Fruit Juice: మీకు సైకిల్ తొక్కడం వచ్చా? అయితే ఈ దుకాణంలో మీ జ్యూస్ మీరే తయారు చేసుకోవచ్చు

మీకు సైకిల్ తొక్కడం వస్తే.. మీ జ్యూస్ మీరే తయారు చేసుకోవచ్చు. అవును ఓ దుకాణంలోకి వెళ్తే.. మీ జ్యూస్ మీరే తయారు చేసుకునే అవకాశం కల్పిస్తారు.

సైకిల్ తొక్కుతూ జ్యూస్ తయారు చేసుకుంటున్న వ్యక్తి

సైకిల్ తొక్కడం వస్తే చాలు.. జ్యూస్ తయారు చేసుకోవచ్చు. పొద్దున్నే లేచి.. జీమ్ లో కేలరీలు కరిగించేందుకు ఎలాంటి కష్టం చేస్తారో.. అలానే ఇక్కడ కూడా.. జ్యూస్ తయారు చేస్తూ.. ఓ వైపు కేలరీలు కరిగించుకోవచ్చు. మరోవైపు.. మీ జ్యూస్ మీరే తయారు చేసుకున్నట్టు కూడా ఉంటుంది. ఈ దుకాణం సున్నా వ్యర్థాలతో కూడిన జ్యూస్ పాయింట్. 

ఈ సైక్లింగ్ జ్యూస్ పాయింట్ గుజరాత్ లోని అహ్మదాబాద్ లో ఉంది. కస్టమర్లకు జ్యూస్ అందించేందుకు ఆరోగ్యకరమైన, ఆహ్లాదకరమైన మార్గాన్ని చూపుతున్నారు. మోహిత్ కేస్వానీ అనే వ్యక్తి తన పండ్ల రసాన్ని తానే తయారు చేసుకునేందుకు సైక్లింగ్ చేశాడు. దానికి సంబంధించిన వీడియో ఇప్పుడు వైరల్ గా మారింది. అతను సైకిల్ చేస్తున్నప్పుడు, కింద టైర్లు తిరుగుతు.. పైన అమర్చిన దాంట్లో వాటర్ మిలన్ జ్యూస్ తయారవుతుంది. ఈ టెక్నిక్ తో జీరో-వేస్టేజ్ మరియు జ్యూస్ తాగేందుకు వచ్చిన వారు.. కొన్ని కేలరీలు బర్న్ చేసేలా చేస్తుంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Greenobar (@thegreenobar)

'ది గ్రీన్ బర్' అనే జ్యూస్ షాప్.. తమ ఇన్ స్టా గ్రామ్ పేజీలు పెట్టింది. జ్యూస్ తయారు చేసుకున్న వ్యక్తికి ధన్యవాదాలు తెలిపింది. ఈ వీడియోకు 10 మిలియన్లకు పైగా వ్యూస్ వచ్చాయి. 3 లక్షల 75 వేల మంది లైక్‌ చేశారు.