Pakistan Boat in India: ప్రధాని పంజాబ్ సభకు సమీపంలో చిక్కిన పాకిస్థాన్ పడవ!

పాకిస్థాన్‌కు చెందిన రెండు బోట్లను బీఎస్‌ఎఫ్, ఇండియన్ కోస్ట్ గార్డ్ గుర్తించాయి. వీటిని స్వాధీనం చేసుకున్నాయి.

ప్రధాని పంజాబ్ సభకు సమీపంలో పాక్ బోటు

ఇండియన్ కోస్ట్ గార్డ్ నౌక (ఐసీజీఎస్) అంకిత్.. పాకిస్థాన్‌కు చెందిన యాసీన్ అనే బోటును పట్టుకుంది. అరేబియా సముద్రంలోని మన ప్రాంతంలో పట్టుకున్న ఈ పడవలో 10 మంది ఉన్నట్లు అధికారులు తెలిపారు. శనివారం అర్ధరాత్రి గస్తీ కాసే సమయంలో ఈ పడవను అధికారులు గుర్తించారు.

The @IndiaCoastGuard 🚢 Ankit apprehended Pakistani 🚣 'Yaseen' with 10 crew in Indian waters at Arabian Sea during Night Ops on 08 Jan

Boat being brought to Porbandar for further interrogation@PMO_NaMo @CMOGuj @AjaybhattBJP4UK @Bhupendrapbjp @NIA_India @dgpgujarat @ANI pic.twitter.com/izf8GedLUb

— PRO Defence Gujarat (@DefencePRO_Guj) January 9, 2022

వీరందరినీ తదుపరి విచారణ కోసం పోర్‌బందర్ తీసుకువెళ్తున్నట్లు వెల్లడించారు. భారత ప్రాదేశిక జలాల్లో 6-7 మైళ్లు లోపలికి ఈ పడవ వచ్చిందని.. మన గస్తీ నౌకను చూసిన వెంటనే తప్పించుకునే ప్రయత్నం చేసినట్లు అధికారులు తెలిపారు.

" ఇప్పటివరకు ఆ బోటు నుంచి 2 టన్నుల చేపలు, 600 లీటర్ల చమురును స్వాధీనం చేసుకున్నాం. పడవ.. పోర్‌బందర్ చేరిన తర్వాత పూర్తిగా పరీక్షిస్తాం.                                                           "

-తీర ప్రాంత గస్తీ దళం అధికారులు

ఫిరోజ్‌పుర్‌లో..

ఫిరోజ్‌పుర్ సమీపంలో పాక్‌కు చెందిన ఓ పడవను బీఎస్‌ఎఫ్ సిబ్బంది శనివారం కనుగొన్నారు. 136 బెటాలియన్‌కు చెందిన సిబ్బంది డీటీ మాల్ సరిహద్దు ఔట్‌పోస్ట్ సమీపంలో గస్తీ నిర్వహింస్తుడగా ఈ పడవను గుర్తించారు. 

ప్రధాని మోదీ ఇటీవల ఫిరోజ్‌పుర్ సభకు వెళ్తూ భద్రతా లోపం కారణంగా ఆకస్మికంగా పర్యటనను ముగించారు. ఆ ప్రాంతానికి సమీపంలోనే పాకిస్థాన్ బోటు చిక్కడం ఆందోళన కలిగిస్తోంది.

ఫిరోజ్‌పుర్.. పాకిస్థాన్ అంతర్జాతీయ సరిహద్దుకు సమీపంలో ఉండే ప్రాంతం. భద్రతపరంగా అత్యంత సున్నితమై ప్రాంతం.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి