DMK MLA: చినరాయుడు సినిమా సీన్ రిపీట్ - ఆ డీఎంకే ఎమ్మెల్యేకు రూ. పది కోట్ల చదివింపులు!

చదివింపుల విందుతో రూ. పది కోట్ల విరాళాలు అందుకున్నారు డీఎంకే ఎమ్మెల్యే అశోక్ కుమార్. తమిళనాడులో ఇలాంటి విందులు సంప్రదాయం.

చదివింపుల విందుతో రూ. పది కోట్ల విరాళాలు

 
DMK MLA:  వెంకటేష్, విజయశాంతి నటించిన చినరాయుడు సినిమా చూశారా? సూపర్ హిట్ సినిమాల్లో టీవీల్లో..యూట్యూబ్‌లోనూ ఎక్కడో చోట కనిపిస్తూనే ఉంటుంది.ఈ సినిమాలో విజయశాంతి ఓ చోట డబ్బులు అవసరమైతే చదివింపుల విందు ఏర్పాటు చేస్తుంది. భోజనానికి వచ్చిన వాళ్లంతా తిన్న తర్వాత విస్తరాకుల కింద తమ కు తోచినంత  పెట్టి వెళ్తూ ఉంటారు. ఈ సీన్ అప్పట్లో చాలా ఆసక్తి రేకెత్తించింది. నిజానికి ఇలా చదవింపుల విందు పెట్టడం తమిళనాడులో ఓ సంప్రదాయం. ఆ సినిమా తమిళ్ సినిమాకు రీమేక్ కాబట్టి.. ఆ సీన్‌ను అలానే ఉంచేశారు తెలుగులో కూడా. అయితే దశాబ్దాలు గడుతున్నా ఆ సంప్రదాయం తమిళనాడులో ఇంకా కొనసాగుతోంది. తాజాగా ఓ డీఎంకే ఎమ్మెల్యేగా ఇలానే ఏర్పాటు చేసిన చదివింపుల విందు హైలెట్ అవుతోంది. 

పేరావూరణి ఎమ్మెల్యే  చదివిందుల విందు భోజనం

పేరావూరణి నియోజకవర్గ డీఎంకే ఎమ్మెల్యే అశోక్‌కుమార్‌ మనవడి చెవులు కుట్టే వేడుక, చదివింపుల విందు ఒకేసారి నిర్వహించారు. వేడుకలో మాంసాహారులకు, శాకాహారులకు ప్రత్యేక విందు ఏర్పాటు చేశారు. చదివింపుల సమర్పించే వారి కోసం 40 కౌంటర్లు ఏర్పాటు చేసి వసూలు చేశారు.  వేడుకలో రూ.10 కోట్ల చదివింపులు వచ్చాయి.

తంజావూర్‌, పుదుకోట్టై తదితర జిల్లాల్లో చదివింపుల విందు వేడుక వందేళ్లుగా నిర్వహిస్తున్నారు. తమ ఆర్థిఖ స్థోమత బట్టి విందు ఏర్పాటుచేస్తారు. విందుకు వచ్చిన వారు చదివించిన నగదుతో తమ జీవనాన్ని మెరుగుపరుచుకుంటారు. సాయం కోసం ఎవరి దగ్గర చేయి చాచకుండా కష్టంలో ఉండే బంధువులకు చేయూతనిచ్చేందుకు ఈ ఆచారాన్ని ప్రారంభించారు. ఒకసారి చదివింపుల విందు నిర్వహిస్తే మళ్లీ ఐదేళ్ల తర్వాతనే ఏర్పాటు చేయాలన్న నిబంధన ఉంది.  

చదివింపుల విందు నిర్వహించడం తమిళనాడులో సంప్రదాయం

ఇలా నిధులు సమీకరించుకోవడాన్ని ఎవరూ తక్కువగా చూడరు. అదో సంప్రదాయం కూడా. దశాబ్దాల నుంచి ఉందని పలువురు సోషల్ మీడియాలో చెబుతున్నారు. 

1500 கிலோ ஆட்டுக்கறி...! 10 கோடி வசூல்...! - மொய் விருந்தில் அள்ளிய திமுக எம்.எல்.ஏ https://t.co/wupaoCQKa2 | #peravurani #dmknews #moivirundhu #thanjavur pic.twitter.com/PKeyiTzHy4

— ABP Nadu (@abpnadu) August 25, 2022

అయితే అధికార పార్టీ ఎమ్మెల్యే కావడంతోనే ఇంత భారీగా చదివింపులు వచ్చాయన్న వాదన కూడా ఉంది. అయితే ఇలాంటి విందులపై విపక్షాలు కూడా పెద్దగా విమర్శలు చేయరు.  మరికొంత మంది కూడా ఇలాంటి విందులు ఏర్పాటు చేస్తూ ఉంటారు. కానీ వారికి పెద్దగా  ప్రచారం లభించదు. కానీ డీఎంకే ఎమ్మెల్యేకు చదివింపులు ఎక్కువగా రావడంతో  మీడియా.. సోషల్ మీడియాలో హైలెట్ అయింది.