Bizarre: డేటింగ్ యాప్ పై కోర్టుకెళ్లిన యువకుడు... కారణం తెలిస్తే నవ్వుకుంటారు

ఆ కుర్రాడికి ఇరవైతొమ్మిదేళ్లు. పేరు ఐన్ క్రాస్. అంత వయసొచ్చినా ప్రేమించడానికి, పెళ్లాడడానికి ఓ పిల్ల దొరకలేదు. బయట వెతికి వెతికి అలిసిపోయినా ఐన్, చివరికి ఓ డేటింగ్ సైట్ ను ఆశ్రయించాడు. వారు చెప్పింది విని అడిగినంత డబ్బు ముట్టచెప్పాడు. కానీ చివరికి చూస్తే అక్కడ కూడా పిల్ల దొరకలేదు. సరికదా ఆ డేటింగ్ యాప్ వాళ్లు తనకు అబద్ధాలు చెప్పి మోసం చేసినట్టు గుర్తించాడు. దీంతో ఆ డేటింగ్ వెబ్ సైట్ పైనే కోర్టులో దావా వేశాడు. ఇదంతా జరిగింది అమెరికాలో. 

అమెరికాలో ‘డెన్వర్ డేటింగ్ కో’ ఓ డేటింగ్ యాప్. ఐన్ ఆ సంస్థ ఎగ్జిక్యూటివ్ తో మాట్లాడి తనకు ఓ మంచి అమ్మాయి కావాలని కోరాడు. ఆమెతో డేటింగ్ చేశాక, నచ్చితే పెళ్లి చేసుకోవడానికి సిద్ధమని చెప్పాడు. తనకు 25 నుంచి 35 ఏళ్లలోపు అమ్మాయి కావాలని చెప్పాడు. దానికి ఆ సంస్థ ఎగ్జిక్యూటివ్ తమ డేటింగ్ యాప్ లో వందల కొద్దీ అమ్మాయిలు ఉన్నారని, సభ్యుడిగా చేరితే, నచ్చిన వారిని ఎంచుకోవచ్చని చెప్పాడు. ఇంకేముంది ఐన్ కొండంత ఆశతో ఏడు లక్షల రూపాయలు  కట్టాడు. తీరా చూసే ఆ వెబ్ సైట్ డేటాబేస్‌లో అయిదుగురు అమ్మాయిలు మాత్రమే ఉన్నట్టు తెలిసింది. ఆ అయిదుగురిలో ఒక్కరు కూడా బాగోలేరు. దీంతో ఐన్ కు ఒళ్లు మండింది. వందల మంది ఉన్నారని అబద్ధాలాడి తన చేత డబ్బులు కట్టించుకున్నారని చెబుతూ ఆ సంస్థపై కోర్టులో కేసు వేశాడు. మరి కోర్టు ఏం తీర్పు ఇస్తుందో చూడాలి. గత మేనెలలో కూడా ఇలాగే ఓ మహిళ డేటింగ్ ఏజెన్సీపై కేసు వేసింది. తనకు ఆరు అడుగుల అందగాడు కావాలని అడిగితే, అంతకన్నా తక్కువ ఎత్తు ఉన్నవారిని డేటింగ్ ఏజెన్సీ చూపించిందని ఆమె ఆరోపణ. 

కొత్తగా ఆ సర్టిఫికెట్ కూడా
డేటింగ్ యాప్ లో వివరాలు నమోదులో ఇప్పుడు కొత్తగా ఓ కాలమ్ చేరింది. అదే వ్యాక్సినేషన్. వ్యాక్సినేషన్ పూర్తయిన వాళ్లకే డేటింగ్ యాప్ లో డిమాండ్ ఉంటోందట. అందుకే వ్యాక్సిన్ సమాచారం మాండేటరీ చేశాయి డేటింగ్ సైట్లు.

Also read: వంటనూనెల్లో ఏది మంచిది? ఏ నూనె ఆరోగ్యానికి ఎక్కువ మేలు చేస్తుంది?

Also read:  ఆ సమస్యా ఉన్నా ఇలా చేస్తే పిల్లలు పుట్టే ఛాన్స్

Also read:  డయాబెటిస్ రోగులు కూడా హ్యాపీగా తినొచ్చు... తింటే ఎన్ని లాభాలో

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి