Mamidikai Karam Recipe : సమ్మర్ స్పెషల్ మామిడి కారం.. చాలా సింపుల్గా చేసుకోగలిగే నోరూరించే రెసిపీ
Mamidikai Karam : మామిడికాయ టేస్ట్ని ఎక్కువరోజులు ఎంజాయ్ చేయాలనుకుంటే మామిడికాయ కారం బెస్ట్ ఆప్షన్. మరి దీనిని ఎలా టేస్టీగా చేసుకోవాలో ఇప్పుడు తెలుసుకుందాం.
Andhra Special Tasty Mamidikai Karam Recipe : మామిడికాయతో పచ్చళ్లు, జ్యూస్లు, వివిధ రకాల వంటలు చేసుకుంటారు. అలాంటి వాటిలో మామిడికారం ఒకటి. ఎక్కువ కాలం మామిడి రుచిని ఆస్వాదించాలనుకునేవారు దీనిని చేసుకుంటారు. ముఖ్యంగా ఆంధ్రాలో వివిధ కారాలు, పొడులు చేసుకుని అన్నం, దోశలతో ఆస్వాదిస్తూ ఉంటారు. అలా నోరూరించే రుచికోసం చేసుకునే పొడుల్లో మామిడి కారం కూడా ఒకటి. మరి దీనిని ఎలా చేయాలి? కావాల్సిన పదార్థాలు ఏంటో ఇప్పుడు చూసేద్దాం.
కావాల్సిన పదార్థాలు
మామిడి కాయలు - 5
ఉప్పు - రుచికి తగినంత
పసుపు - 1 టీస్పూన్
శనగపప్పు - 2 టీస్పూన్లు
మినపప్పు - 2 టీస్పూన్లు
జీలకర్ర - 1 టీస్పూన్
ఎండుమిర్చి - 15 నుంచి 20
ధనియాలు - 1 టేబుల్ స్పూన్
వెల్లుల్లి - 5 రెబ్బలు
తయారీ విధానం
ముందుగా మామిడికాయలను బాగా కడిగి ఆరబెట్టి.. పైన తొక్క తీసేయాలి. అనంతరం వాటిని మాగాయ ముక్కలుగా పొడుగ్గా కోసుకోవాలి. వీటిన్నంటినీ ఓ ప్లాస్టిక్ డబ్బాలో వేసుకోవాలి. ఉప్పు, పసుపు వేసి బాగా కలపాలి. అయితే వీటిని స్టీల్ బాక్స్లో పెట్టుకోకూడదు. ఎందుకంటే సాల్ట్ స్టీల్ని తినేస్తుంది. కాబట్టి జాడీలు లేదా ప్లాస్టిక్ బాక్స్లో కలుపుకోవాలి. ఇలా కలిపిన ముక్కలను మూడు రోజులు మూతపెట్టి పక్కన పెట్టుకోవాలి.
మగ్గిన ముక్కల్లో నీరు వస్తుంది. కాబట్టి ముక్కలను గట్టిగా పిండి పక్కన పెట్టుకోవాలి. లేదా కాటన్ క్లాత్లో చుట్టి నీరు మొత్తం పోయేలా చూసుకోవాలి. ఇప్పుడు వాటిని మంచిగా ఎండలో ఆరబెట్టుకోవాలి. మీరు కావాలనుకుంటే మామిడి ముక్కల నుంచి తీసిన నీటిని చారుగా చేసుకోవచ్చు. లేదా డైలీ షాట్స్గా కూడా తాగవచ్చు. ఓ మూడు, నాలుగు రోజులు ఎండలో పెడితే వాటిలోని పచ్చి పోయి ఒరుగు సిద్ధమవుతుంది.
మామిడి ముక్కలు బాగా ఎండిన తర్వాత మామిడి కారం ప్రాసెస్ స్టార్ట్ చేసుకోవాలి. స్టౌవ్ వెలిగించి కడాయి పెట్టి దానిలో నూనె వేసుకోవాలి. శనగ పప్పు, మినపప్పు వేసి వేయించుకోవాలి. జీలకర్ర వేసి వేయించి పక్కన పెట్టుకోవాలి. ఎండమిర్చి కూడా వేరుగా వేయించుకోవాలి. ధనియాలు, వెల్లుల్లి రెబ్బలు కూడా ఫ్రై చేసుకోవాలి.
ముందుగా ఎండబెట్టిన మామిడి ముక్కలను జార్లో వేసి మెత్తగా పొడిగా చేసుకోవాలి. దాని తర్వాత వేయించుకున్న దినుసులు కూడా వేసి పొడిగా చేసుకోవాలి. దానిలో రుచికి తగినంత ఉప్పు వేసుకుని మరోసారి కలుపుకోవాలి. అంతే నోరూరించే మామిడికాయ కారం రెసిపీ రెడీ. దీనిని వేడి వేడి అన్నంలో నెయ్యితో కలిపి తింటే రుచి అద్భుతంగా ఉంటుంది. ఎక్కువ కాలం మామిడి రుచిని ఆస్వాదించాలనుకునేవారు పచ్చళ్ల రూపంలో కాకుండా ఈ రెసిపీ కూడా ట్రై చేయవచ్చు. మరి ఇంకెందుకు ఆలస్యం మీరు కూడా ఈ మ్యాంగో పౌడర్ ఇంట్లోనే సిద్ధం చేసేసుకోండి.
మరిన్ని టేస్టీ, నోరూరించే రెసిపీల కోసం దీనిని క్లిక్ చేయండి.
Before You Go
Simple Yoga for Body Fat | చెడు కొవ్వును సింపుల్ యోగాసనాలతో దూరం చేయండి
టాప్ హెడ్ లైన్స్
ట్రెండింగ్ వార్తలు
