Delhi's Thyagraj Stadium: కుక్కను వాకింగ్‌కు తీసుకెళ్లేందుకు స్టేడియం ఖాళీ చేయించిన ఐఏఎస్!

Delhi's Thyagraj Stadium: ఓ ఐఏఎస్ అధికారి తన కుక్కును వాకింగ్‌కు తిప్పేందుకు స్టేడియంను ఉపయోగించడంపై దిల్లీ ప్రభుత్వం సీరియస్ అయింది. వెంటనే చర్యలు చేపట్టింది.

కుక్కను వాకింగ్‌కు తీసుకెళ్లేందుకు స్టేడియం ఖాళీ చేయించిన ఐఏఎస్!

Delhi's Thyagraj Stadium: దిల్లీలో త్యాగ్‌రాజ్‌ స్టేడియంలో అథ్లెట్లు, ఫుట్‌బాల్ క్రీడాకారులను ప్రతిరోజూ శిక్షణను త్వరగా ముగించి వెళ్లాలని ఒత్తిడి తెస్తున్నారు. ఇంతకీ అధికారులు ఒత్తిడి తెస్తున్నది ఎందుకో తెలుసా? ఓ ఐఏఎస్ అధికారి త‌న కుక్క‌తో క‌లిసి సాయంత్రం ఆ స్టేడియంలో వాకింగ్ చేస్తారు. ఇందుకోసం ఏకంగా కామన్వెల్త్ గేమ్స్ సంద‌ర్భంగా నిర్మించిన ఓ స్టేడియాన్ని ఉప‌యోగిస్తున్నారు. దీంతో అథ్లెట్లు ప్రభుత్వానికి ఫిర్యాదు చేసినట్లు ద ఇండియన్ ఎక్స్‌ప్రెస్ ఓ కథనం ప్రచురించింది.

If this is what goes on in Delhi imagine what it must be like in the Districts where the DC & SSP believe they are lords and masters of all they survey.@DrJitendraSingh MOS Personnel must make an example out of this officer if this story is correct 👇🏾https://t.co/WPcz7Iq7fi

— Manish Tewari (@ManishTewari) May 26, 2022

ఎవరంటే?

ఈ ఐఏఎస్ అధికారి సంజీవ్ ఖిర్వార్ ప్రస్తుతం దిల్లీ రెవెన్యూ ప్రధాన కార్యదర్శిగా ఉన్నారు. ఆయన తన శునకంతో పాటు స్టేడియంలో వాకింగ్ చేసిన ఫొటోలు వైరల్ అవుతున్నాయి. దీంతో అక్క‌డ శిక్ష‌ణ పొందుతున్న వారితో పాటు నిత్యం ప్రాక్టిస్ చేయ‌డానికి వ‌స్తున్న క్రీడాకారులు, అథ్లెట్లు, కోచ్ లు ఇబ్బందులు ఎదుర్కొంటున్నారు. సదరు ఐఏఎస్ అధికారిపై నెటిజన్లు సీరియస్ అవుతున్నారు.

కొన్ని రోజులుగా త్యాగరాజ్ స్టేడియంలోని అథ్లెట్లు, కోచ్‌లు సాధారణ సమయం కన్నా ముందుగానే అంటే సాయంత్రం 7 గంటలలోపు వారి శిక్షణ ముగించేలా ఒత్తిడి తెస్తున్నారు. దీని కార‌ణంగా అథ్లెట్లు , ఇత‌ర క్రీడాకారులు శిక్ష‌ణ‌పై ప్ర‌భావం ప‌డుతుందని కోచ్‌లు, క్రీడాకారులు చెబుతున్నారు. ప్ర‌తిరోజు సాయంత్రం 7 గంట‌ల త‌ర్వాత సంజీవ్ ఖిర్వార్ తన కుక్కతో అక్క‌డికి వాకింగ్ వ‌స్తారు. 

త్యాగరాజ్ స్టేడియం 2010 కామన్వెల్త్ గేమ్స్ కోసం నిర్మించారు. ఈ స్పోర్ట్స్ కాంప్లెక్స్‌లో జాతీయ, రాష్ట్ర స్థాయి క్రీడాకారులతో పాటు ఫుట్‌బాల్ క్రీడాకారుల‌కు శిక్ష‌ణ ఇస్తారు. 

ఖండించిన ఖిర్వార్

ఈ ఆరోపణలపై స్పందించిన ఐఏఎస్ అధికారి ఖిర్వార్.. తాను ఒక క్రీడాకారుడ్ని కూడా స్టేడియం వదిలి వెళ్ళమని ఎప్పుడూ చెప్పలేదన్నారు.

" స్టేడియం మూసేసిన తర్వాత నేను బయలుదేరుతాను. మేం కుక్కను ట్రాక్‌పై వదిలిపెట్టం. చుట్టూ ఎవరూ లేనప్పుడు మాత్రమే దానిని విడిచిపెట్టాం. అందులో అభ్యంతరకరం ఏదైనా ఉంటే ఆపేస్తాను.                                                       "

-సంజీవ్ ఖిర్వార్, ఐఏఎస్

కేజ్రీవాల్ స్పందన  

Our sportsmen are facing problems due to the closure of sports facilities at 6pm, so we have directed that all Delhi Govt sports facilities will stay open for sportspersons till 10pm: Delhi CM Arvind Kejriwal pic.twitter.com/pzqXAHkScX

— ANI (@ANI) May 26, 2022

ఈ విష‌యం ప్ర‌భుత్వ దృష్టికి రావ‌డంతో దిల్లీ సీఎం అరవింద్ కేజ్రీవాల్ చర్యలు చేపట్టారు. త్యాగరాజ్ స్టేడియం మూసివేత‌కు సంబంధించిన విష‌యం త‌మ దృష్టికి వ‌చ్చిందన్నారు. త్యాగరాజ్ స్టేడియంతో పాటు దిల్లీలోని అన్ని ప్రభుత్వ స్టేడియంలను రాత్రి 10 గంట‌ల వ‌ర‌కు క్రీడాకారుల‌కు, అథ్లెట్ల‌కు అందుబాటులో ఉంచాల‌ని సీఎం కేజ్రీవాల్ ఆదేశించారు.