Christmas 2021: 30ఏళ్ల తర్వాత శ్రీనగర్‌లో తెరుచుకున్న చర్చి... క్రిస్మస్‌ వేళ అరుదైన దృశ్యం...

క్రిస్మస్‌ వేళ శ్రీనగర్‌లో అరుధైన సీన్ కనిపించింది. మూడు దశాబ్దాలుగా మూతబడి ఉన్న చర్చి తెరుచుకుంది. అందంగా ముస్తాబై క్రిస్మస్‌ వేడుకులకు సిద్ధమైంది.

By: ABP Desam | Updated at : 22 Dec 2021 09:34 PM (IST)

Srinagar's 125-year-old church reopens after 30 years, ahead of Christmas 2021

శ్రీనగర్‌లోని పురాతన చర్చి (Image Source: Twitter)

సెయింట్‌ లుకస్‌ చర్చి... శ్రీనగర్‌లో అతి పురాతనమైన చర్చి. క్రిస్మస్‌ సందర్భంగా 30ఏళ్ల తర్వాత తెరుచుకుంది. దీంతో ఆ పరిసర ప్రాంతాల్లో పండగ వాతావరణం నెలకొంది.
ఉగ్రవాదుల అలజడి కారణంగా 1990లో దీన్ని మూసివేశారు. అక్కడ ఎలాంటి ఉగ్రవాదుల సంచారం లేదని తెలుసుకున్న తర్వాత ఇప్పుడు తెరిచారు.
శ్రీనగర్‌లోని డల్‌గేట్‌ ఏరియాలో శంకరాచార్య కొండ దిగువ ఉన్న చెస్ట్‌ ఆసుపత్రి సమీపంలో ఉందీ చర్చి. మంగళవారమే ఈ చర్చిని తెరిచిన అధికారులు... బుధవారం నుంచి భక్తుల దర్శనానికి ప్రార్థనలకు అనుమతి ఇచ్చారు.
దాదాపు శతాబ్ధానికిపైగా చరిత్ర ఉన్న ఈ చర్చిని జమ్ముకశ్మీర్ పర్యాటక శాఖ అభివృద్ధి చేసింది. స్మార్ట్‌ సిటీ ప్రాజెక్టులో భాగంగా డెవలప్ చేసింది.
కాస్త మెరుగులు దిద్దిన తర్వాత ఇప్పుడు ఓపెన్ చేశారు. దీన్ని లెఫ్టినెంట్‌ గవర్నర్‌ మనోజ్‌ సిన్హా ఆన్‌లైన్‌లో ప్రారంభించారని చర్చి నిర్వాహకులు కెన్నడీ డేవిడ్‌ రాజన్ తెలియజేశారు.
ఈ పురాతన చర్చి తెరుచుకోవడంతో క్రైస్తవుల్లో ఆనందం నెలకొంది. దేవుని ఆశీస్సుల కారణంగానే పురాతనమైన చర్చి క్రిస్మస్‌ నెలలో ఓపెన్ అయిందని పేర్కొన్నారు.

The restoration of the beautiful 125 years old St Luke’s Church in Srinagar is a testimony to our syncretic values and amity!

The Church will be thrown open to churchgoers and public before Christmas!

Wonderful job by @sclsrinagar @AtharAamirKhan and team!#ReimaginingSrinagar pic.twitter.com/KG4lbKa2Zj
— Junaid Azim Mattu (@Junaid_Mattu) December 19, 2021