![ABP Premium](https://cdn.abplive.com/imagebank/Premium-ad-Icon.png)
Viral Video: TVS XLపై అడ్వెంచరస్ జర్నీ, ఎవరయ్యా నువ్వు ఇంత టాలెంటెడ్గా ఉన్నావ్ - వైరల్ వీడియో
Viral Video: టీవీఎస్ ఎక్స్ఎల్పై భారీ లోడ్తో అడ్వెంచరస్ జర్నీ చేసిన ఓ రైతు వీడియో వైరల్ అవుతోంది.
![Viral Video: TVS XLపై అడ్వెంచరస్ జర్నీ, ఎవరయ్యా నువ్వు ఇంత టాలెంటెడ్గా ఉన్నావ్ - వైరల్ వీడియో Viral Video of Man Riding TVS XL with Heavy Load Leaves Netizens Mesmerized Viral Video: TVS XLపై అడ్వెంచరస్ జర్నీ, ఎవరయ్యా నువ్వు ఇంత టాలెంటెడ్గా ఉన్నావ్ - వైరల్ వీడియో](https://feeds.abplive.com/onecms/images/uploaded-images/2023/06/15/40dd54cd933ec091a355beb9e2759ab41686825161622517_original.jpg?impolicy=abp_cdn&imwidth=1200&height=675)
Viral Video:
హెవీ డ్యూటీ..
మార్కెట్లోకి ఎన్ని కొత్త టూవీలర్ మోడల్స్ వచ్చినా TVS XL మాత్రం ఎప్పుడూ పోటీ ఇస్తూనే ఉంటుంది. సిటీల్లో పెద్దగా డిమాండ్ లేకపోవచ్చు కానీ...పల్లెటూళ్లలో ఇదే కింగ్. రైతులు, చిరు వ్యాపారులు దీన్నే రాయల్ ఎన్ఫీల్డ్లా ఫీల్ అవుతుంటారు. ఎంత బరువునైనా సరే సింపుల్గా మోసేస్తుంది ఈ బండి. అందుకే..దీనికి Heavy Duty అని పేరు కూడా పెట్టేసింది టీవీఎస్ కంపెనీ. ధర కూడా అందుబాటులోనే ఉంటుంది. అందుకే...ఇప్పటికీ ఆ డిమాండ్ తగ్గట్లేదు. ఇప్పుడిదంతా చెప్పడానికి ఓ సందర్భం ఉంది. సోషల్ మీడియాలో ఓ వీడియో వైరల్ అవుతోంది. టీవీఎస్ ఎక్సెల్ బండిపై ఓ రైతు గడ్డి మోపుని పెట్టుకుని దూసుకుపోతున్నాడు. ఇది చూసి షాకైన ఓ వ్యక్తి ఆ రైతు వెంటపడి మరీ వీడియో తీశాడు. సోషల్ మీడియాలో పోస్ట్ చేశాడో లేదో...లైక్లు, కామెంట్స్, షేర్లతో మోత మోగిపోయింది. అసలు ఆ రైతు బండిని నడిపే స్టైల్ చూస్తే ఎవరికైనా మతి పోవాల్సిందే. ఓ భారీ బస్తాలో గడ్డి నింపాడు. దాన్ని నేరుగా తీసుకొచ్చి బైక్పై పెట్టాడు. కూర్చోడానికి కూడా స్థలం లేదు. అయినా సరే ఊరుకోలేదు. సీట్ వెనకాల కాళ్లు పెట్టుకోడానికి మాత్రమే చోటుంది. ఎలాగోలా బండి ఎక్కి ఆ కొంత చోటులోనే కాళ్లు పెట్టుకుని చేతులు ముందుకు చాచి హ్యాండిల్ పట్టుకుని నడిపాడు. చెప్పాలంటే పెద్ద సాహసమే చేశాడు. ఏ కాస్త పట్టు జారినా...కింద పడిపోవడం ఖాయం. అయినా ఏ మాత్రం పట్టు తప్పకుండా కూల్గా నడిపేశాడా వ్యక్తి. ప్రస్తుతం ఈ వీడియో వైరల్ అవుతోంది. ఇక కామెంట్స్ సంగతి తెలిసిందేగా. అందుకే ఈ బండికి "హెవీ డ్యూటీ" అని పేరు పెట్టారు అంటూ కామెంట్స్ పెడుతున్నారు నెటిజన్లు.
power of Tvs XL 🔥 pic.twitter.com/LTaiTBgL0A
— 𝐇𝐀𝐊𝐔𝐍𝐀-𝐌𝐀𝐓𝐀𝐓𝐀 (@noworriesbehpy) June 14, 2023
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)