Old Age Viral Love Story: భార్య మెడికల్ బిల్లు కోసం 78 ఏళ్ల వయసులో ఫుడ్ డెలివరీ - రూ.4 కోట్ల సాయం చేసిన ప్రజలు

Love Story: మానవత్వం ఇంకా బ్రతికే ఉందని ఈ పెద్దాయనకు అందిన సాంయ చాటిచెబుతోంది. 78 ఏళ్ల వయస్సులో తన ప్రాణసమానమైన భార్య కోసం పడుతున్న తపన ప్రపంచవ్యాప్తంగా లక్షలాది మంది హృదయాలను కదిలించింది.

భార్య మెడికల్ బిల్లు కోసం 78 ఏళ్ల వయసులో ఫుడ్ డెలివరీ - రూ.4 కోట్ల సాయం చేసిన ప్రజలు - ఈ లవ్ స్టోరీ బాగుంటుంది!

Source : x

78 year old US man goes viral for delivering food : అమెరికాలోని టెన్నిస్సీకి చెందిన  రిచర్డ్ పుల్లీ వయసు  78 ఏళ్లు.  ఈ వయస్సులోనూ డోర్ డ్యాష్   డెలివరీ బాయ్‌గా పనిచేస్తున్నాడు. ఇటీవల ఒక ఇంటికి స్టార్‌బక్స్ ఆర్డర్‌ను డెలివరీ చేయడానికి వెళ్లిన రిచర్డ్, వణుకుతున్న చేతులతో, ఎంతో జాగ్రత్తగా మెట్లు ఎక్కుతూ ఆహారాన్ని గుమ్మం వద్ద ఉంచాడు. ఆ దృశ్యం అక్కడి రింగ్ కెమెరా లో నిక్షిప్తమైంది. ఆ వీడియోను చూసిన సదరు ఇంటి యజమాని బ్రిటానీ స్మిత్, అంత వయసున్న వ్యక్తి ఈ పని ఎందుకు చేస్తున్నాడా అని ఆరా తీయడంతో అసలు విషయం బయటపడింది.

 భార్య కోసం  పోరాటం 

రిచర్డ్ నిజానికి ఎప్పుడో రిటైర్ అయ్యాడు. కానీ, ఆయన భార్య బ్రెండా అనారోగ్యం పాలవ్వడం, ఆమెకు ఉద్యోగం పోవడంతో వారి ఆర్థిక పరిస్థితి తలకిందులైంది. పెరిగిన వైద్య ఖర్చులు, మందుల బిల్లులు కట్టలేక ఆ వృద్ధ దంపతులు తీవ్ర ఇబ్బందుల్లో పడ్డారు. తన భార్యను కాపాడుకోవడానికి, మందులు కొనడానికి రిచర్డ్ తిరిగి పనిలోకి చేరాడు. బ్రెండా కారు నడుపుతుంటే, రిచర్డ్ ఇంటింటికీ తిరిగి పార్సెల్స్ ఇచ్చేవాడు. నేను పని చేయాలని కోరుకోవడం లేదు, కానీ తప్పనిసరి పరిస్థితుల్లో చేస్తున్నాను అని ఆయన చెప్పిన మాటలు కన్నీళ్లు తెప్పించాయి.

 వెల్లివిరిసిన మానవత్వం: 

రిచర్డ్ పరిస్థితిని వివరిస్తూ బ్రిటానీ సోషల్ మీడియాలో పోస్ట్ చేయడంతో అది క్షణాల్లో వైరల్ అయింది. కేవలం 20 వేల డాలర్లు సాయం చేయాలని కోరుతూ ప్రారంభించిన గో ఫండ్ మీ పేజీకి అనూహ్య స్పందన లభించింది. వేలాది మంది అపరిచితులు రిచర్డ్ కష్టాన్ని చూసి చలించిపోయారు. కేవలం కొద్ది రోజుల్లోనే ఏకంగా 5 లక్షల డాలర్లు అంటే సుమారు 4 కోట్ల రూపాయలకు పైగా విరాళాల రూపంలో వచ్చి చేరాయి. రిచర్డ్ పడుతున్న కష్టానికి ఈ మొత్తం ఒక పెద్ద భరోసాగా మారింది.  

🚨BREAKING UPDATE: Brittany Smith, who started a GoFundMe for her elderly DoorDash driver Richard Pulley, met with Richard and his wife after the fundraiser took off in a big way.

Richard had been forced out of retirement and back to delivering food just to help cover mounting… https://t.co/5jkKHAIb71 pic.twitter.com/s0VGRJFz3w

— I Meme Therefore I Am 🇺🇸 (@ImMeme0) March 13, 2026

 నిజమైన  వాలెంటైన్  రిచర్డ్ 

56 ఏళ్ల వైవాహిక బంధంలో తన భార్యపై ఉన్న ప్రేమను రిచర్డ్ తన కష్టంతో నిరూపించుకున్నాడు. విరాళాల విషయం తెలిసిన రిచర్డ్ దంపతులు ఆనందంతో ఉప్పొంగిపోయారు. మాకు తెలియని వ్యక్తులు కూడా ఇంత గొప్ప మనసుతో సాయం చేస్తారని ఊహించలేదు.. ఇప్పుడు మాకు ఒత్తిడి తగ్గింది, ప్రశాంతంగా జీవించగలం  అని వారు కృతజ్ఞతలు తెలిపారు. ఈ సంఘటన ద్వారా టెక్నాలజీ కేవలం సమాచారానికే కాదు, ఒక నిరుపేద కుటుంబం జీవితాన్ని మార్చే అద్భుతమైన సాధనమని మరోసారి రుజువైంది.                         

మరిన్ని చదవండి

దాడుల్ని మరింత ఉద్ధృతం చేస్తున్న ఇరాన్ - అమెరికా కూడా తగ్గట్లేదు - ఏం జరగబోతోంది?

50,000 జీతంతో Land Rover Defender కారు మెయింటైన్ చేయవచ్చా? దాని మైలేజ్ ఎంత