Drawing: పెన్సిల్‌తో గీసిన ఈ డ్రాయింగ్ విలువ రూ.74 కోట్లు, ఆశ్చర్యంగా ఉందా?

కోట్లు విలువ చేసే డ్రాయింగ్ ను తెలియక చాలా తక్కువకే అమ్మేశాడో ఓ దుకాణ యజమాని.

(Image credit: Pixabay)

లండన్లోని ఓ పుస్తక దుకాణం యజమాని 2017లో ఒక డ్రాయింగ్‌ను 30 డాలర్లిచ్చి కొన్నాడు. దాన్ని తన దుకాణంలో పెట్టుకున్నాడు. ఆ షాపుకు వచ్చిన ఓ వ్యక్తి ఆ డ్రాయింగ్‌ను చూసి ఆశ్చర్యపడ్డాడు. అది చాలా పురాతనమైన డ్రాయింగ్ గా గుర్తించాడు. అతని పేరు క్లిఫర్డ్ స్కారర్. అతను పురాతన వస్తువులు సేకరించే వ్యక్తి. అందుకు పెయింటింగ్‌ను చూడగానే అది పురాతనమైనదని గుర్తించాడు. ఆ షాపు ఓనర్ కు కొంత డబ్బు చెల్లించి ఆ పెయింటింగ్‌ను 2019లో కొన్నాడు. ఆ పెయింటింగ్ చరిత్రను కనిపెట్టేందుకు దాదాపు పది దేశాలు తిరిగాడు. చివరికి దాని గొప్పతనాన్ని కనిపెట్టేశాడు. ఆ పెయింటింగ్ ఇప్పటిది కాదు, దాన్ని 16వశతాబ్ధంలోని జీవించిన జర్మన్ కళాకారుడు ఆల్బ్రెచ్ట్ డ్యూరర్ గీశారు. ఆయన 1529లో మరణించారు. అప్పట్లో ఆయన ప్రముఖ చిత్రకారుడు. ఆ తరువాత పెయింటింగ్ చేతులు మారిమారి చివరకు ఇలా బయటపడింది. దాని విలువ రెండు వేల రూపాయలంతా తక్కువ కాదు, దాన్ని వేలం వేస్తే దాదాపు రూ.74 కోట్లు పెట్టి కొనుక్కోవాలి. అందుకే అది ప్రస్తుతం లండన్లోని ఓ వేలం హౌస్ లో ఉంది. 

ఆ పెయింటింగ్ లో ఏ హంగూఆర్బాటం లేదు, ఓ మహిళ చేతిలో చంటి పిల్లతో ఉంది. ఆ చిత్రానికి ‘ద వర్జిన్ అండ్ చైల్డ్’ అని పేరు పెట్టారు. ఈ పెయింటింగ్ వయసు దాదాపు అయిదు వందల సంవత్సరాలకు పైమాటే. పురాతన వస్తువులకు వేలం పాటలో చాలా విలువ పలుకుతుంది. లండన్లో తరచూ ఇలాంటి ప్రాచీన వస్తువుల వేలం పాటలు సాగుతూనే ఉంటాయి. ప్రస్తుతానికి ఈ పెయింటింగ్ విలువను నిర్ణయించారు కానీ ఇంకా వేలానికి పెట్టలేదు. ఒకవేళ పెట్టినా రూ.74కోట్లు పెట్టి ఈ పెన్సిల్ డ్రాయింగ్ ను ఎవరు కొనుక్కుంటారో చూడాలి. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Agnews (@agnewsgallery)