Goa Election 2022: జూనియర్ పారికర్‌కు భాజపా షాక్.. కేజ్రీవాల్ ఓపెన్ ఆఫర్

గోవా మాజీ ముఖ్యమంత్రి మనోహర్ పారికర్ కుమారుడు.. ఉత్పల్ పారికర్‌కు భాజపా షాకిచ్చింది. గోవా అసెంబ్లీ ఎన్నికల్లో పోటీ చేసే తమ అభ్యర్థుల జాబితాలో ఉత్పల్‌ పేరు లేదు.

ఉత్పల్ పారికర్‌కు భాజపా షాక్

దివంగత ముఖ్యమంత్రి మనోహర్ పారికర్ కుమారుడికి దిల్లీ సీఎం, ఆమ్‌ఆద్మీ అధినేత కేజ్రీవాల్ ఆఫర్ ఇచ్చారు. తమ పార్టీ తరఫున ఎన్నికల బరిలో నిలవాలని ఉత్పల్ పారికర్‌ను కోరారు.

గోవా అసెంబ్లీ ఎన్నికల్లో తన తండ్రి పోటీ చేసిన పనాజీ స్థానం టికెట్‌ ఇవ్వాలని ఉత్పల్ కోరగా భాజపా నిరాకరించింది. గురువారం మొత్తం 40 సీట్లకు గాను 34 మంది అభ్యర్థుల పేర్లను ప్రకటించిన భాజపా.. ఉత్పల్​కు టికెట్​ ఇవ్వలేదు. దీంతో కేజ్రీవాల్.. ఉత్పల్‌ను తమ పార్టీలో చేరాలని ట్వీట్ చేశారు.

Goans feel v sad that BJP has adopted use and throw policy even with Parrikar family. I have always respected Manohar Parrikar ji. Utpal ji is welcome to join and fight elections on AAP ticket. https://t.co/MBY8tMkPP7

— Arvind Kejriwal (@ArvindKejriwal) January 20, 2022

" పారికర్​ కుటుంబంతో కూడా భాజపా 'యూజ్​​ అండ్​ త్రో' పాలసీని అవలంబించటంపై గోవా ప్రజలు బాధపడుతున్నారు. మనోహర్​ పారికర్​ను నేను గౌరవిస్తూనే ఉంటాను. మా పార్టీలో చేరాలని ఉత్పల్​కు స్వాగతం పలుకుతున్నాం. ఆప్​ టికెట్​పై పోటీ చేయాలని కోరుతున్నాం.                                                   "

-అరవింద్ కేజ్రీవాల్, దిల్లీ సీఎం

శివసేన మద్దతు..

పనాజీలో స్వతంత్ర అభ్యర్థిగా ఉత్పల్ పారికర్ పోటీ చేస్తే మద్దతు ఇస్తామని శివసేన ఇటీవల పేర్కొంది. అయితే, స్వతంత్ర అభ్యర్థిగా పోటీ చేయటంపై ఇప్పటి వరకు ఉత్పల్ పారికర్ స్పందించలేదు.

రెండో జాబితాలో..

ఇంకా భాజపా ఆరు సీట్లకు అభ్యర్థులను ఖరారు చేయలేదు. మిగిలిన స్థానాల్లో ఉత్పల్‌ పారికర్​కు పోటీ చేసే అవకాశం భాజపా ఇవ్వొచ్చు. కానీ తన తండ్రి పోటీ చేసిన పనాజీ స్థానంలోనే బరిలోకి దిగాలని ఉత్పల్ భావిస్తే.. కేజ్రీవాల్ ఆఫర్ స్వీకరిస్తారో లేక స్వతంత్ర అభ్యర్థిగా బరిలోకి దిగగుతారో చూడాలి.

గోవా అసెంబ్లీ ఎన్నికలు ఫిబ్రవరి 14న జరగనున్నాయి. మార్చి 10న ఫలితాలు వెలువడతాయి.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి