Bitter Gourd: శిశువు ఏ లోపాలు లేకుండా పుట్టాలంటే గర్భిణీలు కాకరకాయ వంటకాలు తినాల్సిందే

గర్భం ధరించాక మహిళలు ఆహారం విషయంలో చాలా జాగ్రత్తలు తీసుకోవాలి. లేకుంటే పుట్టే పిల్లల్లో లోపాలు వచ్చే అవకాశం ఉంది. చాలామంది మహిళలు జంక్, ప్రాసెస్డ్ ఫుడ్, అధిక కేలరీలు ఉండే ఫుడ్ ను తినడానికి ఇష్టపడతారు. ఇది తల్లీ, బిడ్డ ఇద్దరి దీర్ఘకాలిక ఆరోగ్యానికి హానికరమైనవి. అందుకే వైద్యులు ఎప్పుడూ కూడా ఆరోగ్యకరమైన, సమతుల్యమైన ఆహారం తినాలని, ఇది గర్భస్థ శిశువులపై సానుకూల ప్రభావాన్ని చూపిస్తుందని చెబుతారు. గర్భిణీలు కచ్చితంగా తినాల్సిన ఆహారాలలో కాకరకాయ కూడా ఒకటి. ఇది పిండం అభివృద్ధిలో సహాయపడుతుంది. 

పిండానికి ఎలా మంచిది?
కాకరకాయలు పోషకాలతో నిండి ఉంటాయి. ఇవి తల్లిపైనే కాదు గర్భస్థ శిశువు ఆరోగ్యాన్ని కూడా కాపాడతాయి. ఒక పరిశోధనలో ఎలుకలపై ఈ కాకరకాయలు ఏ విధంగా ప్రభావం చూపిస్తాయో పరిశోధన చేశారు. ఇందులోని ఇథనాల్ గర్భధారణ సమయంలో తినడం పూర్తిగా సురక్షితం అని తేలింది. గర్భం పై సానుకూల ప్రభావాన్ని చూపిస్తుందని తెలిసింది. కాకరకాయ తినడం వల్ల గర్భం ధరించిన మహిళల రక్తంలోని చక్కెర స్థాయిలు అదుపులో ఉంటున్నట్టు గుర్తించారు.

భారతదేశంతో పాటు ఆగ్నేయాసియా దేశాలలో ఫొలేట్ లోపం కనిపిస్తుంది. ఇది గర్భిణీ స్త్రీలకు అవసరమైన ఖనిజం. ఇది లోపిస్తే గర్భస్థ శిశువులో న్యూరల్ ట్యూబ్ లోపాలు వచ్చే అవకాశం ఉంది. కాకరకాయలో ఫొలేట్ పుష్కలంగా ఉంటుంది. దీన్ని తినడం వల్ల శిశువుకు ఎలాంటి నరాల వ్యవస్థ లోపాలు రాకుండా ఉంటాయి.

కాకరకాయలో విటమిన్ సి పుష్కలంగా ఉంటుంది. ఇందులో ఉండే చేదు శరీరంలోని హానికరమైన బ్యాక్టీరియాతో పోరాడుతుంది. రోగనిరోధక శక్తిని పెంచుతుంది. గర్భిణీ స్త్రీల ప్రేగు కదలికలను సులభతరం చేసి, జీర్ణవ్యవస్థ సరిగా పనిచేసేలా చేస్తుంది.

మితంగా తినాలి...
వైద్యులు చెబుతున్న ప్రకారం గర్భిణీ స్త్రీలు ఎన్నుకునే ఆహారం ఎల్లప్పుడూ ఆరోగ్యంగా ఉండాలి. ఏ ఆహారాన్ని అవసరానికి మించి తినకూడదు. అలాగే కాకరకాయ కూడా మితంగానే తినాలి. వారానికి రెండుసార్లు కాకరకాయ తింటే చాలు. అంతకుమించి తినకపోవడమే మంచిది. వీటిలో ఉండే గ్లైకోసైడ్లు వంటివి శరీరంలో అధికంగా చేరితే అవయవాలను విషపూరితం చేస్తాయి. వికారం, వాంతులు వంటి వచ్చే అవకాశం ఉంది. కాబట్టి వారానికి రెండుసార్లు కాకరకాయను తింటే చాలు. రెండు సార్లు తినడం వల్ల మాత్రం అంతా మంచే జరుగుతుంది.  సాధారణంగా కూడా కాకరకాయ తినడం ఆరోగ్యానికి మంచిదే.

Also read: ప్రపంచంలోనే అరుదైనవి నల్లని పుచ్చకాయలు, వీటిని పెళ్లికి గిఫ్టులుగా ఇస్తారు

Also read: ఈ ఆప్టికల్ ఇల్యూషన్ చిత్రంలో మీ మెదడు మొదట ఏ బొమ్మను గుర్తించింది?