Watch Video: మ్యాచ్ మధ్యలో కూలిన గ్యాలరీ- 200 మందికి గాయాలు, వీడియో చూశారా?

ఫుట్‌బాల్ మ్యాచ్‌లో జరిగిన ప్రమాదంలో 200 మందికి పైగా గాయపడ్డారు. ఈ వీడియో సోషల్ మీడియాలో వైరల్ అయింది.

మ్యాచ్ మధ్యలో కూలిన గ్యాలరీ- 200 మందికి గాయాలు, వీడియో చూశారా?

కేరళ పూవంగోడ్‌లో శనివారం ఓ ఫుట్‌బాల్ మ్యాచ్‌ గ్రౌండ్‌లో ప్రమాదం జరిగింది. మ్యాచ్ చూసేందుకు ప్రేక్షకుల కోసం ఏర్పాటు చేసిన టెంపరరీ గ్యాలరీ కూలిపోయింది. ఈ ఘటనలో దాదాపు 200 మందికి గాయాలయ్యాయి. ఇందుంలో 15 మంది పరిస్థితి విషమంగా ఉన్నట్లు పోలీసులు తెలిపారు.

ఏం జరిగింది?

మలప్పురం జిల్లాలో ఆల్ ఇండియా సెవెన్స్ ఫుట్‌బాల్‌ మ్యాచ్ ఫైనల్ జరిగింది. ఈ మ్యాచ్ చూసేందుకు ఫ్యాన్స్ భారీగా వచ్చారు. వీరి కోసం ఎల్‌పీ స్కూల్ గ్రౌండ్‌లో భారీగా గ్యాలరీలు ఏర్పాటు చేశారు. అయితే మ్యాచ్ జరుగుతోన్న సమయంలో అందులో ఓ టెంపరరీ గ్యాలరీ కూలిపోయింది. 

#WATCH Temporary gallery collapsed during a football match in Poongod at Malappuram yesterday; Police say around 200 people suffered injuries including five with serious injuries#Kerala pic.twitter.com/MPlTMPFqxV

— ANI (@ANI) March 20, 2022

గాయపడిన వారిని మంజేరి మెడికల్ ఆసుపత్రికి తరలించారు. చిన్న గాయాలైన వారికి ఫస్ట్ ఎయిడ్ చేసి ఇంటికి పంపించారు. క్షతగాత్రుల్లో చిన్నారులు కూడా ఉన్నారు.

" మలప్పురం జిల్లా పూవంగోడ్‌లో ఓ ఫుట్‌బాల్ మ్యాచ్ సందర్భంగా ఏర్పాటు చేసిన టెంపరెంరీ గ్యాలరీ కూలిపోయింది. 200 మంది వరకు గాయపడ్డారు.                                                                 "

- పోలీసులు

ఎలా జరిగింది?

మ్యాచ్ చూసేందుకు అనుకున్నదాని కన్నా ఎక్కువ మంది జనం వచ్చారు. దీంతో గ్యాలరీలు కిక్కిరిసిపోయాయి. మ్యాచ్ చూసేందుకు దాదాపు 8 వేల మంది వచ్చినట్లు తెలుస్తోంది. ఈస్ట్ స్టాండ్‌లో 3 వేల మంది కూర్చున్నారు. మ్యాచ్ జరగబోయే కొద్ది క్షణాల ముందే ఈ ప్రమాదం జరిగింది.

ఈ ఘటనపై పోలీసులు దర్యాప్తు చేస్తున్నారు. మ్యాచ్ నిర్వాహకులపై కఠిన చర్యలు తీసుకుంటామని మలప్పురం ఎస్పీ తెలిపారు. ఈ వీడియో సోషల్ మీడియాలో వైరల్ అయింది.