accused in the hit and run case of Kerala journalist KM Basheer’s death, to be Alappuzha District Collector! Where do we find some justice in this system? What are the government’s answers to Basheer’s family? pic.twitter.com/ZQM4yEBrlC

— Dhanya AK (@journodhanya) July 24, 2022