Aditya-L1 Mission: రెండోసారి ఆదిత్య ఎల్1 కక్ష్య పెంపు - వెల్లడించిన ఇస్రో

Aditya-L1 Mission: రెండోసారి ఆదిత్య ఎల్1 కక్ష్య పెంపు ప్రక్రియను చేపట్టినట్లు ఇస్రో ప్రకటించింది. బెంగళూరులోని ఐఎస్ఆర్టీఏసీ నుంచి ఈ విన్యాసం చేపట్టినట్లు తెలిపింది.  

రెండోసారి ఆదిత్య ఎల్1 కక్ష్య పెంపు - వెల్లడించిన ఇస్రో

Source : ISRO Twitter

Aditya-L1 Mission: ఆదిత్య-ఎల్‌1 ఉపగ్రహాన్ని నిర్దేశిత భూకక్ష్యలో ప్రవేశపెట్టిన ఇస్రో మంగళ వారం రెండోసారి కక్ష్య పెంపు ప్రక్రియను చేపట్టింది. ఇదే విషయాన్ని ఎక్స్ ద్వారా ఇస్రో వెల్లడించింది. ప్రస్తుతం 282×40225 కి.మీ. కక్ష్యలోకి ఉపగ్రహం ప్రవేశించినట్లు స్పష్టం చేసింది. బెంగళూరులోని  ఐఎస్ఆర్టీఏసీ (ఇస్రో టెలిమెట్రీ, ట్రాకింగ్‌ అండ్‌ కమాండ్‌ నెట్‌వర్క్‌) నుంచి ఈ విన్యాసం చేపట్టినట్లు పేర్కొంది. అయితే ఇదే సమయంలో ఉపగ్రహాన్ని మారిషస్‌, బెంగళూరు, పోర్ట్‌ బ్లెయిర్‌లోని ఇస్రో గ్రౌండ్‌ స్టేషన్ల నుంచి ట్రాక్‌ చేసినట్లు వెల్లడించింది. ఆదివారం తొలి కక్ష్య పెంపు ప్రక్రియను నిర్వహించిన ఇస్రో... మంగళవారం రెండో కక్ష్యను చేపట్టింది. అలాగే తదుపరి విన్యాసాన్ని సెప్టెంబరు 10వ తేదీ వేకువ జామున 2.30 గంటలకు నిర్వహించనున్నట్లు ఎక్స్ వేదికగా తెలిపింది. 

Aditya-L1 Mission:
The second Earth-bound maneuvre (EBN#2) is performed successfully from ISTRAC, Bengaluru.

ISTRAC/ISRO's ground stations at Mauritius, Bengaluru and Port Blair tracked the satellite during this operation.

The new orbit attained is 282 km x 40225 km.

The next… pic.twitter.com/GFdqlbNmWg

— ISRO (@isro) September 4, 2023

దేశమంతా ఎప్పుడెప్పుడా అని ఎదురు చూసిన ఆదిత్య L1 మిషన్‌ని ఇస్రో సెప్టెంబర్ 2వ తేదీన లాంఛ్ చేసింది ఇస్రో. నిప్పులు కక్కుతూ నింగిలోకి దూసుకెళ్లింది ఈ రాకెట్. సరిగ్గా 11.50 నిముషాలకు రాకెట్ లాంఛ్ అయింది. రెండు దశలు విజయవంతం అయినట్టు ఇస్రో ప్రకటించింది. ఆ తరవాత అన్ని దశలూ దాటుకుని వెళ్లింది ఆదిత్య L1. చివరకు స్పేస్‌క్రాఫ్ట్‌ నుంచి ఉపగ్రహం విజయవంతంగా విడిపోయినట్టు వెల్లడించింది. ఆదిత్య L1 తన ప్రయాణాన్ని మొదలు పెట్టిందని తెలిపింది. 

ఆదిత్య L1ని క్రమంగా లగ్రాంజ్ పాయింట్‌లోకి ప్రవేశపెట్టనుంది ఇస్రో. లగ్రాంజియన్ పాయింట్‌కి చేరుకున్న తరవాత Visible Emission Line Coronagraph (VELC) సాయంతో అక్కడి నుంచి ఫొటోలు పంపనుంది ఆదిత్య L1. రోజుకి 1,440 ఫొటోలు పంపుతుందని ఇస్రో ప్రకటించింది. ఈ ఫొటోల ద్వారా సూర్యుడిపై అధ్యయనం చేసేందుకు వీలవుతుంది. ఆదిత్య L1లో అతి పెద్ద పే లోడ్ VELC. ఈ మిషన్ మొత్తంలో ఇదే అత్యంత కీలకం. Indian Institute of Astrophysics ఇస్రోతో కలిసి ఈ పేలోడ్‌ని తయారు చేసింది. 

L1 కి చేరుకున్నాక..? 

ఒక్కసారి L1 ఫేజ్‌కి చేరుకున్న తరవాత ఆదిత్య L1 ఇంజిన్‌ల సాయంతో పాథ్ మార్చుతారు. అక్కడి నుంచి క్రమంగా L1 Halo Orbitలోకి ప్రవేశిస్తుంది. ఆ పాయింట్ వద్దే ఇది స్టేబుల్‌గా ఉంటుంది. సరిగ్గా ఈ పాయింట్ వద్ద భూమి గురుత్వాకర్షణ శక్తి, సూర్యుడి గురుత్వాకర్షణ శక్తి బ్యాలెన్స్ అవడం వల్ల ఆదిత్య L1 అక్కడే స్థిరంగా ఉంటుంది. అయితే...సైంటిస్ట్‌లు చెబుతున్న వివరాల ప్రకారం...అది అక్కడ స్టేబుల్‌గా ఉండకుండా చాలా నెమ్మదిగా కదులుతుంది. అక్కడి నుంచే సూర్యుడికి సంబంధించిన కీలక వివరాలు సేకరిస్తుంది. రోజుకి 14 వందలకు పైగా ఫొటోలు తీసి పంపుతుంది. లగ్రాంజియన్ పాయింట్‌కి చేరుకున్న తరవాత Visible Emission Line Coronagraph (VELC) సాయంతో అక్కడి నుంచి ఫొటోలు పంపనుంది ఆదిత్య L1. రోజుకి 1,440 ఫొటోలు పంపుతుందని ఇస్రో ప్రకటించింది. ఈ ఫొటోల ద్వారా సూర్యుడిపై అధ్యయనం చేసేందుకు వీలవుతుంది. ఆదిత్య L1లో అతి పెద్ద పే లోడ్ VELC. ఈ మిషన్ మొత్తంలో ఇదే అత్యంత కీలకం. Indian Institute of Astrophysics ఇస్రోతో కలిసి ఈ పేలోడ్‌ని తయారు చేసింది. ఇప్పటికే చంద్రయాన్ 3 సక్సెస్‌తో జోష్ మీదున్న ఇస్రో...ఈ ప్రయోగం కూడా విజయవంతం అవుతుందన్న ధీమాతో ఉంది.