Royal Enfield Classic 350ని కేవలం 4600 EMIతో పొందండి... పూర్తి లెక్కలు చూశారా
Classic 350 on EMI: మీరు రాయల్ ఎన్ఫీల్డ్ క్లాసిక్ 350 బైక్ను కొనుగోలు చేయాలనుకుంటే, ఫైనాన్సింగ్ లేదా EMIల ద్వారా కూడా కొనుగోలు చేయవచ్చు. రూ.10 వేలు డౌన్ పేమెంట్ చెల్లించాలి.
భారత ఆటో మార్కెట్లో అత్యంత ప్రజాదరణ పొందిన బైక్లలో రాయల్ ఎన్ఫీల్డ్ క్లాసిక్ 350 ఒకటి. ముఖ్యంగా యువతలో ఈ బైకులపై ఒక ప్రత్యేకమైన క్రేజ్ ఉంది. ఎవరైనా రోజూ ఆఫీసుకి వెళ్లి రావడానికి ఒక స్టైలిష్ బైక్ కొనాలనుకుంటే, క్లాసిక్ 350 ఒక మంచి ఆప్షన్ అని చెప్పవచ్చు. 350cc సెగ్మెంట్లో రాయల్ ఎన్ఫీల్డ్ కంపెనీ నుండి అత్యధికంగా అమ్ముడవుతున్న బైక్లలో ఇది ఒకటి. ఈ బైకుకు డిమాండ్ క్రమంగా పెరుగుతూనే ఉంది.
ఒకవేళ మీరు రాయల్ ఎన్ఫీల్డ్ క్లాసిక్ 350 బైక్ను కొనాలనుకుంటే, పూర్తి పేమెంట్ చెల్లించి కొనాల్సిన అవసరం లేదు. ఈ బైక్ను ఫైనాన్స్ లేదా EMI ద్వారా కూడా కొనుగోలు చేసే అవకాశం ఉంది. తద్వారా మీరు ప్రతి నెలా నిర్ణీత EMIని చెల్లించాలి. భారత మార్కెట్లో ఇందులో 5 రకాల వేరియంట్లు అందుబాటులో ఉన్నాయి. ఈ క్లాసిక్ 350 బైక్లో అతి తక్కువ ధర కలిగిన వేరియంట్ రెడ్డిచ్ (Redditch). హైదరాబాద్లో దీని ఆన్-రోడ్ ధర సుమారు రూ. 2,34,203 (2 లక్షల 34 వేలు) వరకు ఉంటుంది. వివిధ రాష్ట్రాల్లో పన్నులు, ఇతర ఛార్జీల కారణంగా దీని ధరలో స్వల్ప మార్పులు ఉండవచ్చు.
ప్రతి నెలా ఎంత EMI చెల్లించాలి?
ఒకవేళ మీరు ఈ బైక్ను కొనుగోలు చేయడానికి రూ. 10 వేలు డౌన్ పేమెంట్ రూపంలో చెల్లిస్తే, సుమారు 9 శాతం వార్షిక వడ్డీ రేటుతో మీకు బైక్ లోన్ లభిస్తుంది. దీనితో పాటు, ఎవరైనా కస్టమర్ 3 సంవత్సరాల కాలపరిమితితో లోన్ తీసుకుంటే, వారు ప్రతి నెలా సుమారు రూ.7,130 EMI చెల్లించాల్సి ఉంటుంది. ఒకవేళ 2 సంవత్సరాల కాలపరిమితితో బైక్ లోన్ తీసుకుంటే నెలవారీ EMI సుమారు రూ. 10,243 వరకు ఉంటుంది.
మీరు ఈ లోన్ను 4 ఏళ్ల కాలపరిమితికి తీసుకుంటే ప్రతి నెలా రూ. 5,579 చెల్లించాలి. 5 ఏళ్ల కాలపరిమితికి లోన్ తీసుకుంటే EMI సుమారు రూ. 4,654 వరకు ఉండవచ్చు. అయితే, వేర్వేరు బ్యాంకుల వడ్డీ రేట్లు, లోన్ నిబంధనల కారణంగా EMIలో హెచ్చుతగ్గులు ఉంటాయని తెలిసిందే. అందుకే లోన్ తీసుకునే ముందు బ్యాంక్ రూల్స్, అన్ని డాక్యుమెంట్స్ జాగ్రత్తగా చదవడం ముఖ్యం.
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
