CM Jagan: వైఎస్సార్ సున్నా వడ్డీ నిధుల విడుదల - చంద్రబాబుకు సెక్యూరిటీ ఎందుకని జగన్ ప్రశ్న
CM Jagan: రాష్ట్రంలోని కోటి 5 లక్షల మంది అక్కచెల్లమ్మలకు వైఎస్సార్ సున్నా వడ్డీ పథకం ద్వారా లబ్ధి చేకూర్చామని సీఎం జగన్ వెల్లడించారు. చంద్రబాబు, పవన్ కల్యాణ్ పై తీవ్ర స్థఆయిలో విమర్శలు చేశారు.
CM Jagan: దేవుడి దయ వల్ల ఈరోజు మహిళలకు మంచి చేసే వైఎస్సార్ సున్నా వడ్డీ నిధుల విడుదల కార్యక్రమాన్ని జరుపుకుంటున్నామని ఏపీ సీఎం జగన్ తెలిపారు. డాక్టర్ బీఆర్ అంబేడ్కర్ కోనసీమ జిల్లా అమలాపురంలో బటన్ నొక్కి మరీ నిధులు విడుదల చేశారు. రాష్ట్రవ్యాప్తంగా అర్హత గల 9.48 లక్షల స్వయం సహాయక సంఘాల్లోని అక్కచెల్లెమ్మలు బ్యాంకులకు చెల్లించిన వడ్డీ రూ.1,353.76 కోట్లను వారి ఖాతాల్లో జమ చేశారు. నాలుగో విడదల నిధుల విడుదల కార్యక్రమంలో భాగంగా సీఎం జగన్ మాట్లాడారు. అక్కచెల్లెమ్మల సాధికారిత కోసం అడుగులు వేశామన్నారు. కోటి 5 లక్షల మంది మహిళలకు ఈ పథకం ద్వారా లబ్ధి కల్గుతుందన్నారు. గత ప్రభుత్వంలో అక్క, చెల్లమ్మలను మోసం చేశారని.. 14 వేల కోట్లకు పైగా బకాయిలు పెట్టారని అన్నారు. గత సర్కారు బకాయిలు పెట్టి డబ్బును తాము చెల్లించామని చెప్పారు. చంద్రబాబు వల్ల అనేక మంది అమాయకలు మోసపోయారని ఆరోపించారు.
వైసీపీ ప్రభుత్వం అందిస్తున్న సంక్షేమ పథకాలతో ప్రతిపక్షాలకు దిక్కు తోచడం లేదని.. వారి మైండ్ లో ఫ్యూజులు ఎగిరిపోయాయంటూ సీఎం జగన్ వ్యాఖ్యానించారు 2016లో చంద్రబాబు సున్నా వడ్డీ పథకాన్ని రద్దు చేశారని గుర్తు చేశారు. చంద్రబాబు మోసానికి ఏ, బీ గ్రేడ్ సంఘాలన్నీ సీ, డీ గ్రేడ్ కు దిగజారాయన్నారు. ఇంత మంచి పథకాలను గత ప్రభుత్వలా హయాంలో అసలు చూసైనా ఉండరని చెప్పుకొచ్చారు. చంద్రబాబు అధికారంలో ఉన్నప్పుడు సామాజిక న్యాయం ఉందని అని ప్రశ్నించారు. మీ బిడ్డల భవిష్యత్ గురించి ఏనాడైనా ఆలోచించారా అని అడిగారు. అలాగే పేద పిల్లలకు ఇంగ్లీషు మీడియం బడులు పెడితే అడ్డుకోవాలని చూశారని, పేదలకు ఇళ్లు కట్టిస్తుంటే కూడా అడ్డుకున్న చరిత్ర చంద్రబాబుది అంటూ ఆగ్రహం వ్యక్తం చేశారు. చంద్రబాబు పేరు చెబితే ఆయన చేసిన మోసాలు, వెన్నుపోటులే గుర్తొస్తాయి తప్పితే.. ఒక్క పథకం కూడా గుర్తుకు రాదని చెప్పారు. బాబు కోసం ఆయన దత్తపుత్రుడు పరుగులు పెడుతున్నాడని విమర్శించారు.
