అన్వేషించండి

Kissing In Wedding: అరె ఏంట్రా ఇదీ! దేశీ పెళ్లిలో విదేశీ కిస్.. అతిథుల ముందే..

హిందూ సాంప్రదాయంలో వధువరులు అతిథుల ముందే ముద్దు పెట్టుకోవడాన్ని ఎప్పుడైనా చూశారా? ఇదిగో ఈ జంట అదే చేసింది.

By : ABP Desam | Updated at : 26 Nov 2021 05:42 PM (IST)

Pandit asks desi bride and groom to kiss on father's request, Video Goes Viral Kissing In Wedding: అరె ఏంట్రా ఇదీ! దేశీ పెళ్లిలో విదేశీ కిస్.. అతిథుల ముందే..

Image Credit: shutterdownphotography/Instagram

మార్పు మంచిదే, కానీ.. మరీ ఇంత మార్పును ఎవరు కోరుకుంటారు చెప్పండి. ఎక్కడో విదేశాల్లోని సాంప్రదాయాన్ని మన భారతీయ పెళ్లిల్లో చొప్పిస్తే.. కాస్త ఎబ్బెట్టుగానే ఉంటుంది. ఇదిగో ఈ పెళ్లిలో అదే చేశారు. హిందూ సాంప్రదాయంలో పెళ్లి చేసుకున్న జంటను.. అతిథుల ముందు పెట్టుకోవాలని కుటుంబ సభ్యులు ప్రోత్సహించారు. పైగా.. ఆ మాటను పెళ్లి పంతులతోనే చెప్పించారు. ఈ వీడియో ఇప్పుడు సోషల్ మీడియాలో వైరల్‌గా చక్కర్లు కొడుతోంది. ఇక విషయంలోకి వెళ్తే...

పెళ్లి తర్వాత వధువరులు ఓ పూజలో కూర్చున్నారు. వారి కుటుంబ సభ్యులు కూడా అక్కడే ఉన్నారు. అప్పుడే వరుడు పంతులతో ఓ మాట చెప్పమన్నాడు. అది విని పంతులకు కూడా మైండ్ బ్లాకైంది. ఎందుకంటే.. వధువరులను ముద్దు పెట్టుకోవాలని చెప్పండని ఆయన పంతులుకు చెప్పాడు. దీంతో ఆయన మొహపడ్డారు. కానీ, సిగ్గుపడుతూనే ముద్దు పెట్టుకోండని వధువరులకు చెప్పాడు. ఈ మాట కోసమే ఎదురుచూస్తున్నాం అన్నట్లుగా వధవరులు అందరి ముందే లిప్ లాక్ చేసుకున్నారు. సోషల్ మీడియాలో వైరల్‌గా చక్కర్లు కొడుతున్న ఈ వీడియో చూసి.. నెటిజనులు భిన్నంగా స్పందిస్తున్నారు. కొందరు ప్రతికూలంగా స్పందిస్తుంటే.. కొందరు మాత్రం వారికి సపోర్ట్ చేస్తున్నారు.

Also Read: ఏపీలో ‘బూమ్ బూమ్’ అంటే మందిస్తారు.. ఆ దేశాల్లో మాత్రం దండిస్తారు, ఎందుకంటే..

హిందూ సాంప్రదాయంలో ఈ దిక్కుమాలిన కల్చర్‌ను ఎందుకు చేరుస్తున్నారని తిడుతుంటే.. కొందరు మాత్రం వధువరులు ముద్దుపెట్టుకోవడం చాలా క్యూట్‌‌గా ఉందని అంటున్నారు. పెళ్లిలో వధువరులు పరస్పర అంగీకారాన్ని తెలియజేస్తూ కిస్ చేసుకోవడమనేది విదేశీ కల్చర్. ఈ నేపథ్యంలో దేశీ పెళ్లిలో విదేశీ కల్చర్ అంటూ కొందరు ట్రోల్ చేస్తున్నారు. మరి, ఈ వీడియో చూసి మీ అభిప్రాయం కూడా చెప్పేయండి మరి.