Prostate Cancer: రాత్రివేళ అతిగా మూత్రవిసర్జనకి వెళ్తున్నారా? ఆ క్యాన్సర్‌కు సంకేతం కావచ్చు!

నిద్రలో పదే పదే టాయిలెట్ కి వెళ్లాల్సి వస్తుందా? అయితే వెంటనే వైద్యులని సంప్రదించాలి లేదంటే భయంకరమైన క్యాన్సర్ బారిన పడొచ్చు.

Image Credit: Pexels

రాత్రి నిద్రలో ఒకటి లేదా రెండు సార్లు మూత్ర విసర్జనకి వెళ్తూ ఉంటారు. మరీ ముఖ్యంగా పెద్దవాళ్ళలో ఇది గమనించవచ్చు. కానీ అంతకు మించి ఎక్కువ సార్లు వెళ్తే మాత్రం అది ఆలోచించాల్సిన విషయం. వెంటనే డాక్టర్ ని సంప్రదించి తగిన పరీక్షలు చేయించుకోవడం మంచిదని నిపుణులు సూచిస్తున్నారు. అందుకు కారణం ప్రొస్టేట్ క్యాన్సర్ కావచ్చు. ప్రొస్టేట్ అనేది వాల్ నట్ పరిమాణంలో ఉండే గ్రంథి. మూత్రాశయం కింద ఉంటుంది. వీర్యం తయారు చేయడానికి ద్రవాన్ని ఉత్పత్తి చేస్తుంది. రాత్రిపూట అతిగా మూత్ర విసర్జన చేస్తే అది మీ నిద్రని చెడగొట్టడం మాత్రమే కాదు అనారోగ్యానికి సంకేతంగా భవించాలని యూరాలజిస్ట్ సూచిస్తున్నారు. అందుకే నిద్రపోయే ముందు ఈ చిట్కాలు పాటించమని చెబుతున్నారు.

పడుకునే ముందు నీరు తాగొద్దు

నిద్రకి ఉపక్రమించే ముందు నీటిని అతిగా తాగడం వల్ల మధ్యలో మూత్ర విసర్జనకి వెళ్లాల్సి వస్తుంది. పడుకునే ముందు రెండు గ్లాసుల నీరు అసలు తీసుకోవద్దు. ఒకవేళ మూత్ర విసర్జనకి వెళ్ళి వచ్చిన తర్వాత మళ్ళీ ఒక గ్లాసు నీరు తాగి పడుకుంటారు చాలా మంది. అలా చేయడం వల్ల మీరు అర్థరాత్రి మళ్ళీ మూత్ర విసర్జనకి వెళ్లాల్సి వస్తుంది. అందుకే పడుకునే ముందు వీలైనంత తక్కువగా ద్రవ పదార్థాలు తీసుకోవడం మంచిది.

మద్యం సేవించవద్దు

కొన్ని పానీయాలు సహజ మూత్రవిసర్జన లక్షణాలు కలిగి ఉంటాయి. అవి శరీరం రెండు నుంచి నాలుగు గంటల తర్వాత ఎక్కువ ద్రవాన్ని ఉత్పత్తి చేస్తాయి. ఉదాహరణకి కెఫీన్ ఒక సహజ మూత్రవిసర్జన. నిర్దిష్ట సమయంలో ఎక్కువ దర్వాన్ని ఉత్పత్తి చేస్తుంది. మరొకటి బీర్. ఇది అధిక ద్రవ పదార్థాన్ని కలిగి ఉంటుంది. అందుకే నిద్ర పోయే ముందు మద్యం సేవించడం వల్ల కూడా మధ్యలో మూత్రవిసర్జనకి వెళ్లాల్సిన అవసరం ఏర్పడుతుంది.

చెప్పులు

కాళ్ళలో ద్రవం నిలుపుదల సంకేతాలు ఏవైనా ఉంటే మోకాలి ఎత్తులో ఉండే చెప్పులు ధరించి పడుకోవాలని నిపుణులు సూచిస్తున్నారు. ఫ్యూయిడ్స్ నిలుపుదలని ఎడెమా అని పిలుస్తారు. చాలా మందికి రాత్రిపూట మూత్ర విసర్జన చేయడానికి ఇది ఒక కారణం. చీలమండలు, పాదాలు, కాళ్ళలో వాపు కలిగి ఉండటం ఎడెమా లక్షణాలు. ఎన్ హెచ్ ఎస్ ప్రకారం ఈ ప్రాంతాల్లో ద్రవం ఏర్పడినప్పుడు ఈ పరిస్థితి సంభవిస్తుంది.

శరీరం మూత్రవిసర్జన నిరోధక హార్మోన్ ని తక్కువగా స్రవిస్తుంది. అందుకే కొంతమందికి అసలు నైట్ టైమ్ బాత్ రూమ్ కి వెళ్ళే అవసరం ఉండకుండా హాయిగా నిద్రపోతారు. చిన్న వయసులో ఉన్నప్పుడు ఈ హార్మోన్ రాత్రి ఏడు నుంచి ఎనిమిది గంటలకి విడుదల అవుతుంది. అందుకే 20 నుంచి 30 ఏళ్ల వయసు వాళ్ళు మేల్కోనే సమయంలో ఎక్కువ మంది మూత్ర విసర్జన చేసే అవకాశం ఉందని నిపుణులు చెబుతున్నారు. ఇది కేవలం పురుషులకి మాత్రమే కాదు స్త్రీలకు కూడా వర్తిస్తుంది. ఇవి పాటించిన తర్వాత కూడ రాత్రిపూట ఎక్కువగా మూత్ర విసర్జన చేయాల్సి వస్తే ఆందోళన కలిగించే అంశమే. హార్మోన్ల అసమతుల్యత లేదా ప్రొస్టేట్ క్యాన్సర్ కి సంకేతం కావచ్చు.

యూకే నివేదిక ప్రకారం ప్రొస్టేట్ క్యాన్సర్ ఎనిమిది మంది పురుషులలో ఒకరిని ప్రభావితం చేసే ఒక వ్యాధి. క్యాన్సర్ స్టేజ్ పెరిగే కొద్ది దీని లక్షణాలు కనిపిస్తాయి. ఈ సంకేతాలు కనిపిస్తే మాత్రం జాగ్రత్తగా ఉండాలి.

⦿ మూత్ర విసర్జన చేయడం కష్టంగా మారడం

⦿ మూత్రం సరిగా రాకపోవడం

⦿ యూరిన్ కి వెళ్ళినా కూడా మూత్రాశయం నిండుగా ఉన్న భావన

⦿ సాధారణం కంటే ఎక్కువగా మూత్ర విసర్జన చేయాల్సి రావడం, ముఖ్యంగా రాత్రి సమయంలో

⦿ అకస్మాత్తుగా మూత్ర విసర్జన

ఈ లక్షణాలు కనిపించినంత మాత్రాన అది క్యాన్సర్ అయి ఉంటుందని అర్థం కాదు. కానీ ఈ లక్షణాలు మాత్రం విస్మరించకుండా వైద్యులని సంప్రదించడం ముఖ్యం.

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.