చంద్రబాబు గనుక మరోసారి సీఎం అయితే ప్రజలకు ఏమాత్రం మంచి జరగదని సీఎం జగన్ తెలిపారు. చంద్రబాబు తనకు గిట్టని వారి అంతు చూస్తారని, అందుకే ఆయనకు అధికారం ఇవ్వాలని కోరుతున్నారంటూ విమర్శించారు. చంద్రబాబు దళితులను చీల్చి వారికి నరకం చూపించారన్నారు. మైనార్టీల ఓటు బ్యాంకు కోసం వారికి నరకం చూపిస్తున్నారంటూ వ్యాఖ్యానించారు. ఎస్టీలకు చంద్రబాబు ఒక్క ఎకరం కూడా ఇవ్వలేదని, బీసీల తోకలు కత్తిరిస్తానని చంద్రబాబు బెదిరించారన్నారు. అలాగే మొన్నటి పుంగనూరు ఘటన గురించి తెలిసి తాను చాలా బాధ పడినట్లు వెల్లడించారు. ఇలాంటి రాక్షసులకు ఎందుకు సెక్యూరిటీ ఇవ్వాలనిపించిందని చెప్పారు. ఒక రూట్ లో పర్మిషన్ తీసుకొని ఇంకో రూట్ లో వెళ్లాల్సిన అవసరం ఏంటని సీఎం జగన్ ప్రశ్నించారు. 47 మంది పోలీసులకు గాయాలు అయ్యేలా చేశారని.. ఓ పోలీసు అయితే కన్నే పోగొట్టుకున్నారని ఆవేదన వ్యక్తం చేశారు. శవ రాజకీయాలకు సైతం చంద్రబాబు వెనుకాడడం లేదని రాబోయే రోజుల్లో నీచ రాజకీయాలు ఎక్కువ చేస్తారని ఆరోపించారు. మీ జీవితాలు, మీ బిడ్డల జీవితాలు ఏమాత్రం బాగుండాలనుకున్న చంద్రబాబుకు ఓటు వేయొద్దని వివరించారు.
పేద అక్కచెల్లెమ్మలకు సాధికార కల్పిస్తూ, వారు చేస్తున్న వ్యాపారాలకు చేయూతనిచ్చేలా సున్నా వడ్డీకే రుణాలు అందించి, వారి జీవన ప్రమాణాలు మెరుగుపరుస్తోంది సీఎం వైయస్ జగన్ ప్రభుత్వం.
— YSR Congress Party (@YSRCParty) August 11, 2023
రాష్ట్రవ్యాప్తంగా అర్హత గల 9.48 లక్షల స్వయం సహాయక సంఘాల్లోని అక్కచెల్లెమ్మలు బ్యాంకులకు చెల్లించిన వడ్డీ… pic.twitter.com/QhKOg3Yzin
పేద అక్కచెల్లెమ్మలకు సాధికార కల్పిస్తూ, వారు చేస్తున్న వ్యాపారాలకు చేయూతనిచ్చేలా సున్నా వడ్డీకే రుణాలు అందించి, వారి జీవన ప్రమాణాలు తమ సర్కారు మెరుగు పరుస్తుందని చెప్పుకొచ్చారు. అమలాపురం చేరుకున్న సీఎం జగన్.. వైఎస్ఆర్ సున్నా వడ్డీ జమ కార్యక్రమంలో భాగంగా ఏర్పాటు చేసిన స్టాల్స్‌ను పరిశీలించారు అనంతరం సున్నావడ్డీ పథకం లబ్ధిదారులతో కలిసి ఫొటో దిగారు.
అమలాపురంలో వైఎస్ఆర్ సున్నా వడ్డీ జమ కార్యక్రమంలో భాగంగా ఏర్పాటు చేసిన స్టాల్స్‌ను పరిశీలించి, సున్నావడ్డీ పథకం లబ్ధిదారులతో గ్రూప్‌ ఫోటో దిగిన సీఎం. pic.twitter.com/oah9NVJAbz
— YSR Congress Party (@YSRCParty) August 11, 2023
అమలాపురంలో వైఎస్ఆర్ సున్నా వడ్డీ కార్యక్రమానికి హాజరవుతున్న సీఎం శ్రీ వైయస్.జగన్‌కు దారిపొడవునా అపూర్వ స్వాగతం పలికిన మహిళలు. #YSRSunnaVaddi #YSJaganEmpowersWomen pic.twitter.com/eeYwUPQh4k
— YSR Congress Party (@YSRCParty) August 11, 2023
నాలుగో విడత వైయస్ఆర్ సున్నా వడ్డీ పథకం కింద పొదుపు సంఘాల మహిళల ఖాతాల్లో వడ్డీ డబ్బును జమ చేసేందుకు డా.బీ.ఆర్ అంబేద్కర్ కోనసీమ జిల్లా అమలాపురం మండలం జనుపల్లికు వస్తున్న సీఎం వైయస్ జగన్‌కు ఘనస్వాగతం పలికిన జిల్లా వాసులు, వైయస్ఆర్‌సీపీ కార్యకర్తలు#YSRSunnaVaddi… pic.twitter.com/YnSoEih3TU
— YSR Congress Party (@YSRCParty) August 11, 2023
టాప్ హెడ్ లైన్స్
ట్రెండింగ్ వార్తలు
