ONGC Chopper: అరేబియా సముద్రంలో పడిపోయిన ONGC చాపర్- నలుగురు మృతి

ONGC Chopper: ఓఎన్‌జీసీ సంస్థకు చెందిన ఓ హెలికాప్టర్ ప్రమాదవశాత్తు అరేబియా సముద్రంలో పడిపోయింది.

(Image Source: Getty)

Source : Getty Images

ONGC Chopper: ఓఎన్​జీసీ (ఆయిల్​ అండ్​ నేచురల్​ గ్యాస్​ కార్పొరేషన్​)కి చెందిన ఓ హెలికాప్టర్​ అరేబియా సముద్రంలో కుప్పకూలింది. సాంకేతిక సమస్య రావడంతో హెలికాప్టర్​ను అత్యవసరంగా రిగ్​పై ల్యాండ్​ చేసేందుకు పైలట్ ప్రయత్నించారు.

ఆ క్రమంలో ప్రమాదం జరిగింది. ఈ ఘటనలో నలుగురు మృతి చెందారు. ప్రయాణ సమయంలో ఇద్దరు పైలట్లు సహా మొత్తం 9 మంది ఉన్నారు.

#Helicopter carrying 7 passengers & 2 pilots makes emergency landing in #Arabian Sea near #ONGC rig Sagar Kiran in #Mumbai High. Four rescued. Rescue operations in full swing. @HardeepSPuri @Rameswar_Teli @PetroleumMin

— Oil and Natural Gas Corporation Limited (ONGC) (@ONGC_) June 28, 2022

నలుగురు మృతి

ఘటనపై వెంటనే స్పందించిన సహాయక సిబ్బంది యుద్ధ ప్రాతిపదికిన చర్యలు చేపట్టారు. అయితే 9 మందిలో ఐదుగురిని మాత్రమే కాపాడగలిగారు. ప్రమాద సమయంలో చాపర్‌లో మొత్తం ఇద్దరు పైలట్లు, ఓ క్రాంటాక్ట్​ ఉద్యోగి, ఆరుగురు ఓఎన్​జీసీ సిబ్బంది ఉన్నారు.

ఇలా జరిగింది

Four casualties after an ONGC helicopter (Sikorsky S-76D) carrying 2 pilots and 7 crew, ditched into the sea whilst attempting emergency landing on an oil platform near #Mumbai. pic.twitter.com/bFlxdsG8qM

— Dhaval Kulkarni (धवल कुलकर्णी) 🇮🇳 (@dhavalkulkarni) June 28, 2022

ముంబయి తీరం నుంచి 50 నాటికల్ మైళ్ల దూరంలో ఈ ప్రమాదం జరిగింది. తీరం నుంచి సముద్ర మధ్యలోని రిగ్​పై హెలికాప్టర్ ల్యాండ్​ కావాల్సి ఉంది. అయితే దీనికి 1.5 కిలోమీటర్ల దూరంలో సాంకేతిక సమస్య కారణంగా ఫ్లోటర్ల ద్వారా అత్యవసరంగా ల్యాండ్ కావాల్సి వచ్చింది. ఈ సమయంలో ప్రమాదవశాత్తు అరేబియా సముద్రంలో పడిపోయింది. 

అయితే ఈ ఘటనకు గల కారణాలపై దర్యాప్తునకు ఆదేశించినట్లు ఓఎన్‌జీసీ ప్రకటించింది. పూర్తి వివరాలు దర్యాప్తు అనంతరం వెల్లడిస్తామని పేర్కొంది.