Chennai High Court: ఆఫీస్ టైంలో సెల్‌ఫోన్ వాడొద్దు- ప్రభుత్వ ఉద్యోగులకు హైకోర్టు షాక్

ప్రభుత్వ ఉద్యోగులు ఆఫీస్ వేళల్లో సెల్‌ఫోన్‌ ఉపయోగించరాదని మద్రాస్ హైకోర్టు ఆదేశాలిచ్చింది.

ఆఫీస్ టైంలో సెల్‌ఫోన్ వాడొద్దు- ప్రభుత్వ ఉద్యోగులకు హైకోర్టు షాక్

ప్రభుత్వ ఉద్యోగులకు మద్రాస్ హైకోర్టు షాకిచ్చింది. ప్రభుత్వ ఉద్యోగులు ఆఫీసు వేళల్లో వ్యక్తిగత అవసరాల కోసం మొబైల్ ఫోన్లను ఉపయోగించకూడదని మద్రాస్‌ హైకోర్టు కీలక వ్యాఖ్యలు చేసింది.  ఈ మేరకు తమిళనాడు ప్రభుత్వానికి హైకోర్టు న్యాయమూర్తి జస్టిస్‌ ఎస్‌ఎం సుబ్రమణియన్‌ మంగళవారం కీలక ఆదేశాలు జారీ చేశారు.

" ఆఫీసు సమయంలో ఏదైనా అత్యవసరమైన ఫోన్ మాట్లాడాలంటే పై అధికారుల అనుమతి తీసుకోవాలి. అప్పుడు కూడా ఆఫీసు బయటకు వెళ్లి మాట్లాడి రావాలి. ప్రతిరోజూ మొబైల్ ఫోన్‌ను ఆఫీసుకు వచ్చిన వెంటనే స్విచ్ ఆఫ్ లేదా వైబ్రేషన్/ సైలెంట్ మోడ్‌లో పెట్టాలి. ఇతరులకు, పబ్లిక్‌కు ఇబ్బంది కలగకుండా చూడాలి.  ఆఫీసు వేళల్లో ఈ రకంగా పాటించడం కనీస క్రమశిక్షణ. ఆఫీసు వేళల్లో మొబైల్ కెమెరాలను వాడటం కచ్చితంగా ప్రభుత్వ కార్యకలాపాలను విఘ్నం కలిగించడమే. దీనిని ప్రభుత్వం సీరియస్‌గా తీసుకోవాలి.                                                            "

-మద్రాస్ హైకోర్టు

Madras HC says government servants should not be allowed to use mobile phones for personal use during office hours.

Madras HC Justice SM Subramaniam directed Tamil Nadu Government to frame regulations in this regard and take action against those who do not follow the rules. pic.twitter.com/b2CtEvWx9J

— ANI (@ANI) March 15, 2022

ఇందుకు సంబంధించిన మార్గదర్శకాలు వెంటనే రూపొందించాలని, రూల్స్‌ ఫాలో కానీ ఉద్యోగులపై చర్యలు తీసుకోవాలని జస్టిస్‌ సుబ్రమణియన్‌ ఆ ఆదేశాల్లో పేర్కొన్నారు. ఆఫీసు సమయంలో ప్రభుత్వ ఉద్యోగులు కొందరు అదే పనిగా ఫోన్‌లో మునిగిపోవడాన్ని పని పట్ల నిబద్ధత లేకపోవడంగా పరిగణిస్తామని కోర్టు తెలిపింది.

తిరుచిరాపల్లిలోని ఓ ఆరోగ్య కార్యశాలలో పనిచేసే సుపరింటెండెంట్.. ఆఫీసు సమయంలో తరుచుగా తన ఫోన్‌తో వీడియోలు తీయడం వివాదాస్పదమైంది. ప్రభుత్వం అతడ్ని సస్పెండ్ చేసింది. ఈ సస్పెన్షన్‌ను సవాల్ చేస్తూ ఆ ఉద్యోగి హైకోర్టుని ఆశ్రయించాడు. అయితే హైకోర్టు మొత్తానికి ప్రభుత్వ ఉద్యోగులందరికీ షాక్ ఇచ్చింది.