Bitcoin Currency India: 'బిట్‌కాయిన్‌ను గుర్తించే ఆలోచన లేదు'.. క్రిప్టోకరెన్సీపై కేంద్రం స్పష్టత

క్రిప్టోకరెన్సీపై అనేక సందేహాలు నెలకొన్న వేళ కేంద్ర స్పష్టతనిచ్చింది. బిట్‌కాయిన్‌ను కరెన్సీగా గుర్తించే ప్రతిపాదన ఏదీ ప్రభుత్వం వద్ద లేదని తేల్చిచెప్పింది.

క్రిప్టోకరెన్సీపై కేంద్రం స్పష్టత

క్రిప్టోకరెన్సీపై కేంద్ర ప్రభుత్వం ఓ స్పష్టత ఇచ్చింది. బిట్‌కాయిన్‌ను కరెన్సీగా గుర్తించే ప్రతిపాదన ప్రభుత్వం వద్ద లేదని కేంద్ర ఆర్థిక మంత్రి నిర్మలా సీతారామన్ పార్లమెంటులో ప్రకటించారు. సభ్యులు అడిగిన ప్రశ్నకు సమాధానంగా ఆమె ఈ మేరకు తెలిపారు.

Govt of India does not collect data on Bitcoin transactions. No proposal to recognise Bitcoin as a currency in the country: Ministry of Finance in a written reply in Lok Sabha

— ANI (@ANI) November 29, 2021

డేటా సేకరించడం లేదు..

బిట్‌కాయిన్ లావాదేవీలపై తమ ప్రభుత్వం ఎలాంటి సమాచారం సేకరించడం లేదని సీతారామన్ అన్నారు. దీన్ని కరెన్సీగా గుర్తిస్తారా అన్న ప్రశ్నకు 'లేదు' అని సీతారామన్ సమాధానమిచ్చారు.

బిట్‌కాయిన్ అంటే..

బిట్​కాయిన్ అనేది తొలి క్రిప్టోకరెన్సీ పేరు. 2008లో దీన్ని రూపొందించారు. ఈ కరెన్సీ భౌతిక రూపంలో ఉండదు. ప్రతిదీ డిజిటల్​గానే జరుగుతుంది. బ్లాక్​చైన్ సాంకేతికతపై బిట్​కాయిన్ విలువ ఆధారపడి ఉంటుంది. ఇండియాలో బిట్​కాయిన్​లపై పెట్టుబడులు పెట్టడం చట్టబద్ధమే. బిట్​కాయిన్ ట్రేడింగ్​పై భారత్​లో నిషేధం లేదు. కానీ క్రిప్టోకరెన్సీని నియంత్రించేందుకు ఎలాంటి కేంద్ర ప్రభుత్వ సంస్థ లేదు. ఎలాంటి నిబంధనలు, మార్గదర్శకాలు లేవు కాబట్టి ఏదైనా వివాదాలు తలెత్తితే.. ప్రభుత్వం నుంచి సహాయం లభించదు.

క్రిప్టో బిల్లు..

ఈ పార్లమెంట్ శీతాకాల సమావేశాల్లో క్రిప్టో కరెన్సీ బిల్లును ప్రవేశపెట్టనుంది ప్రభుత్వం. 'ది క్రిప్టోకరెన్సీ, రెగ్యులేషన్ ఆఫ్ అఫీషియల్ డిజిటల్ కరెన్సీ బిల్లు 2021'ను తీసుకురానునుంది.

ఆర్‌బీఐ జారీ చేసే అధికారిక డిజిటల్ కరెన్సీ విధివిధానాలను ఈ బిల్లు ద్వారా జారీ చేయనున్నారు. అలాగే దేశంలోని ప్రైవేట్ క్రిప్టోకరెన్సీలను నిషేధించనున్నారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి