Hyderabad Bullet Train : బెంగళూరుకు బుల్లెట్ ట్రైన్.. హైదరాబాద్ వాసులకు మరో గుడ్ న్యూస్! కానీ ఎప్పటికి పూర్తయ్యేనో..?

గతంలో హైదరాబాద్ - ముంబై మధ్య బుల్లెట్ ట్రైన్‌కు డీపీఆర్ రెడీ చేస్తున్న రైల్వే శాఖ ఇప్పుడు హైదరాబాద్ - బెంగళూరు మధ్య కూడా మరో బుల్లెట్ రైలుకు ప్రతిపాదన చేసింది.

హైదరాబాద్ - బెంగళూరు మధ్య కూడా బుల్లెట్ ట్రైన్ ప్రతిపాదన

బుల్లెట్ ట్రైన్‌ల కారిడార్‌లను రైల్వేశాఖ  పెంచింది.  తాజాగా హైదరాబాద్ - బెంగళూరు మధ్య కూడా బుల్లెట్ ట్రైన్ ను నడపాలని నిర్ణయించుకుంది.  గతంలో ప్రతిపాదించిన వాటిలో హైదరాబాద్ నుంచి ముంబైకి బుల్లెట్ ట్రైన్ ఉంది. ఇప్పుడు ఇది రెండో లైన్ అనుకోవాలి. ఇప్పటికే మొత్తం 8 కారిడార్లలో బుల్లెట్ ట్రైన్ ప్రతిపాదించారు. ఒక్క ముంబై - అహ్మబాబాద్‌ రూట్‌లో 508 కిలోమీటర్ల నిడివితో బుల్లెట్‌ రైలు మార్గం నిర్మాణ పనులు మాత్రంసాగుతున్నాయి. అదీ కూడా నత్త నడకన సాగుతున్నాయి.  దీని కోసం ముంబై అహ్మదాబాద్‌ హైస్పీడ్‌ రైల్‌ పేరుతో ప్రత్యేక మిషన్‌ ఏర్పాటు చేశారు. 

మరోవైపు ముంబై - హైదరాబాద్‌ బుల్లెట్‌ రైలు మార్గానికి సంబంధించి డీపీఆర్ తుది దశలో ఉంది. వీటితో పాటు  బెంగళూరు - హైదరాబాద్‌  , నాగ్‌పూర్‌ - వారణాసి  , పట్నా - గౌహతి , అమృత్‌సర్‌ - పఠాన్‌కోట్‌ - జమ్ము ల్లో కొత్తగా  నేషనల్‌ రైల్‌ ప్లాన్‌ 2022లో బుల్లెట్ చ్రైన్ ప్రణాళికలు చేర్చారు .    బుల్లెట్‌ ట్రైన్‌ కలిగిన దేశాల సరసన ఇండియాను నిలపపాలని కేంద్రం ప్రయత్నిస్తోంది. ఇందు కోసం జపాన్ సాయంచేస్తోంది. దాదాపుగా ఆరేళ్ల క్రితం నిర్మాణ పనులు ప్రారంభించిన అహ్మదాబాద్ - ముంబై బుల్లెట్ ట్రైన్ ఇంకా భూసేకరణ సమస్యలు ఎదుర్కొంటోంది. అవన్నీ పూర్తి చేసుకుని నిర్మాణం కావాలి., నిధులు కూడా పెద్ద సమస్య. 

ముంబై - అహ్మదాబాద్ బుల్లెట్ ట్రైన్ ప్రాజెక్టుకు రూ. లక్ష కోట్లను జపాన్ లోన్‌గా ఇస్తోంది. మిగతా ప్రాజెక్టులకు నిధుల సమీకరణ గురించి ఇంకా ఆలోచించలేదు. అన్నీ పూర్తి చేసుకుని నిర్మాణం పూర్తవ్వాలంటే ఓ తరం మారుతుందని అంచనా వేస్తున్నారు . మరో రెండు దశాబ్దాల తర్వాతే బుల్లెట్ ట్రైన్ అందుబాటులోకి వస్తుందని నిపుణులు అంచనా వేస్తున్నారు. అదే నిజమైతే.. అత్యంత వేగవంతమైన బుల్లెట్ ట్రైన్ వ్యవస్థను అత్యంత ఆలస్యంగా ఏర్పాటు చేసుకున్నదేశంగా భారత్ మిగిలిపోతుందన్న సెటైర్లు కూడా ఉన్నాయి. ఇక హైదరాబాద్ నుంచి ప్రతిపాదన బుల్లెట్ ట్రైన్లు ముంబై- బెంగళూరుకు వెళ్లేలా ప్రయాణించాలంటే ...  దశాబ్దాలు పట్టడం ఖాయమని అనుకోవచ్చు. ఇప్పటికైతే... ప్రతిపాదనలు ఉన్నాయని సంతోషపడటమే.  

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి