Semen Cupcakes: భర్త వీర్యాన్ని కేకులు, డ్రింక్స్‌లో కలిపి విద్యార్థులకు పంచిన టీచర్, చివరికిలా చిక్కింది

ఓ టీచర్ దారుణానికి పాల్పడింది. తన భర్త వీర్యాన్ని పూసిన కేకులను విద్యార్థులకు తినిపిస్తూ ఆనందించిన ఆ టీచర్‌కు కోర్టు.. పెరోల్‌కు అవకాశం లేకుండా 41 ఏళ్ల జైలు శిక్ష విధించింది.

Representational Image/Pexels

Semen Laced Cupcakes | విద్యాబుద్ధులు నేర్పాల్సిన టీచరే బుద్ధిలేని పనికి పాల్పడింది. భర్త వీర్యాన్ని కేకుల్లో కలిపి విద్యార్థులకు పంచిపెట్టింది. మరి, ఈ విషయం ఎలా బయటపడింది? కేకుల్లో వీర్యం కలిసినట్లు ఎలా తెలిసింది?

అమెరికాలోని లూసియానా(Louisiana)కు చెందిన సింథియా పెర్కిన్స్‌ అనే ఉపాధ్యాయురాలు తన వృత్తికే కలంకం తెచ్చింది. వెస్ట్‌సైడ్ జూనియర్ హై స్కూల్‌లో టీచర్‌గా పనిచేసేప్పుడు విద్యార్థులను లోబరుచుకుని.. వారితో కామకలాపాలకు పాల్పడేది. వారిని లైంగికంగా వేదిస్తూ వీడియోలు తీస్తూ ఆనందించేది. ఇందుకు ఆమె భర్త కూడా సహకరించేవాడని తెలిసింది. స్కూల్ యాజమాన్యం ఫిర్యాదు మేరకు పోలీసులు సింథియా ఇంట్లో సోదాలు చేయగా షాకింగ్ విషయాలు బయటపడ్డాయి. 

పిల్లలను లైంగికంగా వేదిస్తున్న వీడియోలను పోలీసులు స్వాధీనం చేసుకున్నారు. వాటిలో ఓ వీడియోలో.. స్కూల్ పిల్లలకు తినిపించే కప్ కేక్‌‌లకు ఆమె తన భర్త వీర్యాన్ని క్రీమ్‌లా రాయడం చూసి పోలీసులు ఆశ్చర్యపోయారు. దీనిపై ఆమెను ప్రశ్నించగా.. కేకుల్లో మాత్రమే కాకుండా, స్కూల్లో పిల్లలకు ఇచ్చే కూల్ డ్రింక్స్‌లో తన భర్త వీర్యాన్ని కలిపానని ఆమె తెలిపింది. దీంతో పోలీసులు ఆమెపై 72 లైంగిక నేరాలను దాఖలు చేశారు. ఆమెకు భర్తను కూడా అదుపులోకి తీసుకుని, అతడిపై వివిధ సెక్షన్ల ప్రకారం 150 నేరాలను నమోదు చేశారు.

ఈ ఘటన 2019లో చోటుచేసుకోగా.. ఇటీవలే కోర్టు ఈ కేసును విచారించింది. ఆమె నేరాన్ని అంగీకరించడంతో 72 లైంగిక ఆరోపణల్లో 68 కేసులను రద్దు చేశారు. పిల్లలపై లైంగిక వేదింపులు, పోర్న్ చిత్రీకరణ, ప్రమాదకర పదార్థం (వీర్యం) ఆహారంలో కలిపి విద్యార్థులకు తినిపించిన నేరాలు, పిల్లలపై అత్యాచారం, అత్యాచారయత్నం కింద నమోదైన కేసులను విచారించిన ధర్మాసనం ఆమెకు 41 ఏళ్లు కారాగార శిక్ష విధించింది. 40 ఏళ్ల వరకు ఆమెకు పెరోల్ ఇవ్వకూడదని ఆదేశించింది. ప్రస్తుతం ఆమె భర్త డెన్నీస్ కేసు విచారణలో ఉన్నట్లు తెలిసింది. 

డేన్నీస్ లివింగ్స్టన్ పారిష్ షెరీఫ్ కార్యాలయంలో డిప్యూటీ ఆఫీసర్‌గా పనిచేసేవాడు. మరోవైపు భార్య చేసే పాడుపనులకు సహకరించేవాడు. ఓ రోజు స్కూల్ యాజమాన్యానికి ఆమె చేస్తున్న దారుణాల గురించి తెలిశాయి. ఆమె పిల్లలను లైంగికంగా వేదించడమే కాకుండా, కప్ కేకుల్లో వీర్యాన్ని కలిపి ఇస్తుందనే సందేహంతో పోలీసులకు ఫిర్యాదు చేశారు. కోర్టులో స్కూల్ యాజమాన్యం ఆమెపై దావా వేశారు. పోలీసులు ఆమెను అరెస్టు చేసిన రోజే విధుల నుంచి తొలగించారు. ఆమెకు సహకరించిన భర్త డెన్నీస్‌ను కూడా షెరీఫ్ బాధ్యతల నుంచి తొలగించారు.