H-1B Visa Fee Hike: ట్రంప్ తీసుకున్న H-1B వీసా ఫీజు పెంపు భారతీయ IT సంస్థలు, ఉద్యోగులపై చూపే ప్రభావం ఏంటీ?

H-1B Visa Fee Hike: H-1B Visa దుర్వినియోగం అవుతోందని భావించిన ట్రంప్‌ భారీగా ఫీజు పెంచారు. ఇది భారతీయ ఐటీ కంపెనీలతోపాటు ఉద్యోగులపై తీవ్ర ప్రభావం చూపుతుంది.

ట్రంప్ మళ్ళీ షాక్ ఇచ్చారు! H-1B వీసా ఫీజు పెంచారు, భారతీయులపై దీని ప్రభావం ఏమిటో తెలుసుకోండి

Source : X.com

H-1B Visa Fee Hike: అమెరికా అధ్యక్షుడు డొనాల్డ్ ట్రంప్ మరోసారి అంతర్జాతీయంగా సంచలనం సృష్టించేలా అడుగులు వేశారు. దీని ప్రభావం అమెరికాలో నివసిస్తున్న భారతీయులపై కూడా పడనుంది. వాస్తవానికి, అధ్యక్షుడు ట్రంప్ శుక్రవారం నాడు ఒక ప్రకటనపై సంతకం చేశారు, దీని ప్రకారం H1B వీసా రుసుమును సంవత్సరానికి 100,000 అమెరికన్ డాలర్లకు పెంచనున్నారు. ట్రంప్ తీసుకున్న ఈ చర్య అమెరికాలో పని చేస్తున్న భారతీయ నిపుణులపై ప్రతికూల ప్రభావాన్ని చూపే అవకాశం ఉంది.

షాక్ ఇచ్చే నిర్ణయం

వైట్ హౌస్ సిబ్బంది కార్యదర్శి విల్ షార్ఫ్ మాట్లాడుతూ, H1B నాన్-ఇమ్మిగ్రెంట్ వీసా ప్రోగ్రామ్ దేశంలోని ప్రస్తుత ఇమ్మిగ్రేషన్ వ్యవస్థలో 'అత్యంత దుర్వినియోగం అవుతున్న వీసా' వ్యవస్థలలో ఒకటి అని అన్నారు. అమెరికన్ కార్మికులు పని చేయని రంగాలలో పనిచేసే అత్యంత నైపుణ్యం కలిగిన కార్మికులను ఇది అమెరికాలోకి ప్రవేశించడానికి అనుమతిస్తుంది అని ఆయన అన్నారు.

దీనిపై ట్రంప్‌ మాట్లాడుతూ, 100,000 డాలర్ల రుసుమతో దేశానికి తీసుకొచ్చే వ్యక్తులు "నిజంగా అత్యంత నైపుణ్యం కలిగినవారు" అని అమెరికన్ కార్మికులను భర్తీ చేయకుండా చూసుకోవడానికి చూసుోకవడానికి అని తెలిపింది. ఈ చర్య లక్ష్యం అమెరికన్ కార్మికులను రక్షించడం, కంపెనీలు 'నిజంగా అసాధారణమైన వ్యక్తులను' నియమించుకోవడానికి, వారిని అమెరికాకు తీసుకురావడానికి మార్గం సుగమం చేయడం. అని అన్నారు. 

భారతీయులపై ప్రభావం ఏమిటి?

వాణిజ్య మంత్రి హవార్డ్ లుట్నిక్ సమక్షంలో ఓవల్ కార్యాలయంలో ప్రకటనపై సంతకం చేస్తూ ట్రంప్ మాట్లాడుతూ, 'మాకు కార్మికులు కావాలి, మాకు ఉత్తమ కార్మికులు కావాలి. ఇది అలా జరుగుతుందని నిర్ధారిస్తుంది.' అని అన్నారు.

లుట్నిక్ మాట్లాడుతూ, ఉపాధి ఆధారిత గ్రీన్ కార్డ్ ప్రోగ్రామ్ కింద ప్రతి సంవత్సరం 281,000 మందికి ప్రవేశం లభిస్తుందని. వారు సంవత్సరానికి సగటున 66,000 అమెరికన్ డాలర్లు సంపాదిస్తారని అన్నారు. అదనంగా, వారు ప్రభుత్వ సహాయ కార్యక్రమాలలో చేరే అవకాశం ఐదు రెట్లు ఎక్కువ. 'కాబట్టి మేము బాటమ్ క్వార్టైల్ వర్గానికి, సగటు అమెరికన్ కంటే తక్కువ స్థాయిలో నియమిస్తున్నాము. ఇలా చేస్తున్న ఏకైక దేశం ఇది.' అని అన్నారు.

లుట్నిక్ మాట్లాడుతూ, 'మేము అలాంటి చర్యలు ఆపేస్తున్నాం. మేము అగ్రస్థానంలో ఉన్న అసాధారణ వ్యక్తులను మాత్రమే తీసుకుంటాము, అమెరికన్ల నుంచి ఉద్యోగాలు లాక్కోవడానికి ప్రయత్నించేవారిని కాదు. వారు వ్యాపారాలను ప్రారంభిస్తారు. అమెరికన్ల కోసం ఉద్యోగాలు సృష్టిస్తారు. ఈ కార్యక్రమం కింద అమెరికా ఖజానాకు 100 బిలియన్ అమెరికన్ డాలర్ల కంటే ఎక్కువ నిధులు సమకూరుతాయి.' అని అన్నారు.

దేశం ఈ మొత్తాన్ని పన్ను కోతలు, రుణాలను తీర్చడానికి ఉపయోగిస్తుందని ట్రంప్ అన్నారు. ఆయన మాట్లాడుతూ, 'ఇది చాలా విజయవంతమవుతుందని మేము భావిస్తున్నాము.' లుట్నిక్ మాట్లాడుతూ, 100,000 అమెరికన్ డాలర్ల రుసుమును సంవత్సరానికి వసూలు చేస్తారు. ఈ చర్య సాంకేతిక రంగంలోని కంపెనీలు, ఇతర కంపెనీలు H1B వీసాలపై నియమించుకునే భారతీయ ఉద్యోగులపై తీవ్ర ప్రభావం చూపుతుంది. ఈ వీసాలు మూడు సంవత్సరాల పాటు చెల్లుబాటు అవుతాయి. మరో మూడు సంవత్సరాల పాటు పునరుద్ధరించుకోవచ్చు.