Skin Cancer: పుట్టుమచ్చలే కాదు ఈ లక్షణాలు కూడా చర్మ క్యాన్సర్ సంకేతాలే

పుట్టుమచ్చలు అందరికీ ఉంటాయి. కానీ కొందరికి ఉండే పుట్టుమచ్చలు క్యాన్సర్ మచ్చలని గుర్తించడం చాలా కష్టం. ప్రపంచవ్యాప్తంగా చర్మ క్యాన్సర్ కేసులు వేగంగా పెరుగుతున్నాయి. చర్మ క్యాన్సర్ ని కనిపెట్టడం సులభం అనుకుంటారు కానీ దాని ప్రారంభ సంకేతాలు గుర్తు పట్టడం చాలా కష్టం. అమెరికన్ అకాడమీ ఆఫ్ డెర్మటాలజీ అసోసియేషన్ ప్రకారం ఇంట్లోనే చర్మ మీద మచ్చలు గురించి తనిఖీ చేసుకోవడం చాలా ముఖ్యమని అంటున్నారు.

చర్మ క్యాన్సర్ సంకేతాలు

చర్మ క్యాన్సర్ సంకేతాలలో అసాధరణంగా కనిపించేది పుట్టుమచ్చలే. చర్మంలో మార్పులు, కొత్తగా గడ్డలు లేదంటే నయం కానీ పుండ్లు కనిపిస్తాయి. ఇవి మెరుస్తూ మైనం ముద్దగా ఉంటాయి. కొన్ని సార్లు వీటి నుంచి రక్తస్రావం అవుతుంది. ఆరోగ్య నిపుణుల అభిప్రాయం ప్రకారం ఇది ప్రారంభ దశ బేసల్ లేదా స్క్వామన సెల్ స్కిన్ క్యాన్సర్ కావచ్చు. అమెరికన్ అకాడమీ ఆఫ్ డెర్మటాలజీ అసోసియేషన్ ప్రకారం కనురెప్ప మీద గట్టి బంప్ లాంటి తైల గ్రంథులలో మొదలయ్యే సెబాషియస్ గ్లాండ్ కార్సినవమా అని పిలిచే అరుదైన చర్మ క్యాన్సర్ ని సూచిస్తుంది.

పొడి పాచ్

చాలా మంది వ్యక్తులు తమ చర్మంపై పొడిగా, పొలుసుగా ఉండే పాచెస్ కనిపిస్తాయి. వీటిని యాక్టినిక్ కెరాటోసెస్ అని కూడా పిలుస్తారు. ఇది సూర్యరశ్మికి గురికావడం వల్ల సంభవిస్తుంది. కెరాటోసెస్ అనేది చర్మ పెరుగుదల అని వైద్యులు చెబుతున్నారు. ఇది సాధారణ చర్మ క్యాన్సర్ పొలుసుల కణ క్యాన్సర్ గా మారుతుంది. డ్రై ప్యాచ్ మాయిశ్చరైజ్ చచేసినప్పుడు తగ్గిపోతే అది క్యాన్సర్ సంకేతం కాకపోవచ్చు.

నయం కానీ గాయాలు

చర్మ క్యాన్సర్ వస్తే చర్మం మీద దద్దుర్లు, లేదా పాచ్ లు కనిపిస్తాయి. ఇవి నెమ్మదిగా క్రస్ట్ ను ఏర్పరుస్తాయి. వాటి నుంచి చీము, రక్తం కారడం జరుగుతుంది. క్యాన్సర్ పెరుగుతున్న కొద్దీ గాయం పరిమాణం, ఆకారం కూడా పెరుగుతుంది. బేసల్ సెల్ కార్సినవమా ఏర్పడుతుంది. ఈ గాయాలు నయం కావు, దీర్ఘకాలం పాటు రక్తస్రావం జరుగుతుంది.

ఎరుపు లేదా పింక్ రంగు గాయాలు

పింక్, ఎరుపు, ఊదా రంగు గాయాలు ప్రమాదకరం. నొప్పిలేకుండా కనిపిస్తాయి. ఇవి కూడా త్వరగా నయం కావు. చర్మం సూర్యరశ్మికి ఎక్కువగా బహిర్గతం అయితే అవి త్వరగా పెరుగుతాయి. అమెరికా క్యాన్సర్ చికిత్స కేంద్రం చెప్పిన దాని ప్రకారం ఇవి ఇటువంటి గాయాలు కపోసి సార్కోమా అని అంటారు. తరచుగా తల లేదా మెడపై అభివృద్ధి చెందుతాయి. మొదట రక్తనాళాలో ప్రారంభవమై తర్వాత విస్తరిస్తాయి.

కేవలం పుట్టుమచ్చలు మాత్రమే చర్మ క్యాన్సర్ సంకేతాలు అనుకుంటారు. కానీ ఇవి కూడా ప్రమాదకరమైన చర్మ క్యాన్సర్ లక్షణాలే. ఇవి కనిపించినా కూడా వెంటనే వైద్యులను సంప్రదించి రోగనిర్ధారణ పరీక్షలు చేయించుకోవడం ముఖ్యం.

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు. 

Also Read: ఈ చిట్కాలు పాటిస్తే గురక పరార్ - రాత్రంతా హాయిగా నిద్రపోవచ్చు!