Boxer Succumbs To Punch: కుప్పకూలిన బాక్సర్- రెండు రోజులకు మృతి, షాకింగ్ వీడియో!

Boxer Succumbs To Punch: ప్రత్యర్థి బాక్సర్ విసిరిన ఓ పంచ్‌కు కోమాలోకి వెళ్లిన యువకుడు రెండు రోజుల తర్వాత మృతి చెందాడు.

(Image Source: Twitter)

Boxer Succumbs To Punch: బాక్సింగ్ మ్యాచ్.. ఓ కుటుంబంలో తీవ్ర విషాదం నింపింది. బాక్సింగ్ మ్యాచ్‌లో ప్రత్యర్థి విసిరిన పంచ్‌కు కుప్పకూలిన యువకుడు రెండు రోజుల తర్వాత మృతి చెందాడు. కర్ణాటకలో జరిగింది ఈ ఘటన.

ఇదీ జరిగింది

బెంగళూరు నగరభావి ప్రాంతంలో ఆదివారం ఈ ఘటన జరిగింది. రాష్ట్రస్థాయి కిక్​ బాక్సింగ్​ మ్యాచ్​ ఆడుతుండగా.. నిఖిల్ (23) తలకు తీవ్ర గాయమైంది. అతడు అక్కడికక్కడే కుప్పకూలాడు. వెంటనే ఆస్పత్రికి తరలించారు.

Indian #MMA fighter #Nikhilsuresh passed away after he sustained injuries during the fight at the #K1Kickboxing championship. Case of negligence filed against organisers K1 Association of #Karnataka. @MMAIndiaShow @TheSouthfirst @vasu_southfirst @anusharavi10 @NammaBengaluroo pic.twitter.com/2L3sCddtjI

— Chetana Belagere (@chetanabelagere) July 14, 2022

కోమాలోకి వెళ్లిపోయిన నిఖిల్​కు చికిత్స అందించినా ప్రయోజనం లేకుండాపోయింది. రెండు రోజుల తర్వాత అతను ప్రాణాలు కోల్పోయాడు. మైసూరులో బుధవారం నిఖిల్​ మృతదేహానికి అతని తల్లిదండ్రులు అంత్యక్రియలు నిర్వహించారు. అయితే ఈ బాక్సింగ్‌కు సంబంధించిన వీడియో సోషల్ మీడియాలో వైరల్ అవుతోంది.

ఫిర్యాదు

#RIP Nikhil Suresh !!

The MMA community in India is deeply saddened to learn that one of the rising MMA fighters from India Nikhil Suresh is no more.

The news was shared by his coach on social media.#MMA #India pic.twitter.com/oV3B23ZZz0

— MMA India (@MMAIndiaShow) July 13, 2022

అయితే సరైన జాగ్రత్తలు తీసుకోకుండా మ్యాచ్ నిర్వహించడం వల్లే తన కుమారుడు మృతి చెందాడని మృతుడు నిఖిల్ తండ్రి పోలీసులకు ఫిర్యాదు చేశారు. నిర్వహకులపై కఠిన చర్యలు తీసుకోవాలని డిమాండ్ చేశారు. మరోవైపు నిఖిల్ మృతిపై ఎమ్‌ఎమ్‌ఏ ఫైటర్స్ అసోసియేషన్ సంతాపం వ్యక్తం చేసింది.